/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/uploads/2023/07/threads-twitter.jpg)
'ത്രെഡ്സ്' ട്വിറ്ററിന് വെല്ലുവിളിയോ? മണിക്കൂറുകള്‍ക്കുള്ളില്‍ ദശലക്ഷക്കണക്കിന് ഉപയോക്താക്കള്‍, അറിയേണ്ടതെല്ലാം
ന്യൂഡല്‍ഹി: ട്വിറ്ററിന് വെല്ലുവിളിയായി മാര്‍ക്ക് സക്കര്‍ബര്‍ഗ് ബുധനാഴ്ച (ഇന്ത്യയില്‍ വ്യാഴാഴ്ച) പുതിയ മൈക്രോബ്ലോഗിംഗ് പ്ലാറ്റ്ഫോമായ ത്രെഡ്സ് അവതരപ്പിച്ചിരിക്കുകയാണ്. ഇന്‍സ്റ്റഗ്രാമിന്റെ തന്നെ ''ടെക്സ്റ്റ് അധിഷ്ഠിത സംഭാഷണ ആപ്പ്'' ആണ് ത്രെഡ്സ് എന്ന് മെറ്റാ പറയുന്നു. ത്രെഡ്സ് തുടങ്ങി മണിക്കൂറുകള്‍ക്കുള്ളില്‍ ദശലക്ഷക്കണക്കിന് ഉപയോക്താക്കളെയാണ് നേടിയത്.
ഇലോണ്‍ മസ്‌ക് ഏറ്റെടുത്തതിന് ശേഷം ക്രമരഹിതമായ തീരുമാനങ്ങളുടെ ഒരു പരമ്പരയില്‍ പ്രതിസന്ധി നേരിടുന്ന ട്വിറ്ററില്‍ നിന്ന് ഉപയോക്താക്കളുടെ കൊഴിഞ്ഞുപോക്ക് തുടരുന്ന സാഹചര്യത്തിലാണ് ഇന്‍സ്റ്റഗ്രാം ത്രെഡ്സ് എന്ന പുതിയ ആപ്പ് പുറത്തിറക്കിയിരിക്കുന്നത്. പ്രവര്‍ത്തനം തുടങ്ങി ആദ്യ ഏഴ് മണിക്കൂറിനുള്ളില്‍ ത്രെഡ്സ് 10 ദശലക്ഷം വരിക്കാരെ നേടിയതായി സക്കര്‍ബര്‍ഗ് അവകാശപ്പെട്ടു.
ത്രെഡ്‌സില്‍ ചേര്‍ന്ന പ്രമുഖ വ്യക്തികളില്‍ കിം കര്‍ദാഷിയന്‍, ജെന്നിഫര്‍ ലോപ്പസ് തുടങ്ങിയ സെലിബ്രിറ്റികളും ഡെമോക്രാറ്റിക് യുഎസ് പ്രതിനിധി അലക്സാന്‍ഡ്രിയ ഒകാസിയോ-കോര്‍ട്ടെസിനെപ്പോലുള്ള പ്രമുഖ രാഷ്ട്രീയക്കാരും ഉള്‍പ്പെടുന്നു.
ത്രെഡ്സ് ട്വിറ്ററുമായി ഒരു മത്സരം കാഴ്ചവെക്കുമോ ഇപ്പോള്‍ പറയാന്‍ കഴിയില്ല.
ത്രെഡ്‌സിനെക്കുറിച്ച് നിങ്ങള്‍ അറിഞ്ഞിരിക്കേണ്ട ചില കാര്യങ്ങള്‍ ഇതാ.
ട്വിറ്ററിന് സമാനമായ സവിശേഷതകള്‍
100-ലധികം രാജ്യങ്ങളില്‍ ആപ്പിള്‍ ആപ്പ് സ്റ്റോറിലും ഗൂഗിള്‍ പ്ലേ സ്റ്റോറിലും ത്രെഡ്സ് സൗജന്യമായി ഡൗണ്‍ലോഡ് ചെയ്യാം. മറ്റുള്ളവര്‍ക്ക് ഇഷ്ടപ്പെടാനും പങ്കിടാനും അഭിപ്രായമിടാനും കഴിയുന്ന ഹ്രസ്വ സന്ദേശങ്ങള്‍ ഉപയോക്താക്കള്‍ക്ക് പോസ്റ്റുചെയ്യാന്‍ കഴിയുന്ന ടെക്സ്റ്റ് അടിസ്ഥാനമാക്കിയുള്ള സോഷ്യല്‍ മെസേജിംഗ് ആപ്പാണിത്. പോസ്റ്റുകള്‍ക്ക് 500 ക്യാരക്‌ടേഴ്‌സ് വരെ ദൈര്‍ഘ്യമുണ്ടാകാം, കൂടാതെ 5 മിനിറ്റ് വരെ ദൈര്‍ഘ്യമുള്ള ലിങ്കുകളും ഫോട്ടോകളും വീഡിയോകളും ഉള്‍പ്പെടുത്താം.
മാര്‍ക്ക് സക്കര്‍ബര്‍ഗ് ഇന്ന് രാവിലെ ട്വിറ്ററില്‍ ഒരു ട്വീറ്റ് പങ്കിട്ടു. സ്പൈഡര്‍മാന്‍ വേഷധാരികളായ രണ്ട് പേര്‍ പരസ്പരം വിരല്‍ ചൂണ്ടുന്ന ചിത്രമാണ് സക്കര്‍ബര്‍ഗ് ട്വീറ്റ് ചെയ്തത്. ട്വിറ്ററിനെ നേരിട്ട് വെല്ലുവിളിക്കുന്ന അതേ 'വേഷധാരിയായ' പ്ലാറ്റ്ഫോം തന്നെയാണ് ത്രെഡ്സ് എന്ന് പ്രഖ്യാപിക്കുകയും ട്വിറ്ററിനെ പരസ്യമായി വെല്ലുവിക്കുന്നതാകാം സക്കര്‍ബര്‍ഗ് തന്റെ ട്വീറ്റിലൂടെ ഉദ്ദേശിച്ചത്.
ഇന്‍സ്റ്റാഗ്രാം നെറ്റ്‌വര്‍ക്കില്‍ നിര്‍മ്മിച്ചത്
ഇന്‍സ്റ്റാഗ്രാം നെറ്റ്‌വര്‍ക്കിലാണ് ആപ്പ് നിര്‍മ്മിച്ചിരിക്കുന്നത്, അതായത് ഉപയോക്താക്കള്‍ക്ക് അവരുടെ ഇന്‍സ്റ്റാഗ്രാം ഐഡി ഉപയോഗിച്ച് വീണ്ടും ഉപയോഗിക്കാനും നിങ്ങള്‍ ഇതിനകം ഇന്‍സ്റ്റാഗ്രാമില്‍ പിന്തുടരുന്ന അതേ ആളുകളെ സ്വയമേവ പിന്തുടരാനും കഴിയും. എന്നിരുന്നാലും, നിങ്ങളുടെ ത്രെഡ്സ് പ്രൊഫൈല്‍ ഇഷ്ടാനുസൃതമാക്കാനും മെറ്റാ നിങ്ങളെ അനുവദിക്കുന്നു.
ഇന്‍സ്റ്റാഗ്രാമുമായുള്ള ത്രെഡ്‌സിന്റെ ബന്ധം അതിന് അന്തര്‍നിര്‍മ്മിത ഉപയോക്തൃ അടിത്തറയും പരസ്യ ഉപകരണവും നല്‍കുമെന്ന് വിശകലന വിദഗ്ധര്‍ പറഞ്ഞു. ട്വിറ്ററിന്റെ പുതിയ സിഇഒ ബിസിനസ്സ് പുനരുജ്ജീവിപ്പിക്കാന്‍ ശ്രമിക്കുന്ന സമയത്ത് ത്രെഡ്സ് ട്വിറ്ററില്‍ നിന്ന് പരസ്യ ഡോളറുകള്‍ തട്ടിയെടുക്കും. 'മെറ്റയ്ക്ക് യഥാര്‍ത്ഥത്തില്‍ ഒരു 'ട്വിറ്റര്‍-കില്ലര്‍' ഉണ്ടെന്നുള്ള പ്രതീക്ഷയെക്കുറിച്ച് നിക്ഷേപകര്‍ക്ക് അല്‍പ്പം ആവേശം കാണിക്കാതിരിക്കാന്‍ കഴിയില്ല,' നിക്ഷേപ സ്ഥാപനമായ എജെ ബെല്ലിന്റെ സാമ്പത്തിക വിശകലന വിഭാഗം മേധാവി ഡാനി ഹ്യൂസണ്‍ പറഞ്ഞു.
ക്രോസ്-പ്ലാറ്റ്ഫോം ഇടപെടലുകള്‍ പ്രവര്‍ത്തനക്ഷമമാക്കുന്നു
ഫെഡിവേഴ്സ് എന്നറിയപ്പെടുന്ന ഫീച്ചറിനെ ത്രെഡ്സ് പിന്തുണയ്ക്കും. മാസ്റ്റഡോണ്‍ പോലുള്ള ഇതര മൈക്രോബ്ലോഗിംഗ് പ്ലാറ്റ്ഫോമുകളില്‍ നിന്നുള്ള ആളുകളുമായി സംവദിക്കാന്‍ ഈ ഫീച്ചര്‍ ത്രഡ്‌സ് ഉപയോക്താക്കളെ പ്രാപ്തമാക്കും.
ഇന്‍സ്റ്റാഗ്രാമിന്റെ വെബ്സൈറ്റ് അനുസരിച്ച്, 'കണക്റ്റുചെയ്തതും പരസ്പരം ആശയവിനിമയം നടത്താന്‍ കഴിയുന്നതുമായ മൂന്നാം കക്ഷികള്‍ പ്രവര്‍ത്തിപ്പിക്കുന്ന വ്യത്യസ്ത സെര്‍വറുകളുടെ ഒരു സോഷ്യല്‍ നെറ്റ്വര്‍ക്കാണ് ഫെഡിവേഴ്സ് ഞങ്ങള്‍ ചെയ്യാത്ത മറ്റ് ഫെഡിവേര്‍സ് പ്ലാറ്റ്ഫോമുകളിലെ ആളുകളുമായി ആശയവിനിമയം നടത്താന്‍ ത്രെഡ്സ് നിങ്ങളെ പ്രാപ്തമാക്കും എന്നാണ്.
ട്വിറ്റര്‍
കഴിഞ്ഞ ഒക്ടോബറില്‍ 44 ബില്യണ്‍ ഡോളറിന് മസ്‌ക് ട്വിറ്റര്‍ വാങ്ങിയെങ്കിലും, ഉപയോക്താക്കളെയും പരസ്യദാതാക്കളെയും അകറ്റുന്ന വിധം ജീവനക്കാരെ വെട്ടിക്കുറച്ചതും ഉള്ളടക്ക മോഡറേഷന്‍ വിവാദങ്ങളും കാരണം പ്ലാറ്റ്്‌ഫോമിന്റെ മൂല്യം കുത്തനെ ഇടിഞ്ഞു. ട്വിറ്ററിന്റെ പുതിയ നീക്കങ്ങള്‍ വിവാദങ്ങള്‍ ഉണ്ടാക്കി. ഉപയോക്താക്കള്‍ക്ക് പ്രതിദിനം വായിക്കാന്‍ കഴിയുന്ന ട്വീറ്റുകളുടെ എണ്ണം പരിമിതപ്പെടുത്തുന്നത് ഉള്‍പ്പെടുന്നയായിരുന്നു അവ. ഈ സാഹചര്യത്തിലാണ് ത്രെഡ്സ് വിപണിയില്‍ ചുവടുവെക്കുമെന്ന് പ്രതീക്ഷിക്കുന്നത്.
സ്വകാര്യത ആശങ്കകള്‍
ത്രെഡ്സ് വാഗ്ദാനവും ലോഞ്ചിങ് സമയവും ഉണ്ടായിരുന്നിട്ടും, മൈക്രോ-ബ്ലോഗിംഗ് പ്ലാറ്റ്ഫോം അതിന്റെ സ്വകാര്യതാ നയവുമായി ബന്ധപ്പെട്ട് ഇതിനകം തന്നെ വിവാദങ്ങള്‍ക്ക് കാരണമായിട്ടുണ്ട്. ആരോഗ്യം, ഫിറ്റ്‌നസ്, സാമ്പത്തികം, കോണ്‍ടാക്റ്റുകള്‍, ബ്രൗസിംഗ് ചരിത്രം, ഉപയോഗം, ലൊക്കേഷന്‍, തിരയല്‍ ചരിത്രം, ഐഡന്റിഫയറുകള്‍, മറ്റ് സെന്‍സിറ്റീവ് വിവരങ്ങള്‍ എന്നിവയെക്കുറിച്ചുള്ള ഡാറ്റ മെറ്റയുടെ ത്രെഡുകള്‍ ശേഖരിച്ചേക്കാമെന്ന് ആപ്പിള്‍ ആപ്പ് സ്റ്റോറിലെ ഔദ്യോഗിക ലിസ്റ്റിംഗ് വെളിപ്പെടുത്തുന്നു. ഇത് അസ്വാഭാവികമല്ലെങ്കിലും, ഇത് വിമര്‍ശനങ്ങളുടെ പെരുമഴ ക്ഷണിച്ചുവരുത്തി, പ്രത്യേകിച്ചും ട്വിറ്റര്‍ സ്ഥാപകനും മുന്‍ സിഇഒയുമായ ജാക്ക് ഡോര്‍സിയില്‍ നിന്ന്.
Stay updated with the latest news headlines and all the latest Lifestyle news. Download Indian Express Malayalam App - Android or iOS.