Latest News

വിപണിയില്‍ അടിതെറ്റി എല്‍ജി; മൊബൈല്‍ ഫോണ്‍ നിര്‍മാണം അവസാനിപ്പിച്ചു

വിപണിയില്‍ നിന്നും പിന്മാറുന്ന ആദ്യത്തെ പ്രമുഖ സ്മാര്‍ട്ട് ഫോണ്‍ ബ്രാന്റാണ് എല്‍ജി

Tech news, ടെക് വാര്‍ത്തകള്‍, malayalam tech news, lg smart phone, എല്‍ജി സ്മാര്‍ട്ട് ഫോണ്‍, lg smart phone news, samsung smart phone, indian express malayalam, ഇന്ത്യന്‍ എക്സ്പ്രസ് മലയാളം, ie malayalam, ഐഇ മലയാളം

നഷ്ടത്തിലായ മൊബൈല്‍ നിര്‍മാണം എല്‍ജി എലക്ട്രോണിക്സ് അവസാനിപ്പിക്കുന്നു. വിപണിയില്‍ നിന്നും പിന്മാറുന്ന ആദ്യത്തെ പ്രമുഖ സ്മാര്‍ട്ട് ഫോണ്‍ ബ്രാന്റാണ് എല്‍ജി. ഇതോടെ വടക്കെ അമേരിക്കയിലുള്ള പത്ത് ശതാമാനം വിഹിതവും ഉപേക്ഷിക്കും. കഴിഞ്ഞ ആറ് വര്‍ഷത്തിനിടെ 4.5 ബില്യണ്‍ ഡോളര്‍ നഷ്ടമാണ് കമ്പനിക്കുണ്ടായത്. മൊബൈല്‍ നിര്‍മാണത്തില്‍ നിന്ന് പിന്മാറുന്നത് കമ്പനിയുടെ മറ്റ് ഇലക്ട്രോണിക്ക് ഉപകരണങ്ങളുടെ വളര്‍ച്ചക്ക് വഴിയൊരുക്കുമെന്നാണ് എല്‍ജിയുടെ പ്രതീക്ഷ.

2013ല്‍ അള്‍ട്രാ വൈഡ് ക്യാമറയടക്കമുള്ള സവിശേഷതകള്‍ പരിചയപ്പെടുത്തിയത് എല്‍ജിയാണ്. ആപ്പിളിനും സാംസങ്ങിനും പിന്നിലായി വിപണിയില്‍ മൂന്നാം സ്ഥാനം നിലനിര്‍ത്താനും അവര്‍ക്കായി. പക്ഷെ പിന്നീട് മുന്‍നിര ഫോണുകളുടെ സോഫ്റ്റ്വെയര്‍, ഹാര്‍ഡ്വെയര്‍ പ്രശ്നങ്ങള്‍ എല്‍ജിയുടെ മൂല്യം കുറച്ചു. ചൈനീസ് ഫോണുകളുമായി വിപണയില്‍ മത്സരിക്കാനുള്ള മികവ് ഇല്ലാതായെന്നും വിലയിരുത്തല്‍ ഉണ്ട്.

Read More: 60 ലക്ഷം ഇന്ത്യക്കാരുടെ ഉൾപ്പടെ 533 മില്യൺ ഫേസ്ബുക്ക് ഉപയോക്താക്കളുടെ വിവരങ്ങൾ ചോർന്നു

നിലവില്‍ എല്‍ജിയുടെ ആഗോള ഓഹരി രണ്ട് ശതമാനം മാത്രമാണ്. കഴി‍ഞ്ഞ വര്‍ഷം 2.3 കോടി ഫോണുകളാണ് എല്‍ജി പുറത്തിറക്കിയത്. അതേസമയം സാംസങ്ങ് 25.6 കോടി ഫോണുകള്‍ വിപണിയില്‍ ഇറക്കി. എല്‍ജി ഫോണുകള്‍ക്ക് പ്രശസ്തിയുള്ള ലാറ്റിന്‍ അമേരിക്കന്‍ വിപണിയില്‍ അഞ്ചാം സ്ഥാനത്താണ് കമ്പനി.

സൗത്ത് കൊറിയയിലെ ഫോണ്‍ നിര്‍മാണശാലയിലെ തൊഴിലാളികളെ എല്‍ജി ഇലക്ട്രോണിക്സിന്റെ വിവിധ മേഖലകളിലേക്ക് മാറ്റും. എന്നാല്‍ മറ്റ് സ്ഥലങ്ങളിലെ തൊഴിലാളികളുടെ കാര്യത്തില്‍ പ്രാദേശിക തലത്തിലായിരിക്കും തീരുമാനം. നിലവില്‍ എല്‍ജിയുടെ ഫോണ്‍ ഉപയോഗിക്കുന്നവര്‍ക്ക് സര്‍വ്വീസ് നല്‍കുമെന്നും കമ്പനി അറിയിച്ചു. എല്‍ജിയുടെ പിന്മാറ്റം സാംസങ്ങിനും, ചൈനീസ് കമ്പനികളായ ഓപ്പോ,വിവോ മുതലായ കമ്പനികള്‍ക്ക് ഗുണകരമാകാന്‍ സാധ്യതയുണ്ട്.

Get the latest Malayalam news and Tech news here. You can also read all the Tech news by following us on Twitter, Facebook and Telegram.

Web Title: Lg electronics ending its smart phone production and sales

Next Story
60 ലക്ഷം ഇന്ത്യക്കാരുടെ ഉൾപ്പടെ 533 മില്യൺ ഫേസ്ബുക്ക് ഉപയോക്താക്കളുടെ വിവരങ്ങൾ ചോർന്നുfacebook, data for free, 533 mn fb data, fb data breach, social media updates, facebook data breach, facebook news, facebook india, facebook updates, data policy, biggest data breach, indian data breach, Indian users data, 533 million facebook data, ie malayalam
The moderation of comments is automated and not cleared manually by malayalam.indianexpress.com