വാട്ട്സ്ആപ്പിലൂടെ എച്ച് ഡി ക്വാളിറ്റിയില്‍ എങ്ങനെ ചിത്രങ്ങള്‍ അയക്കാം?

വാട്ട്സ്ആപ്പിലൂടെ ചിത്രങ്ങള്‍ അയക്കുമ്പോള്‍ ക്ലാരിറ്റി കുറയുന്നുവെന്ന പരാതി ഇല്ലാത്തവര്‍ ആരുമുണ്ടാകില്ല. ഡോക്യുമെന്റായി ചിത്രങ്ങള്‍ കൈമാറിയാണ് പലരും ഈ പോരായ്മയെ മറികടക്കുന്നത്. എന്നാല്‍ പുതിയ അപ്ഡേറ്റോടെ ഈ പ്രശ്നം പരിഹരിച്ചിരിക്കുകയാണ് വാട്ട്സ്ആപ്പ്. ഇനി മുതല്‍ എച്ച് ഡി റെസൊലൂഷനില്‍ ചിത്രങ്ങള്‍ അയക്കാനാകും, വൈകാതെ വീഡിയോകള്‍ക്കും ഈ സവിശേഷത ലഭ്യമാകും.

എങ്ങനെ വാട്ട്സ്ആപ്പിലൂടെ എച്ച് ഡി റെസൊലൂഷനില്‍ ചിത്രങ്ങള്‍ അയക്കാം?

ഇതിനായി നിങ്ങള്‍ ആദ്യം വാട്ട്സ്ആപ്പ് അപ്ഡേറ്റ് ചെയ്യണം.

1. വാട്ട്സ്ആപ്പ് തുറന്ന് നിങ്ങള്‍ക്ക് ചിത്രം അയക്കേണ്ട വ്യക്തിയുടെ ചാറ്റ് തുറക്കുക. ശേഷം അറ്റാച്ച്മെന്റ് ഐക്കണില്‍ (പേപ്പര്‍ ക്ലിപ്പ്) ക്ലിക്ക് ചെയ്യുക. ശേഷം അയക്കേണ്ട ചിത്രം തിരഞ്ഞെടുക്കുക.
2. ശേഷം വരുന്ന വിന്‍ഡോയില്‍ മുകളിലായി എച്ച് ഡി (HD) ബട്ടണുണ്ടാകും. അതില്‍ ക്ലിക്ക് ചെയ്യുക.
3. ക്ലിക്ക് ചെയ്യുമ്പോള്‍ സ്റ്റാന്‍ഡാര്‍ഡ് ക്വാളിറ്റി (Standard Quality) ആയിരിക്കും സെലക്ടായി കിടക്കുന്നത്. അതിനര്‍ത്ഥം ചിത്രത്തിന്റെ യഥാര്‍ത്ഥ ക്ലാരിറ്റിയിലായിരിക്കില്ല എന്നാണ്.
4. എച്ച് ഡി ക്വാളിറ്റിയില്‍ ചിത്രം അയക്കുന്നതിനായി എച്ച് ഡി ക്വാളിറ്റി (HD Quality) എന്ന ഓപ്ഷന്‍ തിരഞ്ഞെടുക്കുക.
5. ശേഷം സെന്‍ഡ് (Send) ചെയ്യുക.