ചന്ദ്രയാൻ- 3 സോഫ്റ്റ് ലാൻഡിങ്; മൊബൈലിലും ടെലിവിഷനിലും തത്സമയം കാണുന്നതെങ്ങനെ?

ഇന്ത്യൻ സ്‌പേസ് റിസർച്ച് ഓർഗനൈസേഷൻ (ഐഎസ്ആർഒ) അതിന്റെ മൂന്നാമത്തെ ചാന്ദ്ര ദൗത്യമായ ചന്ദ്രയാൻ 3 2023 ഓഗസ്റ്റ് 23-ന് ഏകദേശം 18:04 IST (PM 6:04) ചന്ദ്രനിൽ ഇറങ്ങുമെന്ന് സ്ഥിരീകരിച്ചു. ചാന്ദ്രയാൻ 3 ചന്ദ്രന്റെ ലാൻഡിംഗ് ഐഎസ്ആർഒയുടെ ഔദ്യോഗിക വെബ്‌സൈറ്റിലും സോഷ്യൽ മീഡിയ ഹാൻഡിലുകളിലും യൂട്യൂബിലും ടെലിവിഷനിലും തത്സമയം സംപ്രേക്ഷണം ചെയ്യുമെന്ന് ദേശീയ ബഹിരാകാശ ഏജൻസി സ്ഥിരീകരിക്കുന്നു.

സ്‌മാർട്ട്‌ഫോണുകളിൽനിന്നും ഇന്റർനെറ്റ് കണക്ഷനുള്ള കമ്പ്യൂട്ടറിൽനിന്നും ഉപയോക്താക്കൾക്ക് ചന്ദ്രായാൻ 3 ലാൻഡിംഗിന്റെ തത്സമയ സ്‌ട്രീമിംഗ് കാണാൻ കഴിയും. തത്സമയ സ്ട്രീമിംഗ് ഏകദേശം 17:27 IST(5:27 PM)ന് ആരംഭിക്കും. ലാൻഡിംഗ് വൈകുന്നേരം 6:04 ന് ഷെഡ്യൂൾ ചെയ്തിരിക്കുന്നു.

ചന്ദ്രയാൻ - 3 ദൗത്യം:

അതുപോലെ, ഉപയോക്താക്കൾക്ക് ഡിഡി നാഷണൽ ചാനലിൽ സോഫ്റ്റ് ലാൻഡിംഗ് കാണാനും കഴിയും. ചാന്ദ്രയാൻ-3 സോഫ്റ്റ് ലാൻഡിംഗിന്റെ തത്സമയ സ്ട്രീമിംഗ് സംഘടിപ്പിക്കാൻ സ്കൂളുകളെയും മറ്റ് വിദ്യാഭ്യാസ സ്ഥാപനങ്ങളെയും ഐഎസ്ആർഒ ക്ഷണിക്കുന്നു.

ചന്ദ്രയാൻ-3 സോഫ്റ്റ് ലാൻഡിംഗിനെക്കുറിച്ച് ഐഎസ്ആർഒയുടെ ഔദ്യോഗിക കുറിപ്പ്:

"ഇന്ത്യയുടെ ബഹിരാകാശ പര്യവേക്ഷണം ചന്ദ്രയാൻ -3 ദൗത്യത്തിലൂടെ ശ്രദ്ധേയമായ ഒരു നാഴികക്കല്ലിലെത്തി. ചന്ദ്രോപരിതലത്തിൽ സോഫ്റ്റ് ലാൻഡിങ് കൈവരിക്കാൻ തയ്യാറാണ്. ബഹിരാകാശ പര്യവേക്ഷണത്തിൽ നമ്മുടെ രാജ്യത്തിന്റെ പുരോഗതിയെ പ്രതീകപ്പെടുത്തുന്ന ഈ നേട്ടം ഇന്ത്യൻ ശാസ്ത്രം, എഞ്ചിനീയറിംഗ്, സാങ്കേതികവിദ്യ, വ്യവസായം എന്നിവയുടെ സുപ്രധാനമായ മുന്നേറ്റത്തെ അടയാളപ്പെടുത്തുന്നു.

“ചന്ദ്രയാൻ -3 ന്റെ സോഫ്റ്റ് ലാൻഡിങ് ഒരു മഹത്തായ നിമിഷമാണ്. അത് ജിജ്ഞാസ വർദ്ധിപ്പിക്കുക മാത്രമല്ല, നമ്മുടെ യുവാക്കളുടെ മനസ്സിൽ പര്യവേക്ഷണത്തിനുള്ള അഭിനിവേശം ഉണർത്തുകയും ചെയ്യുന്നു. ഇന്ത്യൻ ശാസ്ത്ര സാങ്കേതിക വിദ്യയുടെ മികവ് നമ്മൾ കൂട്ടായി ആഘോഷിക്കുമ്പോൾ അത് അഭിമാനത്തിന്റെയും ഐക്യത്തിന്റെയും അഗാധമായ ബോധം സൃഷ്ടിക്കുന്നു. ശാസ്ത്രീയ അന്വേഷണത്തിന്റെയും നവീകരണത്തിന്റെയും അന്തരീക്ഷം വളർത്തിയെടുക്കുന്നതിന് ഇത് സംഭാവന ചെയ്യും.