ന്യൂഡൽഹി: ‘വെൽക്കം 2020’ സ്റ്റാമ്പുകൾ പുറത്തിറക്കി ഗൂഗിൾ പേ. ഇതുവഴി 2020 രൂപ വരെ നേടാൻ ഉപഭോക്താക്കൾക്ക് ശേഖരിക്കാവുന്ന സ്റ്റാമ്പുകളാണിവ. ഏഴ് പുതിയ സ്റ്റാമ്പുകൾ ഒരു കേക്കിന്റെ മൂന്ന് പാളികളായി മാറുന്നു. ഒരു പാളിയിൽ എല്ലാ സ്റ്റാമ്പുകളും ശേഖരിക്കുന്നവർക്ക് ബോണസ് റിവാർഡും ലഭിക്കും.

ബലൂൺ, ഡിജെ, സൺഗ്ലാസുകൾ, പിസ, സെൽഫി, ടോഫി, ഡിസ്കോ എന്നിവ ഏഴ് സ്റ്റാമ്പുകളിൽ ഉൾപ്പെടുന്നു. ഗൂഗിൾ പേയുടെ ബലൂൺ, ഡിജെ, സൺഗ്ലാസുകൾ എന്നിവ കേക്കിന്റെ താഴത്തെ പാളിയാകുന്നു. അതിന് മുകളിലുള്ള പാളിയിൽ ടോഫി, സെൽഫി, പിസ്സ സ്റ്റാമ്പുകൾ ഉൾപ്പെടുന്നു. മുകളിലെ പാളിക്ക് ഡിസ്കോ സ്റ്റാമ്പ് മാത്രമേയുള്ളൂ.

Read Also: ഗൂഗിൾ പേ ഉപയോക്താക്കൾക്ക് ഇനി ആപ്പിലൂടെ സ്വർണവും വാങ്ങാം

ആദ്യ ബോണസ് റിവാർഡ് നേടാൻ ഏതെങ്കിലുമൊരു പാളി പൂർത്തിയാക്കുക. ഏഴ് സ്റ്റാമ്പുകളും ശേഖരിക്കുമ്പോൾ നിങ്ങൾക്ക് 202 മുതൽ 2020 രൂപ വരെ ലഭിക്കാം. ആപ്ലിക്കേഷനിലൂടെ പണമിടപാടുകൾ നടത്തുമ്പോൾ പുതിയ സ്റ്റാമ്പുകൾ ലഭിക്കും. സ്റ്റാമ്പുകൾ ലഭിക്കുന്നതിനുള്ള മറ്റൊരു മാർഗം കുറഞ്ഞത് 98 രൂപയുടെ മൊബൈൽ റീചാർജ് അല്ലെങ്കിൽ കുറഞ്ഞത് 300 രൂപയുടെ ബിൽ പേയ്മെന്റ് നടത്തുക എന്നതാണ്.

സ്റ്റാമ്പുകൾ നേടാൻ ഉപഭോക്താക്കൾക്ക് അവരുടെ സുഹൃത്തുക്കളെ ഗൂഗിൾ പേയിലേക്ക് ക്ഷണിക്കാനും സാധിക്കും. നിങ്ങളുടെ സുഹൃത്ത് നിങ്ങളുടെ റഫറൽ കോഡ് ഉപയോഗിച്ച് ആദ്യ പേയ്‌മെന്റ് നടത്തുമ്പോൾ മാത്രമേ സ്റ്റാമ്പ് ദൃശ്യമാകൂ. സ്റ്റാമ്പുകൾ ഗിഫ്റ്റായി നൽകാനോ അഭ്യർഥിക്കാനോ കഴിയും.

ഗൂഗിൾ പേയിൽനിന്ന് ഉറപ്പുള്ള സമ്മാനം ലഭിക്കാൻ കേക്കിന്റെ കോൾ ലെയറുകൾ 31 ന് മുമ്പായി പൂർത്തിയാക്കണം. ഗൂഗിൾ പേയുടെ 202 മുതൽ 2020 രൂപ വരെ വിലയുള്ള സ്ക്രാച്ച് കാർഡ് ഉറപ്പുള്ള സമ്മാനത്തിൽ ഉൾപ്പെടും. അതേസമയം, കേക്കിന്റെ ഓരോ ലെയറും പൂർത്തിയാക്കുന്നതിനുള്ള ബോണസ് റിവാർഡുകൾ വൗച്ചറുകൾ, സ്ക്രാച്ച് കാർഡുകൾ എന്നിവ ഉപഭോക്താക്കൾക്ക് തിരഞ്ഞെടുക്കാൻ കഴിയുന്ന 20 ലക്ഷം രൂപ വരെ ഭാഗ്യമുള്ള നറുക്കെടുപ്പ് ടിക്കറ്റുകൾ എന്നിവയിൽനിന്ന് ലഭിക്കും.

Get all the Latest Malayalam News and Kerala News at Indian Express Malayalam. You can also catch all the Technology News in Malayalam by following us on Twitter and Facebook