ന്യൂഡല്‍ഹി: ഫെയ്​സ്ബു​ക്ക് ഇ​ന്ത്യ തലവൻ ഉ​മാം​ഗ് ബേ​ദി രാജിവെച്ചു. ഉമാംഗ് എംഡി സ്ഥാനമൊഴിഞ്ഞ കാര്യം ഫെയ്സ്ബുക്ക് പ്രസ്താ വനയില്‍ അറിയിച്ചു. ഈ വര്‍ഷം അവസാനത്തോടെയാണ് അദ്ദേഹം സ്ഥാനമൊഴിയുക. ഉ​മാം​ഗി​നു പ​ക​ര​മാ​യി സ​ന്ദീ​പ് ഭൂ​ഷ​ണെ നിയമിക്കും. ഉമാംഗിന്റെ സ്ഥാനത്തേക്ക് യോഗ്യനായ ഒരാളെ കണ്ടെത്തും വരെ ഇ​ട​ക്കാ​ല എം​ഡി​യാ​യിട്ടാണ് അദ്ദേഹത്തെ നിയമിക്കുക.

2016 ജൂലൈയിലാണ് ഫെയ്സ്ബു​ക്ക് ഇ​ന്ത്യ​ എംഡിയായി ഉ​മാം​ഗ് ബേ​ദി ചുമതലയേറ്റത്. അഡോബെ സിസ്റ്റം ഇന്‍കോര്‍പ്പറേറ്റിന്റെ ദക്ഷിണേഷ്യന്‍ എംഡി കൂടിയായിരുന്നു അദ്ദേഹം.

ഇദ്ദേഹത്തിനു കീഴിൽ നല്ല ടീ​മി​നെ വാ​ർ​ത്തെ​ടു​ക്കു​ന്ന​തി​നും ബി​സി​ന​സ് മെ​ച്ച​പ്പെ​ടു​ത്തു​ന്ന​തി​നും സാധിച്ചതായി പ്ര​സ്താ​വ​ന​യിൽ ഫെയ്​സ്ബു​ക്ക് വ്യക്തമാക്കി. ക്രിതിഗാ റെഡ്ഡിയെ അമേരിക്കയിലേക്ക് കമ്പനി അയച്ചതിനെ തുടര്‍ന്നാണ് ബേദി എംഡി സ്ഥാനത്തേക്ക് വന്നത്.

Get all the Latest Malayalam News and Kerala News at Indian Express Malayalam. You can also catch all the Technology News in Malayalam by following us on Twitter and Facebook