scorecardresearch

റിവഞ്ച് പോണ്‍ തടയാന്‍ ഫെയ്സ്ബുക്കിന് വേണ്ടത് നിങ്ങളുടെ നഗ്ന ചിത്രം

ഒരു നിശ്ചിത കാലയളവിലേക്ക് മാത്രമായി ഫെയ്സ്ബുക്ക് ഈ ചിത്രം സൂക്ഷിച്ച് വയ്ക്കും

റിവഞ്ച് പോണ്‍ തടയാന്‍ ഫെയ്സ്ബുക്കിന് വേണ്ടത് നിങ്ങളുടെ നഗ്ന ചിത്രം

റിവഞ്ച് പോണിലൂടെ സ്വകാര്യ നഗ്ന ചിത്രങ്ങള്‍ പ്രചരിപ്പിക്കുന്നത് തടയാന്‍ ഫെയ്സ്ബുക്ക് പുതിയ പദ്ധതി ആവിഷ്കരിക്കുന്നു. ഇതിനായി സ്വന്തം നഗ്ന ചിത്രം മെസഞ്ചര്‍ വഴി സ്വന്തം അക്കൗണ്ടിലേക്ക് തന്നെ സന്ദേശമായി അയയ്ക്കാനാണ് ഫെയ്സ്ബുക്ക് നിര്‍ദേശിക്കുന്നത്. ഇപ്രകാരം ചെയ്യുമ്പോള്‍ കമ്പനി ഈ ചിത്രം ഒരു പ്രത്യേക ഡിജിറ്റല്‍ ഫിംഗര്‍ പ്രിന്റിന്റെ രൂപത്തിലേക്ക് മാറ്റും.

പിന്നീട് ഏതെങ്കിലും അക്കൗണ്ടില്‍ നിന്ന് ഇതേ ചിത്രം പ്രചരിപ്പിക്കാന്‍ ശ്രമിച്ചാല്‍ ഫെയ്സ്ബുക്ക് ഇത് തിരിച്ചറിഞ്ഞ് ബ്ലോക്ക് ചെയ്യും. സര്‍ക്കാര്‍ ഏജന്‍സിയുമായി ചേര്‍ന്ന് ഓസ്ട്രേലിയയില്‍ ഈ പദ്ധതിയുടെ സാങ്കേതികവിദ്യ വികസിപ്പിക്കുകയാണ് ഇപ്പോള്‍ ഫെയ്സ്ബുക്ക്. ഫെയ്സ്ബുക്ക്, മെസഞ്ചര്‍, ഇന്‍സ്റ്റഗ്രാം എന്നിവയിലൂടെ ചിത്രം ഉപയോഗിച്ചുളള പീഡനം തടയാന്‍ പുതിയ സാങ്കേതികവിദ്യ സഹായകമാകും.

ചിത്രം മെസഞ്ചറില്‍ അയക്കുമ്പോള്‍ ഇ- കമ്മീഷണറുടെ ഓഫീസ് ഇത് ഫെയ്സ്ബുക്കിനെ അറിയിക്കും. പിന്നാലെ ഫെയ്സ്ബുക്കിന്റെ കമ്മ്യൂണിറ്റി ഓപ്പറേഷന്‍ അനലിസ്റ്റ് ചിത്രം വിശകലനം ചെയ്ത് സുരക്ഷിതമാക്കും. ഒരു നിശ്ചിത കാലയളവിലേക്ക് മാത്രമായി ഫെയ്സ്ബുക്ക് ഈ ചിത്രം സൂക്ഷിച്ച് വയ്ക്കും. 2016ലെ ഒരു റിപ്പോര്‍ട്ട് പ്രകാരം അമേരിക്കയില്‍ 4 ശതമാനം പേര്‍ റിവഞ്ച് പോണിന്റെ ഇരകളാണ്. 30 വയസിന് താഴെയുളള 10 ശതമാനം പെണ്‍കുട്ടികളാണ് ഇതിന് ഇരയാവുന്നത്.

Stay updated with the latest news headlines and all the latest Tech news download Indian Express Malayalam App.

Web Title: Facebook asks users for nude photos in project to combat revenge porn