ന്യൂഡല്‍ഹി: കമ്മ്യൂണിറ്റികള്‍, സെല്‍ഫ് ചാറ്റ്, ഫില്‍ട്ടര്‍ ബൈ അണ്‍ റീഡ് തുടങ്ങി നിരവധി പുതിയ ഫീച്ചറുകള്‍ വാട്സ്ആപ്പ് അവതരിപ്പിക്കുകയാണ്. ഏറ്റവും പുതുതായി ആപ്പിന്റെ ബീറ്റ പതിപ്പിലേക്ക് ഏറെ കൊട്ടിഘോഷിച്ച ‘കമ്പാനിയന്‍ മോഡ്’ കൊണ്ടുവരുകയാണ് കമ്പനി. നിലവില്‍ തെരഞ്ഞെടുക്കപ്പെട്ട ഏതാനും ബീറ്റ ഉപയോക്താക്കള്‍ക്ക് മാത്രമേ ഈ കമ്പാനിയന്‍ മോഡ് ലഭ്യമാകൂ എങ്കിലും ഉടന്‍ തന്നെ ഇത് എല്ലാവരിലേക്കുമായി എത്തും എന്നാണ് വാബീറ്റ ഇന്‍ഫോ റിപ്പോര്‍ട്ട് ചെയ്യുന്നത്.
പുതിയ ഫീച്ചര്‍ വാട്സ്ആപ്പ് ഒരേ സമയം മറ്റൊരു സ്മാര്‍ട്ട്‌ഫോണിലേക്കോ ടാബിലേക്കോ അക്കൗണ്ട് ലിങ്ക് ചെയ്യാന്‍ ഇത് ഉപയോക്താക്കളെ അനുവദിക്കുന്നു. നിങ്ങള്‍ വാട്സ്ആപ്പ് ബീറ്റയ്ക്കായി സൈന്‍ അപ്പ് ചെയ്തിട്ടുണ്ടെങ്കില്‍ ആന്‍ഡ്രോയിഡ് ടാബ്ലെറ്റില്‍ വാട്‌സാപ്പ് ഇന്‍സ്റ്റാള്‍ ചെയ്യുക.
ഫോണില്‍ ലോഗ്-ഇന്‍ ചെയ്തിരിക്കുന്ന വാട്സ്ആപ്പ് അക്കൗണ്ട് കമ്പ്യൂട്ടറിലും ലാപ്ടോപ്പിലുമൊക്കെ ഉപയോഗിക്കാനായി ‘ലിങ്ക്ഡ് ഡിവൈസ്’ എന്ന ഓപ്ഷന്‍ നേരത്തെതന്നെയുണ്ട്. നമ്മുടെ കമ്പ്യൂട്ടറില്‍ വാട്സ്ആപ്പ് വെബ് തുറന്ന് അതില്‍ കാണുന്ന ക്യുആര്‍ കോഡ് സ്‌കാന്‍ ചെയ്താണ് ഫോണിലെ വാട്സ്ആപ്പ് കമ്പ്യൂട്ടറിലും ഉപയോഗിച്ച് വന്നിരുന്നത്. എതാണ്ട് ഇതേരീതിയില്‍ത്തന്നെയാണ് കമ്പാനിയന്‍ മോഡും പ്രവര്‍ത്തിക്കുക. നിങ്ങളുടെ പ്രാഥമിക ഉപകരണത്തില്‍, ഫീച്ചേഴ്‌സ് ആപ്പിലേക്ക് പോയി ലിങ്ക് ചെയ്ത ഉപകരണങ്ങള്‍ ടാപ്പ് ചെയ്യുക. ഇവിടെ, ഒരു ദ്വിതീയ ഉപകരണം കണക്റ്റുചെയ്യാന്‍ നിങ്ങളെ അനുവദിക്കുന്ന സ്വയമേവ ജനറേറ്റുചെയ്ത ക്യൂആര്‍ കോഡ് നിങ്ങള്‍ കാണും.
കമ്പാനിയന്‍ മോഡില്‍ രണ്ടു ഫോണില്‍ നിങ്ങളുടെ വാട്സ്ആപ്പ് അക്കൗണ്ട് പ്രവര്‍ത്തിച്ച് തുടങ്ങിയാല്‍ മെസേജുകളും ചാറ്റുമൊക്കെ രണ്ടുഫോണിലും ലഭ്യമാകും. എന്നാല്‍ ലൈവ് ലൊക്കേഷന്‍, സ്റ്റിക്കറുകള്‍, ബ്രോഡ്കാസ്റ്റ് തുടങ്ങിയ സൗകര്യങ്ങള്‍ ഒരേസമയം രണ്ടുഫോണിലും ലഭിക്കില്ല.
കമ്പാനിയന്‍ മോഡ് ഒരേസമയം നാല് ഉപകരണങ്ങള്‍ വരെ കണക്റ്റുചെയ്യാന്‍ ഉപയോക്താക്കളെ അനുവദിക്കുന്നു. സ്വകാര്യതയെയും സുരക്ഷയെയും കുറിച്ച് ആശങ്കയുള്ളവര്‍ക്ക് ലിങ്ക് ചെയ്ത ഉപകരണങ്ങളില്‍ എല്ലാ കോളുകളും സന്ദേശങ്ങളും തുടര്‍ന്നും എന്‍ഡ്-ടു-എന്‍ഡ് എന്‍ക്രിപ്റ്റ് ചെയ്തിരിക്കും. പ്രാഥമിക ഉപകരണമായി ഐഫോണ്‍ ഉപയോഗിക്കുന്നവര്‍ക്കും ആന്‍ഡ്രോയിഡ് ടാബ്ലെറ്റിലോ ഫോണിലോ വാട്‌സാപ്പ് ഉപയോഗിക്കാന്‍ ആഗ്രഹിക്കുന്നവര്‍ക്കും കമ്പാനിയന്‍ മോഡ് ഉപയോഗപ്രദമാണ്.
