scorecardresearch
Latest News

Best phones in July 2021: ഈ മാസം വാങ്ങാവുന്ന മികച്ച സ്‍മാർട്ട്ഫോണുകൾ; 10,999 രൂപ മുതൽ

വൺപ്ലസ് നോർഡ് സിഇ, പോക്കോ എം 3, റെഡ്മി നോട്ട് 10, റിയൽ‌മെ നർസോ 30, തുടങ്ങിയ ഫോണുകൾ ഇതിൽ ഉൾപ്പെടുന്നു.

Best phones in July 2021: A list of smartphones starting at Rs 10,999: ധാരാളം സ്മാർട്ഫോൺ ബ്രാൻഡുകൾ അടുത്തിടെ വളരെ ന്യായമായ വിലയിൽ പുതിയ ഫോണുകൾ വിപണിയിൽ അവതരിപ്പിച്ചിട്ടുണ്ട്. നിങ്ങൾ ഇപ്പോൾ മിതമായ വിലയിൽ മികച്ച ഡിസൈനും, സവിശേഷതകളും ഉറപ്പു നൽകുന്ന ഫോൺ വാങ്ങാനിരിക്കുകയാണെങ്കിൽ താഴെയുള്ള ലിസ്റ്റ് പരിശോധിക്കാം. വൺപ്ലസ് നോർഡ് സിഇ, പോക്കോ എം 3, റെഡ്മി നോട്ട് 10, റിയൽ‌മെ നർസോ 30, തുടങ്ങിയ ഫോണുകൾ ഇതിൽ ഉൾപ്പെടുന്നു.

Poco M3 – പോക്കോ എം3

പോക്കോ എം3 12,000 രൂപയിൽ താഴെ വിലക്ക് ലഭിക്കുന്ന ഫോണാണ്. ഫ്ലിപ്പ്കാർട്ടിൽ 10,999 രൂപയ്ക്കാണ് ഫോൺ ലഭിക്കുക. 6ജിബി റാമും 64ജിബി സ്റ്റോറേജും ഇതിൽ ലഭിക്കും. ക്വാൽകോം സ്നാപ്ഡ്രാഗൺ 662 പ്രൊസസറിലാണ് ഫോൺ എത്തുന്നത്. 18 വാട്ട് ഫാസ്റ്റ് ചാർജിങ് സപ്പോർട്ട് ചെയ്യുന്ന 6,000 എംഎഎച് ബാറ്ററിയാണ് ഇതിൽ നൽകിയിരിക്കുന്നത്. കുറഞ്ഞ വിലയിൽ ഫോൺ വാങ്ങാൻ ആഗ്രഹിക്കുന്നവർക്ക് ഈ ഫോൺ വാങ്ങാവുന്നതാണ്. 48എംപി പ്രധാന ക്യാമറ അടങ്ങുന്ന ട്രിപ്പിൾ ക്യാമറയാണ് ഇതിൽ നൽകിയിരിക്കുന്നത്. 6.51ഇഞ്ചിന്റെ ഫുൾ എച്ഡി + ഡിസ്‌പ്ലേയിലാണ് ഫോൺ വരുന്നത്.

Xiaomi Redmi Note 10 – ഷവോമി റെഡ്മി നോട്ട് 10

A12,000 രൂപയിൽ താഴെ വിലക്ക് മറ്റൊരു ഫോണാണ് ഷവോമി റെഡ്മി നോട്ട് 10. ഇതിന്റെ 4ജിബി റാമും + 64ജിബി സ്റ്റോറേജും വരുന്ന മോഡലിന് 11,999 രൂപയാണ് വില. 6.43 ഇഞ്ചിന്റെ ഫുൾ എച്ഡി + അമോലെഡ് ഡിസ്‌പ്ലേയിലാണ് ഈ ബഡ്ജറ്റ് സ്മാർട്ട്ഫോൺ വരുന്നത്. കോർണിങ് ഗൊറില്ല ഗ്ലാസ് പ്രൊട്ടക്ഷനും ഇതിനു നല്കിയിരിക്കുന്നു.

ക്വാൽകോം സ്‌നാപ്ഡ്രാഗൺ 678 ചിപ്‌സെറ്റിലാണ് ഫോൺ പ്രവർത്തിക്കുന്നത്. റെഡ്മി നോട്ട് 10 ന് പുറകിലായി 48 എംപി പ്രധാന ക്യാമറ, 2 എംപി മാക്രോ ക്യാമറ, 8 എംപി അൾട്രാ വൈഡ് ക്യാമറ, 2 എംപി ഡെപ്ത് സെൻസർ എന്നിവയുണ്ട്. ഫ്രണ്ട് ക്യാമറ 13 എംപിയാണ്. ആൻഡ്രോയിഡ് 11 അടിസ്ഥാനമാക്കിയുള്ള ഫോൺ മിയുഐ 12ൽ പ്രവർത്തിക്കുന്നു, കൂടാതെ 33 വാട്ട് ഫാസ്റ്റ് ചാർജിങ് സപ്പോർട്ട് ചെയ്യുന്ന 5000 എംഎഎച്ച് ബാറ്ററിയുമുണ്ട്.

Realme Narzo 30 – റിയൽമി നർസോ 30

ബജറ്റ് നിരക്കിൽ മതിയായ പ്രകടനം നൽകുന്ന മറ്റൊരു സ്മാർട്ട്‌ഫോണാണ് റിയൽ‌മി നർസോ 30. ഫുൾ എച്ച്ഡി + റെസല്യൂഷനോടുകൂടിയ സ്റ്റാൻഡേർഡ് 6.5 ഇഞ്ച് ഡിസ്‌പ്ലേയിലാണ് ഫോൺ വരുന്നത്. മീഡിയടെക് ഹീലിയോ ജി 95 പ്രോസസറിലാണ് ഫോൺ പ്രവർത്തിക്കുന്നത്, പ്രകടനത്തിന്റെ കാര്യത്തിൽ നിരാശപ്പെടുത്താത്ത ഒരു ഫോണാണിത്. 12,499 രൂപക്ക് ഫോൺ വിപണിയിൽ ലഭ്യമാണ്.

5,000 എംഎഎച് ബാറ്ററിയാണ് ഇതിൽ വരുന്നത്. 30 വാട്ടിന്റെ ചാർജറും ലഭ്യമാണ്. പുറകിൽ 48 എംപിയുടെ പ്രധാന ക്യാമറ ഉൾപ്പടെ ട്രിപ്പിൾ ക്യാമറയാണ് നൽകിയിരിക്കുന്നത്. മുന്നിൽ 16എംപി സെൽഫി ക്യാമറയും നൽകിയിരിക്കുന്നു.

Read Also: Samsung Galaxy A22: സാംസങ് ഗാലക്‌സി എ22 പുറത്തിറങ്ങി; വിലയും സവിശേഷതകളും അറിയാം

Samsung Galaxy F41 – സാംസങ് ഗാലക്‌സി എഫ്41

നിങ്ങളൊരു സാംസങ് ഫോണാണ് വാങ്ങാൻ ആഗ്രഹിക്കുന്നതെങ്കിൽ നിങ്ങൾക്ക് സാംസങ് ഗാലക്‌സി എഫ്41 നോക്കാവുന്നതാണ്. 15,000 രൂപയിൽ താഴെ ഈ ഫോണിന്റെ 128 ജിബി സ്റ്റോറേജ് പതിപ്പ് ലഭിക്കും. 6,000 എംഎഎച് ബാറ്ററിയിലും അമോലെഡ് ഡിസ്‌പ്ലേയിലുമാണ് ഈ ഫോൺ എത്തുന്നത്. പിറകിൽ 64എംപി ക്യാമറയും മുന്നിൽ 32 എംപിയുടെ സെൽഫി ക്യാമറയുമാണ് വരുന്നത്.

ഏകദേശം രണ്ട് ദിവസത്തെ ബാറ്ററി ലൈഫ് ലഭിക്കുന്ന ഫോണിനായി തിരയുന്നവർക്കും, മികച്ച പ്രകടനവും മാന്യമായ ക്യാമറ ഷോട്ടുകളും വേണ്ടവർക്കും ഈ ഫോൺ ഇഷ്ടപെടും. സാംസങ് ഗാലക്‌സി എഫ് 41 ന്ആമസോണിൽ 14,499 രൂപയാണ് വില.

Poco X3 Pro – പോക്കോ എക്സ്3 പ്രോ

0,000 രൂപയ്ക്ക് താഴെയുള്ള മികച്ച മിഡ് റേഞ്ച് സ്മാർട്ട്‌ഫോണുകളിൽ ഒന്നാണ് പോക്കോ എക്സ് 3 പ്രോ. വളരെ കരുത്തുള്ള ക്വാൽകോം സ്‌നാപ്ഡ്രാഗൺ 860 പ്രോസസറാണ് ഇതിൽ നല്കിയിരിക്കുന്നത്, കൂടാതെ 5,160 എംഎഎച് ബാറ്ററിയും ഉണ്ട്. മികച്ച പ്രകടനം വാഗ്ദാനം ചെയ്യുന്ന ഫോണാണിത്. ഫോണിനോടൊപ്പം 30 വാട്ടിന്റെ ചാർജറും കമ്പനി നൽകുന്നു. ഡ്യൂവൽ സ്‌പീക്കറുകളും 120 ഹേർട്സ് റിഫ്രഷ് നിരക്കുള്ള 6.67 ഇഞ്ച് ഫുൾ എച്ഡി + അമോലെഡ് ഡിസ്‌പ്ലേയുമാണ് ഫോണിൽ വരുന്നത്. കോർണിങ് ഗൊറില്ല ഗ്ലാസ് 6 സുരക്ഷയും ഫോണിന് നൽകിയിട്ടുണ്ട്. 18,999 രൂപയാണ് വില.

OnePlus Nord CE – വൺപ്ലസ് നോർത്ത് സിഇ

നിങ്ങൾക്ക് 20,000 രൂപയിൽ കൂടുതൽ ചെലവഴിക്കാൻ കഴിയുമെങ്കിൽ, നിങ്ങൾക്ക് വൺപ്ലസ് നോർഡ് സിഇ വാങ്ങുന്നത് പരിഗണിക്കാം.ഈ സ്മാർട്ട്‌ഫോണിന്റെ അടിസ്ഥാന വേരിയന്റിന് 22,999 രൂപയാണ് വില. 6ജിബി റാമും 128 ജിബി സ്റ്റോറേജും വരുന്ന ഫോണിന്റെ വിലയാണിത്. ഓക്സിജൻ ഒഎസ് 11 ൽ പ്രവർത്തിക്കുന്ന വൺപ്ലസ് നോർഡ് സിഇ 5 ജി അടുത്തിടെയാണ് ഇന്ത്യയിൽ ഇറങ്ങിയത്. ഇത് 6.43 ഇഞ്ച് ഫുൾ എച്ച്ഡി + അമോലെഡ് ഡിസ്പ്ലേയിലാണ് വരുന്നത്.

ക്വാൽകോം സ്നാപ്ഡ്രാഗൺ 750ജി പ്രൊസസറിലാണ് ഫോൺ പ്രവർത്തിക്കുന്നത്. ഇലക്ട്രോണിക് ഇമേജ് സ്റ്റെബിലൈസഷൻ ഉള്ള 64 എംപിയുടെ പ്രധാന ക്യാമറയാണ് ഇതിൽ വരുന്നത്. മുന്നിൽ 16എംപിയുടെ സോണി ഐഎംഎക്സ്471 സെൽഫി ക്യാമറയും നൽകിയിരിക്കുന്നു. 4,500 എംഎഎച് ബാറ്ററിയിൽ വരുന്ന ഫോണിൽ 30 വാട്ട് ചാർജറും നൽകിയിരിക്കുന്നു.

Stay updated with the latest news headlines and all the latest Tech news download Indian Express Malayalam App.

Web Title: Best phones to buy in july 2021 a look at budget smartphones starting at rs 10999 list