Latest News
മൊറേനൊ പെനാലിറ്റി പാഴാക്കി; സ്പെയിനിനെ സമനിലയില്‍ കുരുക്കി പോളണ്ട്
ഇന്ധനനിരക്ക് വര്‍ധിപ്പിച്ചു, പെട്രോളിന് 29 പൈസയും ഡീസലിന് 30 പൈസയുമാണ് കൂട്ടിയത്
സംസ്ഥാനത്ത് ഒറ്റപ്പെട്ട ശക്തമായ മഴ തുടരുന്നു; നാല് ജില്ലകളില്‍ യെല്ലോ അലര്‍ട്ട്

ജിയോ ഫോണിനെ വെല്ലാൻ കാർബണും എയർടെല്ലും കൈകോർക്കുന്നു

ജിയോ ഫോണുയർത്തിയ വെല്ലുവിളികളെ മറികടക്കാനാണ് എയർടെല്ലിന്റെയും കാർബണിന്റെയും ശ്രമം

ന്യൂഡൽഹി: ജിയോ ഫോണിന്റെ വെല്ലുവിളിയെ മറികടക്കാൻ പുതിയ പദ്ധതിയുമായി എയർടെല്ലും പ്രമുഖ ഫോൺ നിർമ്മാതാക്കളായ കാർബണും കൈകോർക്കുന്നു. നിങ്ങളുടെ ആദ്യത്തെ 4ജി സ്മാർട്ഫോൺ (യുവർ ഫസ്റ്റ് 4ജി സ്മാർട്ട്ഫോൺ) എന്നാണ് പദ്ധതിക്ക് പേരിട്ടിരിക്കുന്നത്.

കാർബണിന്റെ എ40 മോഡൽ സ്മാർട്ഫോണാണ് ഇതുവഴി ഉപഭോക്താക്കൾക്ക് നൽകുക.  ഇതിന് 2899 രൂപ നൽകണം. എന്നാൽ ഇതിൽ 1500 രൂപ ആദ്യത്തെ 36 മാസങ്ങൾക്കുള്ളിൽ ഉപഭോക്താവിന് തന്നെ തിരികെ ലഭിക്കും. പണം തിരികെ ലഭിക്കുന്നതിനായി ഫോൺ കമ്പനിക്ക് മടക്കി നൽകേണ്ടതില്ല. എയർടെല്ലിന്റെ 169 രൂപ പ്ലാനടക്കമോ, അതില്ലാതെയോ ഫോൺ വാങ്ങാം. 169 രൂപ പ്ലാനിൽ ഉപഭോക്താവിന് കോളുകൾ സൗജന്യമായിരിക്കും. പ്രതിദിനം 500 എംബി ഇന്റർനെറ്റ് ഡാറ്റ 28 ദിവസത്തേക്ക് ആസ്വദിക്കാം. അടുത്ത 36 മാസത്തേക്ക് ഈ പ്ലാൻ ഇതേ നിലയിൽ ആസ്വദിക്കാനാവും.

18 മാസം കഴിഞ്ഞാൽ ഉപഭോക്താവിന് കമ്പനി 500 രൂപ മടക്കി നൽകും. 1000 രൂപ 36 മാസത്തിന് ശേഷമാണ് ലഭിക്കുക. 169 രൂപ പ്ലാൻ എടുക്കാത്ത ഉപഭോക്താക്കൾക്ക് 500 രൂപ മടക്കി ലഭിക്കണമെങ്കിൽ ആദ്യ 18 മാസത്തിനുള്ളിൽ 3000 രൂപയ്ക്ക് റീചാർജ് ചെയ്യണം. അടുത്ത 18 മാസവും 3000 രൂപയ്ക്ക് റീചാർജ് ചെയ്താലാണ് 1000 രൂപയും തിരികെ ലഭിക്കുക.

മറ്റ് ഉപഭോക്താക്കൾക്ക് ഉള്ള 169 പ്ലാനിൽ 500 എംബി ഡാറ്റ 14 ദിവസത്തേക്കാണ് എയർടെൽ നൽകുന്നത്.  കാർബൺ എ 40 ഫോണിൽ ഏത് കമ്പനിയുടെ സിം കാർഡും ഉപയോഗിക്കാനാകുമെന്ന ആനുകൂല്യവും ഉണ്ട്.

Get the latest Malayalam news and Tech news here. You can also read all the Tech news by following us on Twitter, Facebook and Telegram.

Web Title: Airtel karbonn a40 indian 4g smartphone price data plans terms and conditions features

Next Story
ഫ്ലിപ്‍കാര്‍ട്ടിന്റെ ദീപാവലി ഓഫറുകളും തീയതിയും പ്രഖ്യാപിച്ചു
The moderation of comments is automated and not cleared manually by malayalam.indianexpress.com