5ജി സേവനങ്ങൾ ഇന്ന് മുതൽ; നിങ്ങളുടെ ആസ്വാദനം എങ്ങനെ മാറും?

നീണ്ട വർഷത്തെ കാത്തിരിപ്പിനുശേഷം രാജ്യത്തെ 5ജി സേവനങ്ങൾക്ക് ഇന്നു തുടക്കമാകും. ന്യൂഡൽഹിയിൽ നടന്ന ഇന്ത്യ മൊബൈൽ കോൺഗ്രസിന്റെ ആറാമത് എഡിഷൻ ഉദ്ഘാടന ചടങ്ങിൽ രാജ്യത്തെ തിരഞ്ഞെടുത്ത നഗരങ്ങളിൽ 5 ജി സേവനം പ്രധാനമന്ത്രി നരേന്ദ്ര മോദി അവതരിപ്പിക്കും.

5ജി സേവനങ്ങളിലേക്കുള്ള ഇന്ത്യയുടെ യാത്ര എങ്ങനെ?

2017-ൽ, 5ജി സേവനങ്ങൾ ലഭ്യമാക്കുന്നതിനുള്ള രാജ്യത്തിന്റെ റോഡ്‌മാപ്പ് വിലയിരുത്താനും അംഗീകരിക്കാനും വ്യവസായം, അക്കാദമിക്, ഗവൺമെന്റ്, റെഗുലേറ്റർമാർ എന്നിവരിൽ നിന്നുള്ള പ്രതിനിധികൾ ഉൾപ്പെടുന്ന ഒരു ഉന്നതതല ഫോറം സർക്കാർ രൂപീകരിച്ചിരുന്നു. സ്റ്റാൻഫോർഡ് യൂണിവേഴ്‌സിറ്റിയിലെ പ്രൊഫസർ എജെ പോൾരാജിന്റെ നേതൃത്വത്തിലുള്ള ഫോറം 2018-ൽ റിപ്പോർട്ട് സമർപ്പിക്കുകയും സ്പെക്‌ട്രം പോളിസി, റെഗുലേറ്ററി പോളിസി, ആപ്ലിക്കേഷൻ, യൂസ്-കേസ് ലാബുകൾ എന്നിവ ഉൾപ്പെടെയുള്ള മേഖലകളിൽ ശ്രദ്ധ കേന്ദ്രീകരിക്കാൻ നിർദേശിക്കുകയും ചെയ്തു.

5ജി ആപ്ലിക്കേഷനുകൾക്കായുള്ള ഗവേഷണം തുടരുന്നതിനിടെ, ട്രയൽ നടത്താൻ ടെലികോം ഓപ്പറേറ്റർമാർക്ക് സർക്കാർ സ്പെക്ട്രം അനുവദിക്കാൻ തുടങ്ങി. 2019-ഓടെ ടെലികോം വകുപ്പും സെക്ടർ റെഗുലേറ്ററായ ട്രായും സ്പെക്ട്രം വിലനിർണ്ണയത്തിൽ പരിഗണനകൾ സ്വീകരിക്കാൻ തുടങ്ങി. ഈ വർഷം ഓഗസ്റ്റിൽ, 5G സ്പെക്ട്രത്തിന്റെ ലേലം സർക്കാർ അവസാനിപ്പിച്ചു.

ഏത് ഓപ്പറേറ്റർമാരാണ് 5G സേവനങ്ങൾ പുറത്തിറക്കുന്നത്, എവിടെയാണ്?

തുടക്കത്തിൽ 5ജി സേവനങ്ങൾ ലഭ്യമാകുന്ന നഗരങ്ങൾ ഏതൊക്കെയാണെന്ന് സർക്കാർ വ്യക്തമാക്കിയിട്ടില്ല. എന്നാൽ, ടെലികോം ഓപ്പറേറ്റർമാർ തങ്ങളുടെ നെറ്റ്‌വർക്കിൽ 5G സേവനങ്ങൾ അവതരിപ്പിക്കാൻ എങ്ങനെ പദ്ധതിയിടുന്നുവെന്ന് വെളിപ്പെടുത്തി. ഈ വർഷത്തെ 5ജി സ്പെക്‌ട്രം ലേലത്തിൽ 88,000 കോടിയിലധികം തുകയ്ക്ക് ലേലം വിളിച്ച റിലയൻസ് ജിയോ, ദീപാവലിയോടെ ഡൽഹി, മുംബൈ, ചെന്നൈ, കൊൽക്കത്ത പോലുള്ള മെട്രോ നഗരങ്ങളിൽ 5ജി നെറ്റ്‌വർക്കിൽ അതിവേഗ മൊബൈൽ ഇന്റർനെറ്റ് സേവനങ്ങൾ ലഭ്യമാക്കുമെന്ന് ഓഗസ്റ്റിൽ പറഞ്ഞിരുന്നു. ലേലത്തിൽ ഏറ്റവും കൂടുതൽ പണം മുടക്കിയ രണ്ടാമത്തെ കമ്പനിയായ ഭാരതി എയർടെൽ 2023 അവസാനത്തോടെ രാജ്യത്തെ എല്ലാ നഗരപ്രദേശങ്ങളിലും 5ജി സേവനം ലഭ്യമാകുമെന്ന് അറിയിച്ചു. 2024 മാർച്ചോടെ നഗരങ്ങളിലും പ്രധാന ഗ്രാമപ്രദേശങ്ങളിലും 5ജി ലഭ്യമാകുമെന്ന് കമ്പനി വ്യക്തമാക്കി.

5ജി യുടെ പ്രയോജനങ്ങൾ എന്തൊക്കെയാണ്?

5 ജിക്ക് പുതിയ സാമ്പത്തിക അവസരങ്ങളും സാമൂഹിക നേട്ടങ്ങളും സൃഷ്ടിക്കാൻ കഴിയും. ഇന്ത്യൻ സമൂഹത്തിന് ഒരു പരിവർത്തന ശക്തിയാകാനുള്ള സാധ്യത നൽകുന്നുവെന്ന് വാർത്താവിനിമയ മന്ത്രാലയം പുറത്തിറക്കിയ പ്രസ്താവനയിൽ പറഞ്ഞു. 4 ജിയെക്കാൾ ഉപഭോക്താക്കൾക്ക് മികച്ച ഇന്റർനെറ്റ് വേഗതയും കുറഞ്ഞ കാലതാമസവും 5 ജി നൽകുന്നു. ചില സയമത്ത് 4ജി-യുടെ 100 Mbps മായി താരതമ്യപ്പെടുത്തുമ്പോൾ 5ജി-യിലെ ഇന്റർനെറ്റ് വേഗത 10 Gbps-ൽ എത്തിയേക്കാം. അതുപോലെ, 4ജി-ക്ക് കീഴിലുള്ള ലേറ്റൻസി 10-100 ms (മില്ലിസെക്കൻഡ്) ഇടയിലാണ്, 5ജിG-യിൽ ഇത് 1 ms-ൽ താഴെയായിരിക്കുമെന്ന് പ്രതീക്ഷിക്കുന്നു. ഉപകരണങ്ങൾ തമ്മിൽ എടുക്കുന്ന സമയമാണ് ലേറ്റൻസി.

ഓപ്പറേറ്റർമാർ 5ജി തുടങ്ങുന്നത് അതേ സാങ്കേതികവിദ്യയിലാണോ?

5ജി നെറ്റ്‌വർക്കുകൾ പ്രധാനമായും രണ്ട് മോഡുകളിലാണ് വിന്യസിച്ചിരിക്കുന്നത്: സ്റ്റാൻഡ്‌എലോൺ മോഡും, നോൺ- സ്റ്റാൻഡ്‌എലോൺ മോഡും. രണ്ടിനും ഗുണങ്ങളും ദോഷങ്ങളുമുണ്ട്,

ജിയോ തിരഞ്ഞെടുത്ത സ്റ്റാൻഡ്എലോൺ മോഡിൽ, 5ജി നെറ്റ്‌വർക്ക് നിലവിലുള്ള 4ജി നെറ്റ്‌വർക്കിന് സമാന്തരമായി പ്രവർത്തിക്കുന്നു. അതേസമയം, നോൺ-സ്റ്റാൻഡ്എലോൺ മോഡിൽ, 5ജി നെറ്റ്‌വർക്കിനെ 4ജി കോർ ഇൻഫ്രാസ്ട്രക്ചർ പിന്തുണയ്ക്കുന്നു. നോൺ-സ്റ്റാൻഡ്എലോൺ നെറ്റ്‌വർക്കുകൾ നിലവിലുള്ള ഇൻഫ്രാസ്ട്രക്ചറിലാണ് നിർമ്മിച്ചിരിക്കുന്നത്. അതിനാൽ, പ്രാരംഭ ചെലവും ഈ ട്രാക്കിലൂടെ സേവനങ്ങൾ പുറത്തിറക്കാൻ എടുക്കുന്ന സമയവും സ്റ്റാൻ‌ഡ്എലോൺ നെറ്റ്‌വർക്കുകളേക്കാൾ വളരെ കുറവാണ്. 5ജി നെറ്റ്‌വർക്കിനായി ജിയോ 2 ലക്ഷം കോടി രൂപയുടെ നിക്ഷേപമാണ് നടത്തിയത്.

നോൺ-സ്റ്റാൻഡ്എലോൺ നെറ്റ്‌വർക്കുകൾ ഒരു ചവിട്ടുപടിയായി കണക്കാക്കപ്പെടുന്നു. നോൺ-സ്റ്റാൻഡ്എലോൺ 5G നെറ്റ്‌വർക്കുകൾ ആരംഭിച്ച ഓപ്പറേറ്റർമാർ ഒടുവിൽ ഒറ്റപ്പെട്ട നെറ്റ്‌വർക്കുകളിലേക്ക് മാറാൻ ആഗോള മുൻഗാമികൾ നിർദ്ദേശിക്കുന്നു. ഭാരതി എയർടെൽ തിരഞ്ഞെടുത്ത നോൺ-സ്റ്റാൻഡ്എലോൺ മോഡ്, താരതമ്യേന കുറഞ്ഞ നിക്ഷേപത്തിൽ നിലവിലുള്ള നെറ്റ്‌വർക്ക് ഇൻഫ്രാസ്ട്രക്ചർ പരമാവധി പ്രയോജനപ്പെടുത്താൻ ഓപ്പറേറ്റർമാരെ അനുവദിക്കുന്നു. ഇന്നത്തെ മിക്ക സ്മാർട്ട്‌ഫോണുകൾക്കും നോൺ-സ്റ്റാൻഡ്എലോൺ 5ജി നെറ്റ്‌വർക്കുകളിലേക്ക് കണക്റ്റുചെയ്യാനുള്ള കഴിവുണ്ട്. കൂടാതെ ഒറ്റപ്പെട്ട നെറ്റ്‌വർക്കുകളിലേക്ക് കണക്ട് ചെയ്യാൻ അവരുടെ OEM-കളുടെ സോഫ്റ്റ്‌വെയർ അപ്‌ഡേറ്റുകൾ ആവശ്യമാണ്.