scorecardresearch

‘ഡൽഹിയിൽ നിന്നുള്ള കൊച്ചു കുട്ടിക്ക്,’ കോഹ്ലിക്ക് വൈകാരികമായ കത്തുമായി യുവരാജ്

“ലോകമെമ്പാടുമുള്ള ദശലക്ഷക്കണക്കിന് ആരാധകർക്ക് സന്താഷമേകിയ ക്യാപ്റ്റനെന്ന നിലയിൽ കരിയർ ആഘോഷിച്ച നിങ്ങൾക്ക് ഈ പ്രത്യേക ഷൂ സമർപ്പിക്കുന്നു,” യുവി കുറിച്ചു

‘ഡൽഹിയിൽ നിന്നുള്ള കൊച്ചു കുട്ടിക്ക്,’ കോഹ്ലിക്ക് വൈകാരികമായ കത്തുമായി യുവരാജ്

വിരാട് കോഹ്‌ലിക്ക് ഒരു വൈകാരികമായ കത്തുമായി മുൻ ഇന്ത്യൻ ഓൾറൗണ്ടർ യുവരാജ് സിംഗ്. ഒരു ക്രിക്കറ്റ് കളിക്കാരനെന്ന നിലയിലും ഒരു വ്യക്തിയെന്ന നിലയിലും കോഹ്ലിയുടെ യാത്രയെ അനുസ്മരിച്ചുകൊണ്ടാണ് കത്ത്. സ്വന്തം നിശ്ചയദാർഢ്യവും കഠിനാധ്വാനവും കാരണം കോഹ്‌ലി ലോകമെമ്പാടുമുള്ള യുവാക്കൾക്ക് പ്രചോദനമാണെന്ന് പ്രസ്താവിച്ച യുവരാജ്, ഇന്ത്യയുടെ സ്റ്റാർ ബാറ്ററിൽ നിന്ന് കൂടുതൽ അവിസ്മരണീയമായ ഷോട്ടുകൾ കാണാനുള്ള തന്റെ ആഗ്രഹവും പ്രകടിപ്പിച്ചു.

“ഡൽഹിയിൽ നിന്നുള്ള കൊച്ചുകുട്ടി വിരാട് കോഹ്ലിയോട്. ലോകമെമ്പാടുമുള്ള ദശലക്ഷക്കണക്കിന് ആരാധകർക്ക് പുഞ്ചിരി സമ്മാനിച്ച ക്യാപ്റ്റനെന്ന നിലയിൽ നിങ്ങളുടെ കരിയർ ആഘോഷിക്കുന്ന ഈ പ്രത്യേക ഷൂ നിങ്ങൾക്കായി സമർപ്പിക്കാൻ ഞാൻ ആഗ്രഹിക്കുന്നു. നിങ്ങൾ എങ്ങനെയാണോ അങ്ങനെ തന്നെ തുടരുക. നിങ്ങൾ നിങ്ങളുടേതായ രീതിയിൽ കളിക്കുകയും രാജ്യത്തിന് അഭിമാനം നൽകുകയും ചെയ്യുമെന്ന് ഞാൻ പ്രതീക്ഷിക്കുന്നു,” യുവരാജ് സിംഗ് ട്വീറ്റ് ചെയ്തു.

“വിരാട്, നിങ്ങൾ ഒരു ക്രിക്കറ്റ് കളിക്കാരനായും ഒരു വ്യക്തിയായും വളരുന്നത് ഞാൻ കണ്ടു. ഇന്ത്യൻ ക്രിക്കറ്റിലെ ഇതിഹാസങ്ങൾക്കൊപ്പം തോളോട് തോൾ ചേർന്ന് നടക്കുന്ന ആ ചെറുപ്പത്തിൽ നിന്ന്, നിങ്ങൾ ഇപ്പോൾ ഒരു പുതിയ തലമുറയ്ക്ക് വഴിയൊരുക്കുന്ന ഒരു ഇതിഹാസമാണ്. കളിക്കളത്തിലെ നിങ്ങളുടെ അച്ചടക്കവും അഭിനിവേശവും സ്‌പോർട്‌സിനോടുള്ള അർപ്പണബോധവും ഈ രാജ്യത്തെ എല്ലാ കൊച്ചുകുട്ടികളെയും ബാറ്റ് എടുക്കാനും ഒരു ദിവസം നീല ജേഴ്‌സി ധരിക്കാനും പ്രേരിപ്പിക്കുന്നു,” യുവരാജ് കത്തിൽ കുറിച്ചു.

“ഓരോ വർഷവും നിങ്ങൾ നിങ്ങളുടെ ക്രിക്കറ്റിന്റെ നിലവാരം ഉയർത്തി, ഈ അത്ഭുതകരമായ ഗെയിമിൽ ഇതിനകം വളരെയധികം നേട്ടങ്ങൾ നേടിയിട്ടുണ്ട്, നിങ്ങളുടെ കരിയറിലെ ഈ പുതിയ അധ്യായത്തിൽ നിങ്ങൾ ആരംഭിക്കുന്നത് കാണാൻ ഞാൻ കൂടുതൽ ആവേശത്തിലാണ്. നിങ്ങൾ ഒരു ഇതിഹാസ ക്യാപ്റ്റനും മികച്ച നേതാവുമാണ്. നിങ്ങളുടെ മികച്ച നിരവധി റൺ ചേസുകൾ ഞാൻ പ്രതീക്ഷിക്കുന്നു, ”അദ്ദേഹം കൂട്ടിച്ചേർത്തു.

മൂന്ന് ഫോർമാറ്റുകളിൽ നിന്നും കോഹ്‌ലി അടുത്തിടെ ഇന്ത്യയുടെ ക്യാപ്റ്റൻ സ്ഥാനം ഒഴിഞ്ഞിരുന്നു. താൻ കളിക്കുന്നിടത്തോളം കാലം വിജയിക്കാനുള്ള തന്റെ അടങ്ങാത്ത വിശപ്പ് കോഹ്‌ലി നിലനിർത്തുമെന്ന് പ്രതീക്ഷിക്കുന്നതായി ടി20യിലെ ഏറ്റവും വേഗമേറിയ ഫിഫ്റ്റിയെന്ന റെക്കോർഡ് സ്വന്തമാക്കിയ യുവരാജ് കുറിച്ചു.

“. നിങ്ങളുടെ ഉള്ളിലെ തീ എപ്പോഴും കത്തിക്കൊണ്ടിരിക്കട്ടെ. നിങ്ങൾ ഒരു സൂപ്പർസ്റ്റാറാണ്. ഇതാ നിങ്ങൾക്കായി ഒരു പ്രത്യേക ഗോൾഡൻ ബൂട്ട്. രാജ്യത്തിന് അഭിമാനം പകരുന്നത് തുടരുക!” യുവരാജ് കത്ത് അവസാനിപ്പിച്ചു.

Stay updated with the latest news headlines and all the latest Sports news download Indian Express Malayalam App.

Web Title: Yuvraj singh pens emotional letter to virat kohli delhi boy