Latest News

സ്വവര്‍ഗ അനുരാഗിയാകുന്നതില്‍ എന്താണ് തെറ്റ്? വിന്‍ഡീസ് ബോളര്‍ക്ക് ജോ റൂട്ടിന്റെ മറുപടി

അപമര്യാദയായി പെരുമാറിയ താരത്തിന് റൂട്ടിന്‍റെ ഉശിരന്‍ മറുപടി. ഇംഗ്ലണ്ട് നായകന് കൈയ്യടിച്ച് കായിക ലോകം

Joe Root, Shannon Gabriel, England, West Indies, Gay, ie malayalam, ജോ റൂട്ട്, ഷാനോണ്‍ ഗബ്രിയേല്‍, വിന്‍ഡീസ്, ഐഇ മലയാളം

ഗ്രോസ് ഐലെറ്റ്: കളിക്കിടെ മോശമായി പെരുമാറിയ വിന്‍ഡീസ് പേസര്‍ ഷാനോണ്‍ ഗബ്രിയേലിന് അമ്പയറുടെ താക്കീത്. ഇംഗ്ലണ്ടിനെതിരായ മൂന്നാം ടെസ്റ്റിന്റെ മൂന്നാം ദിനമാണ് സംഭവം. ഇംഗ്ലണ്ട് നായകന്‍ ജോ റൂട്ടിനോട് അപമര്യാദയായി പെരുമാറിയതിനാണ് താരത്തിന് താക്കീത് ലഭിച്ചത്.

ബാറ്റ് ചെയ്യുകയായിരുന്ന ജോ റൂട്ടിനോടും ജോ ഡെന്‍ലിയോടും മോശമായി പെരുമാറിയ ഷാനോണ്‍ ഗബ്രിയേലിന് റൂട്ട് മറുപടി കൊടുക്കുന്നതും വീഡിയോകളില്‍ നിന്നും വ്യക്തമായി കാണാം. എന്നാല്‍ ഗബ്രിയേല്‍ പറയുന്നത് വ്യക്തമല്ല. ഗബ്രിയേല്‍ കയര്‍ക്കുന്നതായി കാണുന്നുണ്ടെങ്കിലും വാക്കുകള്‍ വ്യക്തമല്ല.

”സ്വവർഗ അനുരാഗിയാകുന്നതില്‍ എന്താണ് തെറ്റ്?” എന്ന് റൂട്ട് പറയുന്നത് വ്യക്തമായി കേള്‍ക്കുന്നുണ്ട്. എന്നാല്‍ എന്താണ് റൂട്ടിനെ കൊണ്ട് അങ്ങനെ പറയിപ്പിച്ചതെന്ന് വ്യക്തമല്ല. ഗബ്രിയേലിന്റെ ശബ്ദം സ്റ്റമ്പ് മൈക്കില്‍ നിന്നും കേള്‍ക്കാന്‍ സാധിക്കുന്നില്ല. അതേസമയം, മത്സരശേഷം വിന്‍ഡീസ് പേസര്‍ പിന്നീട് ദുഃഖിക്കുമെന്ന് റൂട്ട് പറഞ്ഞു. എന്നാല്‍ സംഭവത്തില്‍ റൂട്ട് പരാതി നല്‍കിയിട്ടില്ല.

”ചിലപ്പോള്‍ ആളുകള്‍ പിന്നീട് ദുഃഖിക്കേണ്ടി വരുന്ന എന്തെങ്കിലും ഫീല്‍ഡില്‍ പറഞ്ഞെന്ന് വരും. പക്ഷെ അവര്‍ ഫീല്‍ഡില്‍ തന്നെ തുടരണം” റൂട്ട് പറഞ്ഞു. അതേസമയം, ഗബ്രിയേല്‍ വികാരം പ്രകടിപ്പിക്കുന്ന ആളാണെന്നും കളി ജയിക്കാന്‍ എന്തും ചെയ്യുമെന്നും എന്നാല്‍ അവന്‍ നല്ല വ്യക്തിയാണെന്നും നല്ല ക്രിക്കറ്ററാണെന്നും റൂട്ട് പറഞ്ഞു.

സംഭവത്തില്‍ തനിക്ക് പരാതിയൊന്നും ലഭിച്ചിട്ടില്ലെന്നും എന്നാല്‍ തങ്ങള്‍ പരിശോധിച്ച ശേഷം അങ്ങനെ എന്തെങ്കിലും ഗബ്രിയേലിന്റെ ഭാഗത്തു നിന്നുമുണ്ടായിട്ടുണ്ടെങ്കില്‍ നടപടിയെടുക്കുമെന്നും വിന്‍ഡീസ് പരിശീലകന്‍ റിച്ചാര്‍ഡ് പൈബസ് അറിയിച്ചു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Whats wrong in being gays joe root asks windies pacer

Next Story
‘കൊള്ളാം കൊച്ചി’; പ്രോ വോളിബോൾ ലീഗിൽ സ്‌പൈക്കേഴ്സിന് തകർപ്പൻ ജയംKochi Blue Spikers vs Black Hawks Hyderabad, pro volleyball league, pro volleyball league, pro volleyball league 2019, pro volleyball, pro volleyball 2019, pro volleyball league schedule, pro volleyball schedule 2019, ahmedabad defenders, chennai spartans, u mumba volley, black hawks hyderabad, volleyball news, indian sports news, indian sports, kochi blue spikers, calicut heroes,match report,
The moderation of comments is automated and not cleared manually by malayalam.indianexpress.com
Best of Express