Latest News
സംസ്ഥാനത്ത് കൂടുതല്‍ ഇളവുകള്‍ നാളെ മുതല്‍
UEFA EURO 2020: സ്കോട്ട്ലന്‍ഡിനെ കീഴടക്കി ക്രൊയേഷ്യ; ഇംഗ്ലണ്ടിനും ജയം
ഡെൽറ്റ പ്ലസ് വകഭേദം: കേരളം അടക്കം മൂന്ന് സംസ്ഥാനങ്ങൾക്ക് ജാഗ്രതാ നിർദേശം
രാജ്യദ്രോഹ കേസ്: ഐഷ സുല്‍ത്താനയെ വീണ്ടും ചോദ്യം ചെയ്യും
രാജ്യത്തെ കോവി‍ഡ് കേസുകള്‍ മൂന്ന് കോടി കവിഞ്ഞു
സംസ്ഥാനത്ത് ആദ്യ ഡോസ് വാക്സിന്‍ സ്വീകരിച്ചവര്‍ ഒരു കോടിയിലധികം; കൂടുതലും സ്ത്രീകള്‍

ഐസിസി റാങ്കിംഗിൽ വാഷിംഗ്‌ടൺ സുന്ദറിന്റെ റോക്കറ്റ് കുതിപ്പ്; 151 സ്ഥാനം മറികടന്നു

ദിനേശ് കാർത്തിക്കിന് ബാറ്റിംഗിൽ കരിയറിലെ ഏറ്റവും ഉയർന്ന പോയിന്റ്

Washington Sundar, Yuzvendra Chahal, ICC rankings, ICC bowlers rankings, Nidahas Trophy, cricket, indian express

ന്യൂഡൽഹി: നിദാഹാസ് ട്രോഫിയിലെ വിജയത്തിന് പിന്നാലെ ഇന്ത്യയുടെ സ്പിൻ ബോളർമാർക്ക് ഐസിസി ടി20 റാങ്കിംഗിൽ കുതിപ്പ്. യുസ്‌വേന്ദ്ര ചാഹൽ രണ്ടാം റാങ്കിലേക്ക് മുന്നേറിയപ്പോൾ വാഷിംഗ്‌ടൺ സുന്ദർ 151 സ്ഥാനങ്ങളാണ് മെച്ചപ്പെടുത്തിയത്. ഇതോടെ 31ാം സ്ഥാനത്താണിപ്പോൾ ഈ യുവതാരം.

കരിയറിലെ തന്നെ ഏറ്റവും ഉയർന്ന പോയിന്റാണിപ്പോൾ ചാഹൽ നേടിയിരിക്കുന്നത്. 706 പോയിന്റ്. അതേസമയം മാൻ ഓഫ് ദി സീരീസായി തിരഞ്ഞെടുക്കപ്പെട്ട വാഷിംഗ്‌ടൺ സുന്ദറിന് ഇപ്പോൾ 496 പോയിന്റാണ് ഉളളത്.

ഇന്ത്യയുടെ അഞ്ച് മത്സരങ്ങളും കളിച്ച ഇരു സ്‌പിന്നർമാരും എട്ട് വിക്കറ്റ് വീതമാണ് വീഴ്ത്തിയത്. പവർപ്ലേയിൽ കൂടുതലായി പന്തെറിഞ്ഞ സുന്ദർ ഒരോവറിൽ ശരാശരി 5.75 റൺസാണ് വിട്ടുകൊടുത്തത്. ഇതാണ് താരത്തിന്റെ റോക്കറ്റ് കുതിപ്പിന് ശക്തിയായത്.

ലങ്കയുടെ അകില ധനഞ്ജയ, ബംഗ്ലാദേശിന്റെ റൂബെൽ ഹുസൈൻ, ഇന്ത്യയുടെ ജയദേവ് ഉനദ്‌കട്, ഷർദുൽ താക്കൂർ എന്നിവരും കരിയറിലെ ഏറ്റവും ഉയർന്ന പോയിന്റ് നേടി. ഉനദ്‌കട് 435 പോയിന്റോടെ 52ാം സ്ഥാനത്തും താക്കൂർ 358 പോയിന്റോടെ 76ാം സ്ഥാനത്തുമാണ് ഉളളത്.

ബാറ്റ്സ്‌മാന്മാരിൽ ശിഖർ ധവാൻ, കുസാൽ പെരേര, മനീഷ് പാണ്ഡെ, മുഷ്‌ഫിഖർ റഹിം, കുശാൽ മെന്റിസ്, ദിനേഷ് കാർത്തിക് എന്നിവരും മികച്ച കുതിപ്പ് നടത്തി. കരിയറിലെ ഏറ്റവും ഉയർന്ന പോയിന്റ് (246) നേടിയ ദിനേശ് കാർത്തിക് 31 സ്ഥാനങ്ങൾ മുന്നേറി. 126ാം സ്ഥാനത്തായിരുന്ന ഇദ്ദേഹമിപ്പോൾ 95ാം സ്ഥാനത്താണ്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Washington sundar yuzvendra chahal move up in icc t20 bowlers chart

Next Story
നിദാഹാസ് ട്രോഫിയിലെ ഏറ്റവും നല്ല നിമിഷം ഇത്, ചിത്രം പുറത്തുവിട്ട് രോഹിത് ശർമ്മ
The moderation of comments is automated and not cleared manually by malayalam.indianexpress.com