Latest News
ബോക്സിങ്ങിൽ ഇന്ത്യയുടെ ലവ്‌ലിന ബോര്‍ഗോഹെയ്‌ന് വെങ്കലം

ആഗ്രഹിച്ചത് ഇന്ത്യൻ കോച്ചാകാൻ, കഴിയാത്തതിൽ നിരാശനായെന്ന് സൗരവ് ഗാംഗുലി

2008 ൽ വിരമിക്കൽ പ്രഖ്യാപിച്ചപ്പോൾ സച്ചിൻ എന്നോട് എന്തിനാണ് ഇങ്ങനെയൊരു തരുമാനമെന്നു ചോദിച്ചു

സൗരവ് ഒന്നുകൂടി ആലോചിച്ചിട്ട് മതി എന്നദ്ദേഹം പറഞ്ഞു.
Mumbai: BCCI Cricket Advisory Committee (CAC) members Sourav Ganguly, VVS Laxman and BCCI acting secretary Amitabh Choudhary during a press conference regarding the Indian cricket team coach selection, in Mumbai on Monday. PTI Photo by Santosh Hirlekar (PTI7_10_2017_000170B)

ഇന്ത്യൻ ടീമിന്റെ കോച്ചാകാൻ കഴിയാത്തതിൽ നിരാശ ഉണ്ടായിരുന്നുവെന്ന് സൗരവ് ഗാംഗുലി. എന്തെങ്കിലും കാര്യം ചെയ്യുന്നത് ഒന്നും പ്രതീക്ഷിച്ചിട്ടാവരുതെന്നും തന്റെ ജീവിതത്തിൽ നടന്നത് അതിന് ഉദാഹരണമാണെന്നും ഇന്ത്യാ ടുഡേ കോൺക്ലേവ് ഈസ്റ്റ് 2017 ൽ പങ്കെടുക്കവേ ഗാംഗുലി പറഞ്ഞു.

”നിങ്ങൾക്ക് ചെയ്യാൻ കഴിയുന്നതെന്താണോ അത് ചെയ്യുക. ചെയ്യുന്ന പ്രവൃത്തിയുടെ ഫലത്തെക്കുറിച്ച് ചിന്തിക്കരുത്. ജീവിതം എങ്ങോട്ടാണ് പോകുന്നതെന്ന് നിങ്ങൾക്ക് ഒരിക്കലും അറിയില്ല. നിങ്ങളുടെ ജീവിതത്തിൽനിന്നും എടുക്കപ്പെടുന്നത് എന്താണെന്നും നിങ്ങൾക്ക് അറിയില്ല. 1999 ൽ ഞാൻ ഓസ്ട്രേലിയയ്ക്ക് പോയി. അപ്പോൾ ഞാൻ വൈസ് ക്യാപ്റ്റൻ പോലുമല്ല. സച്ചിൻ തെൻഡുൽക്കർ ആയിരുന്നു ക്യാപ്റ്റൻ. എന്നാൽ 3 മാസങ്ങൾക്കകം ഞാൻ ഇന്ത്യൻ ടീമിന്റെ ക്യാപ്റ്റനായി”.

”എന്നെ ഭരണസമിതിയിലേക്ക് തിരഞ്ഞെടുത്തപ്പോൾ ഇന്ത്യൻ ടീമിന്റെ കോച്ചാകാൻ കഴിയാത്തതിൽ ഞാൻ നിരാശനായി. ജഗ്മോഹൻ ഡാൽമിയ ആ സമയം എന്നോട് 6 മാസം ഭരണസമിതിയിൽ പ്രവർത്തിച്ചു നോക്കാൻ ആവശ്യപ്പെട്ടു. അദ്ദേഹം ഇന്ന് ഇല്ല. ഞാൻ അങ്ങനെ ബംഗാൾ ക്രിക്കറ്റ് അസോസിയേഷൻ (സിഎബി) പ്രസിഡന്റായി. സാധാരണ ഒരാൾക്ക് പ്രസിഡന്റ് സ്ഥാനത്തേക്കെത്താൻ 20 വർഷമെടുക്കും”.

ക്രിക്കറ്റിൽ നിന്നും വിരമിക്കാൻ തീരുമാനിച്ചതിനെക്കുറിച്ചും ഗാംഗുലി പറഞ്ഞു. ”2008 ൽ വിരമിക്കൽ പ്രഖ്യാപിച്ചപ്പോൾ സച്ചിൻ എന്നോട് എന്തിനാണ് ഇങ്ങനെയൊരു തരുമാനമെന്നു ചോദിച്ചു. ഇനി ഞാൻ കളിക്കാൻ ആഗ്രഹിക്കുന്നില്ലെന്ന് മറുപടി പറഞ്ഞു. കളിക്കാനുളള മികച്ച സമയം ഇതാണെന്നും കഴിഞ്ഞ 3 വർഷം മികച്ച പ്രകടനമായിരുന്നുവെന്നും സച്ചിൻ എന്നോട് പറഞ്ഞു. ഇനി മതിയെന്നു തോന്നിയതിനാലാണ് ഞാൻ വിരമിച്ചത്. അതിനർഥം എനിക്ക് ക്രിക്കറ്റ് മടുത്തതുകൊണ്ടല്ലെന്നും” ഗാംഗുലി പറഞ്ഞു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Was desperate to coach india says sourav ganguly

Next Story
ധോണി അത്രയ്ക്ക് കൂളല്ല; സുരേഷ് റെയ്നയുടെ വെളിപ്പെടുത്തൽMS Dhoni is not so cool on field Suresh Raina
The moderation of comments is automated and not cleared manually by malayalam.indianexpress.com
Best of Express