scorecardresearch

“ടി20 ലോകകപ്പിനുള്ള ടീമിൽ അവർ ഇടം അർഹിക്കുന്നു;” പുതുമുഖ താരങ്ങളെക്കുറിച്ച് വിവിഎസ് ലക്ഷ്മൺ

“പക്ഷേ ലോകകപ്പിന് പോകുന്ന ഇന്ത്യൻ ടീമിൽ കളിക്കാൻ ഇരുവരും അർഹരാണെന്ന് ഞാൻ കരുതുന്നു,” ലക്ഷ്മൺ പറഞ്ഞു.

“ടി20 ലോകകപ്പിനുള്ള ടീമിൽ അവർ ഇടം അർഹിക്കുന്നു;” പുതുമുഖ താരങ്ങളെക്കുറിച്ച് വിവിഎസ് ലക്ഷ്മൺ

പുതുമുഖങ്ങളായ ഇഷാൻ കിഷനും സൂര്യകുമാർ യാദവും ഈ വർഷം അവസാനം നടക്കുന്ന ടി 20 ലോകകപ്പിനായുള്ള ഇന്ത്യൻ ടീമിൽ ഇടം സ്വന്തമാക്കാൻ അർഹതയുള്ളവരാണെന്ന് മുൻ ഇന്ത്യൻ ബാറ്റ്സ്മാൻ വിവിഎസ് ലക്ഷ്മൺ. ഇതിനായി അവർ തങ്ങൾക്ക് ലഭിച്ച അവസരങ്ങൾ പ്രയോജനപ്പെടുത്തിയെന്നും ലക്ഷ്മൺ പറഞ്ഞു.

22 കാരനായ ഇഷാനും 30കാരനായ സൂര്യകുമാറും തങ്ങളുടെ അന്താരാഷ്ട്ര അരങ്ങേറ്റം മികച്ചതാക്കിയിരുന്നു. ഇഷാൻ തന്റെ അന്താരാഷ്ട്ര അരങ്ങേറ്റത്തിൽ 32 പന്തിൽ 56 റൺസ് നേടി. ഇംഗ്ലണ്ടിനെതിരായ പരമ്പരയിലെ നാലാമത്തെയും അഞ്ചാമത്തെയും ടി 20 യിൽ ഇറങ്ങിയ സൂര്യകുമാർ 31 പന്തിൽ 57 ഉം 17 പന്തിൽ 32 ഉം റൺസ് ഇരു മത്സരങ്ങളിലുമായി നേടി.

“ശരി, ഇത് വളരെ കഠിനമായ ചോദ്യമാണ്, കാരണം ഈ സീരീസിൽ നമ്മൾ കണ്ടത് ധാരാളം യുവാക്കൾ അവരുടെ അവസരങ്ങൾ മുതലാക്കി എന്നതാണ്,” സ്റ്റാർ സ്പോർട്സിലെ ‘ക്രിക്കറ്റ് കണക്റ്റഡ്’ ഷോയിൽ ലക്ഷ്മൺ പറഞ്ഞു.

Read More: യാതൊരു ബഹുമാനവുമില്ല, അംപയർമാരെ സമ്മർദത്തിലാക്കുന്നു; കോഹ്‌ലിയെ കുറ്റപ്പെടുത്തി മുൻ ഇംഗ്ലണ്ട് ക്രിക്കറ്റർ

അരങ്ങേറ്റ ഇന്നിംഗ്‌സിൽ ഇഷാൻ കിഷൻ കളിച്ച രീതിയും സൂര്യകുമാർ യാദവ് കളിച്ച രീതിയും പരിഗണിക്കുമ്പോൾ ഇരുവരും തീർച്ചയായും 15 അംഗ ടീമിലുണ്ടാകണമെന്ന് ഞാൻ കരുതുന്നു.

“ഇത് ഒരു വിഷമകരമായ തിരഞ്ഞെടുപ്പാണ്, പക്ഷേ ലോകകപ്പിന് പോകുന്ന ഇന്ത്യൻ ടീമിൽ കളിക്കാൻ ഇരുവരും അർഹരാണെന്ന് ഞാൻ കരുതുന്നു,” ലക്ഷ്മൺ പറഞ്ഞു.

അതേസമയം ടി 20 ലോകകപ്പിന് ഇനിയും ധാരാളം സമയമുണ്ടെന്നും വരാനിരിക്കുന്ന ഐ‌പി‌എല്ലിൽ മികച്ച പ്രകടനം കാഴ്ചവെച്ചുകൊണ്ട് ധാരാളം കളിക്കാർക്ക് ടീമിൽ ഇടം നേടാനാകുമെന്നും മുൻ ഇന്ത്യൻ ബാറ്റിംഗ് കോച്ച് സഞ്ജയ് ബംഗർ പറഞ്ഞു.

“ലോകകപ്പ് ആരംഭിക്കുന്നതിന് ഇനിയും ധാരാളം സമയം ബാക്കിയുണ്ട്. ഇതിനിടയിൽ ഒരു ഐ‌പി‌എൽ ടൂർണമെന്റും ഉണ്ട്. അതിനാൽ, തീരുമാനങ്ങൾ എങ്ങനെയാണ് എടുത്തതെന്ന് കണക്കിലെടുക്കുമ്പോൾ, ഇനിയും വളരെയധികം കാര്യങ്ങൾ ഉണ്ടെന്ന് ഞാൻ വിശ്വസിക്കുന്നു, ”അദ്ദേഹം പറഞ്ഞു.

Read More: ‘അച്ഛൻ ഞങ്ങൾക്കൊപ്പം ഡ്രസിങ് റൂമിലുണ്ടായിരുന്നു’; വൈകാരികം ഈ വാക്കുകൾ

“മാറ്റിനിർത്തപ്പെട്ട കളിക്കാർക്ക് ലോകകപ്പ് സെലക്ഷന് മുൻപായി വലിയ ഒരു സീസൺ തന്നെയുണ്ട്. അതിനാൽ ഇപ്പോൾ ആരെയും ലോകകപ്പ് ടീമിന് പുറത്തായതായി കണക്കാക്കാൻ ഞാൻ ആഗ്രഹിക്കുന്നില്ല,” ബംഗാർ പറഞ്ഞു.

ഐസിസി ടി 20 ലോകകപ്പ് ടീമിൽ ഭുവനേശ്വർ കുമാർ ഇതിനകം തന്നെ സ്ഥാനം ഉറപ്പിച്ചിട്ടുണ്ടോയെന്ന ചോദ്യത്തിനും ബംഗാർ മറുപടി നൽകി.

“ഭുവനേശ്വർ കുമാർ ഫിറ്റാണെന്നും ഫോമിലാണെന്നുമുള്ള കാര്യത്തിൽ സംശയമില്ല. കാരണം ഫോമിലേക്ക് പോകുകയാണെന്ന് ഈ ടീം വ്യക്തമാക്കിയിരുന്നു,” ബംഗാർ പറഞ്ഞു.

പരുക്കിനെത്തുടർന്ന് തിരിച്ചെത്തിയ ഭുവനേശ്വർ അഞ്ച് ടി 20 മത്സരങ്ങളിലായി നാല് വിക്കറ്റ് വീഴ്ത്തിയിരുന്നു. ഇംഗ്ലണ്ടിനെതിരായ ആദ്യ ഏകദിനത്തിൽ 30 റൺസിന് രണ്ട് വിക്കറ്റ് നേടിയിരുന്നു.

Stay updated with the latest news headlines and all the latest Sports news download Indian Express Malayalam App.

Web Title: Vvs laxman ishan suryakumar t20 world cup squad