വിരാട് കോഹ്‌ലിയും അനുഷ്കയും തമ്മിലുളള ഏതു ഫോട്ടോയും നിമിഷങ്ങൾക്കുളളിൽ വൈറലാവാറുണ്ട്. ഇത്തവണയും അത് തെറ്റിയില്ല. പക്ഷേ ഇത്തവണ ഫോട്ടോയ്ക്കു പുറമേ അതിന് കോഹ്‌ലി നൽകിയ അടിക്കുറിപ്പും വൈറലായി. കോഹ്‌ലിയുടെ അടിക്കുറിപ്പ് കണ്ട ആരാധകർ വളരെ മനോഹരമായിരിക്കുന്നുവെന്നാണ് അഭിപ്രായപ്പെട്ടത്.
അനുഷ്കയ്ക്കൊപ്പം ഭക്ഷണം കഴിക്കാനെത്തിയപ്പോഴാണ് കോഹ്‌ലി ചിത്രം പകർത്തിയത്. ‘മികച്ച ആൾക്കൊപ്പം മികച്ച ഭക്ഷണം’ എന്നായിരുന്നു കോഹ്‌ലി നൽകിയ അടിക്കുറിപ്പ്. ഒരു മില്യനിലധികം ആൾക്കാരാണ് ഫോട്ടോയ്ക്ക് ലൈക്ക് അടിച്ചത്.
വിരാട് കോഹ്‌ലി തന്റെ ഇൻസ്റ്റഗ്രാമിൽ അനുഷ്കയ്ക്ക് ഒപ്പമുളള നിരവധി സെൽഫികൾ പോസ്റ്റ് ചെയ്യുന്നുണ്ട്. കാറിനകത്ത് അനുഷ്കയ്ക്കൊപ്പം ഇരിക്കുന്ന സെൽഫിയ്ക്ക് മൂന്നു മില്യൻ ലൈക്ക്സ് ആയിരുന്നു ലഭിച്ചത്.
ഇംഗ്ലണ്ടിൽ നടന്ന ഇന്ത്യയുടെ ഏകദിന മൽസരങ്ങൾ കാണാൻ അനുഷ്കയും എത്തിയിരുന്നു. ഷൂട്ടിങ്ങിൽനിന്നും ബ്രേക്ക് എടുത്താണ് അനുഷ്ക ഭർത്താവിന്രെ കളി കാണാനായി ലണ്ടനിലെത്തിയത്.
Get Malayalam News and latest news update from India and around the world. Stay updated with today's latest Sports news in Malayalam at Indian Expresss Malayalam.
ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ
