Latest News
സംസ്ഥാനത്ത് കൂടുതല്‍ ഇളവുകള്‍ നാളെ മുതല്‍
UEFA EURO 2020: സ്കോട്ട്ലന്‍ഡിനെ കീഴടക്കി ക്രൊയേഷ്യ; ഇംഗ്ലണ്ടിനും ജയം
ഡെൽറ്റ പ്ലസ് വകഭേദം: കേരളം അടക്കം മൂന്ന് സംസ്ഥാനങ്ങൾക്ക് ജാഗ്രതാ നിർദേശം
രാജ്യദ്രോഹ കേസ്: ഐഷ സുല്‍ത്താനയെ വീണ്ടും ചോദ്യം ചെയ്യും
രാജ്യത്തെ കോവി‍ഡ് കേസുകള്‍ മൂന്ന് കോടി കവിഞ്ഞു

കോഹ്‍ലിയില്ലാത്തത് തുണയാകുമെന്ന് പാക്കിസ്ഥാൻ പേസർ

കോഹ്‍ലി ഒരു ഇതിഹാസമാണെന്നും പാക് താരം

virat kohli, cricket, ie malayalam

ഇംഗ്ലീഷ് പരമ്പര അവസാനിക്കുന്നതോടെ ഇന്ത്യൻ ടീം പറക്കുന്നത് എഷ്യൻ കപ്പ് ആവേശത്തിലേക്കാണ്. സെപ്റ്റംബർ 15ന് ദുബായിലാണ് എഷ്യൻ കപ്പ് പോരാട്ടങ്ങൾ ആരംഭിക്കുന്നത്. ക്യാപ്റ്റൻ വിരാട് കോഹ്‍ലിക്ക് വിശ്രമം അനുവദിച്ചാണ് എഷ്യൻ കപ്പിനുള്ള ഇന്ത്യൻ ടീമിനെ പ്രഖ്യാപിച്ചിരിക്കുന്നത്. കോഹ്‍ലിയുടെ അഭാവം തങ്ങൾക്ക് അനുകൂലമാകുമെന്നാണ് പാക്കിസ്ഥാൻ പേസർ ഹസൻ അലിയുടെ പക്ഷം.

ഹസൻ അലിയുടെ വാക്കുകൾ ഇങ്ങനെ-” വിരാട് കോഹ്‍ലിയുടെ അഭാവം തങ്ങൾക്ക് ഗുണം ചെയ്യും. അദ്ദേഹത്തെ പോലെ സമ്മർദ്ദ സാഹചര്യങ്ങൾ കൈകാര്യം ചെയ്യാൻ സാധിക്കുന്ന താരങ്ങൾ ഇന്ത്യൻ ടീമിലില്ല. ഇത് ഇന്ത്യക്ക് ദോഷം ചെയ്യും.” കോഹ്‍ലിയെയും തന്നെയും താരതമ്യം ചെയ്യുന്നതിൽ കാര്യമില്ലെന്നും അദ്ദേഹം തന്റെ സീനിയറും ഇതിഹാസവുമാണെന്നും ഹസൻ കൂട്ടിച്ചേർത്തു.

കോഹ്‍ലിയുടെ അഭാവത്തിൽ എഷ്യൻ കപ്പിൽ ഇന്ത്യയെ നയിക്കുന്നത് ഹിറ്റ്മാൻ രോഹിത് ശർമ്മയാണ്. സെപ്റ്റംബർ 18ന് ഹോങ്കോങ്ങിനെതിരെയാണ് ഇന്ത്യയുടെ ആദ്യ മത്സരം. സെപ്റ്റംബർ 19നാണ് ആരാധകർ കാത്തിരിക്കുന്ന ഇന്ത്യ-പാക് പോരാട്ടം. ചാമ്പ്യൻസ് ട്രോഫി ഫൈനലിലെ കണക്ക് തീർക്കാനാകും ഇന്ത്യ പാക്കിസ്ഥാനെതിരെ പാഡ് കെട്ടുക.

ചുരുങ്ങിയ മത്സരങ്ങൾകൊണ്ട് തന്നെ ക്രിക്കറ്റിൽ തന്റെ സ്ഥാനമറിയിച്ച താരമാണ് ഹസൻ അലി. 33 മത്സരങ്ങളിൽനിന്ന് 68 വിക്കറ്റുകൾ നേടി അലി ഏകദിന റാങ്കിങ്ങിൽ മൂന്നാം സ്ഥാനത്താണ്. എഷ്യൻ കപ്പിൽ പാക്കിസ്ഥാൻ ഏറെ പ്രതീക്ഷവയ്ക്കുന്നതും ഹസൻ അലിയിൽ തന്നെ.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Virat kohli is a legend his absence will be an advantage says pakistan pacer

Next Story
ഞാൻ ചെയ്തത് എന്താണെന്ന് കണ്ടോ? ചോദ്യവുമായി സച്ചിന്റെ മകൾ
The moderation of comments is automated and not cleared manually by malayalam.indianexpress.com