Latest News
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍
മുഖ്യമന്ത്രിയുടേത് പൊളിറ്റിക്കൽ ക്രിമിനലിന്റെ ഭാഷ, മറുപടിയുമായി കെ.സുധാകരൻ
കെ.സുധാകരനെതിരായ പ്രതികരണം നിലവാരമില്ലാത്തത്, മുഖ്യമന്ത്രിക്കെതിരെ ചെന്നിത്തല
ട്രാക്കിലെ ഇതിഹാസത്തിന് വിട; മില്‍ഖ സിങ് അന്തരിച്ചു

മൈതാനത്തിന് പുറത്തെ ഇന്ത്യ-പാക് സൗഹൃദം; അലീം ദറിന് പിന്തുണയുമായി വിരാട് കോഹ്‌ലി

ഐസിസിയുടെ എലൈറ്റ് അമ്പയറിങ്ങ് പാനലിൽ ഏറെക്കാലമായി സ്ഥാനമുറപ്പിച്ച വ്യക്തിയാണ് അലീം ദർ

സെഞ്ചൂറിയൻ: ഇന്ത്യ – പാക്കിസ്ഥാൻ വൈരത്തിന് വർഷങ്ങളുടെ പഴക്കമുണ്ട്. അതിർത്തി തർക്കം മുതൽ ക്രിക്കറ്റ് വൈരം വരെ നീണ്ട് നിൽക്കുന്നവയാണ് ഇത്. എന്നാൽ പാക്കിസ്ഥാനിൽ ആരംഭിച്ച ഒരു സംരംഭത്തിന് പിന്തുണ പ്രഖ്യാപിച്ച് രംഗത്ത് വന്നിരിക്കുകയാണ് ഇന്ത്യൻ ക്രിക്കറ്റ് ടീം നായകൻ വിരാട് കോഹ്‌ലി.

പാക്കിസ്ഥാനിലെ ലാഹോറിൽ ആരംഭിച്ച ഹോട്ടലിന് ആശംസകൾ നേർന്ന് കൊണ്ടാണ് വിരാട് കോഹ്‌ലി രംഗത്ത് വന്നിരിക്കുന്നത്. പ്രശസ്ത അമ്പയറായ പാക്ക് സ്വദേശി അലീം ദറാണ് ലാഹോറിൽ പുതിയൊരു ഹോട്ടൽ തുടങ്ങിയിരിക്കുന്നത്. കേൾവി ശക്തി ഇല്ലാത്ത വിദ്യാർഥികൾക്ക് ഒരു സ്പെഷ്യൽ സ്ക്കൂൾ തുടങ്ങുന്നതിന് വേണ്ടിയാണ് അലീം ദർ ഹോട്ടൽ ആരംഭിച്ചത്. ഹോട്ടലിൽ നിന്ന് ലഭിക്കുന്ന വരുമാനം ഇതിനായി ഉപയോഗിക്കുമെന്നാണ് അലീം ദറിന്റെ വാഗ്ദാനം.

‘ദാറ്സ് ഡിലൈറ്റോ’ എന്നാണ് ഹോട്ടലിന്റെ പേര്. ലാഹോറിലെ ജോഹർ ടൗണിലാണ് ഹോട്ടൽ നിർമ്മിച്ചിരിക്കുന്നത്. അലീം ദറിന്റെ പുതിയ സംരംഭത്തിന് വലിയ ജനപിന്തുണയാണ് പാക്കിസ്ഥാനിൽ ലഭിച്ചത്. പിന്നാലെയാണ് വിരാട് കോ‌ഹ്‌ലി അലീം ദറിന്റെ സംരംഭത്തിന് പിന്തുണയുമായി എത്തിയത്. പ്രത്യേകമായി തയ്യാറാക്കിയ വീഡിയോയിലൂടെയാണ് വിരാട് കോഹ്‌ലി തന്റെ പിന്തുണ അറിയിക്കുന്നത്.

പരമ്പരാഗത മുഗൾ ശൈലിയിലാണ് ഹോട്ടൽ നിർമ്മിച്ചിരിക്കുന്നത്. വ്യത്യസ്ഥമായ ഭക്ഷണ വിഭവങ്ങളാണ് ഹോട്ടലിന്റെ ആകർഷണം. അലീം ദാറ് മുൻപ് ആരംഭിച്ച ക്രിക്കറ്റ് അക്കാദമിക്ക് പിന്തുണയുമായി വിരാട് കോഹ്‌ലി രംഗത്ത് വന്നിരുന്നു. ഐസിസിയുടെ എലൈറ്റ് അമ്പയറിങ്ങ് പാനലിൽ ഏറെക്കാലമായി സ്ഥാനമുറപ്പിച്ച വ്യക്തിയാണ് അലീം ദർ.

ഇന്ത്യ-ദക്ഷിണാഫ്രിക്ക പരമ്പരയിലെ അമ്പയറിങ് പാനലിൽ അലീം ദറ് ഉണ്ട്. കളത്തിലും പുറത്തും അലീം ദറും വിരാട് കോഹ്‌ലിയും അടുത്ത സുഹൃത്തുക്കളാണ്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Virat kohli extends support to aleem dars special project

Next Story
ഇന്ത്യന്‍ സ്പിന്‍ മാജിക്കില്‍ ഞെട്ടി ദക്ഷിണാഫ്രിക്ക; അഞ്ച് സ്പിന്നര്‍മാര്‍ കഠിന പരിശീലനത്തില്‍
The moderation of comments is automated and not cleared manually by malayalam.indianexpress.com