Latest News
ആഷിഖിന്റെ ഗോളും ഓൺഗോളും, 1-1ന് സമനിലയിൽ ബ്ലാസ്റ്റേഴ്സ്- ബെംഗുലൂരു മത്സരം

അണ്ടര്‍ 17 ലോകകപ്പ്: അവസാന മിനിറ്റിലെ ഗോളിൽ ജർമനി കോസ്റ്ററീക്കയെ മറികടന്നു

ആദ്യ പകുതിയിൽ മടക്കമില്ലാത്ത ഒരു ഗോളിന് മുന്നിലായിരുന്നു ജർമനി

Fifa , Germany

മഡ്ഗാവ്: ഫിഫ അണ്ടര്‍ 17 ലോകകപ്പില്‍ ഗ്രൂപ്പ് സിയില്‍ അവസാന നിമിഷം നേടിയ ഗോളിന്റെ പിൻബലത്തിൽ ജർമനി കോസ്റ്ററീക്കയെ മറികടന്നു. ഒന്നിനെതിരെ രണ്ട് ഗോളുകൾക്കാണ ജർമനി ജയിച്ചത്. ആദ്യ പകുതിയിൽ മടക്കമില്ലാത്ത ഒരു ഗോളിന് മുന്നിലായിരുന്നു ജർമനി.

ഇരുപത്തിയൊന്നാം മിനിറ്റിൽ യാൻ ഫിയേറ്റയുടെ ഗോളിലാണ് ജർമനി ആദ്യം ലീഡ് നേടിയത്. നിക്കോളസ് ഗെരിറ്റ് കുന്നിന്റെ പാസ് ബോക്സിന്റെ മധ്യത്തിൽ നിന്ന് ശേഖരിച്ച യാൻ ഒന്നാന്തരമൊരു വലങ്കാൽ ഷൂട്ടിലൂടെ വല ചലിപ്പിക്കുകയായിരുന്നു. 64-ാം മിനിറ്റിൽ ആന്ദ്രെ ഗോമസ് കോസ്റ്ററീക്കയെ ഒപ്പമെത്തിച്ചു. മത്സരം സമനിലയിൽ അവസാനിക്കുകയാണെന്ന് കരുതിയിരിക്കെ 89-ാം മിനിറ്റിൽ നോവ അവുക്കു ജർമനിക്ക് വിജയഗോൾ സമ്മാനിച്ചു.

കടുപ്പമേറിയ ടാക്ലിങ്ങിലൂടെയാണ് ഇരു ടീമുകളും കളി മുന്നോട്ടു കൊണ്ടുപോയത്. ജർമനി പതിനാറ് ഫൗളും കോസ്റ്ററീക്ക പത്തൊൻപതു ഫൗളുമാണ് വരുത്തിയത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Under 17 world cup germany won against costarica

Next Story
അണ്ടർ 17 ലോകകപ്പ് ലൈവ്; സ്പെയിനിനെ തോൽപ്പിച്ച് ബ്രസീൽ; ജയം 2:1 ന്
The moderation of comments is automated and not cleared manually by malayalam.indianexpress.com
Best of Express