Latest News
ശിവന്‍കുട്ടിക്ക് വിദ്യാഭ്യാസ മന്ത്രിയായി തുടരാന്‍ അര്‍ഹതയില്ല; രാജി ആവശ്യവുമായി പ്രതിപക്ഷം
കര്‍ണാടക: ബസവരാജ് ബൊമ്മെ മുഖ്യമന്ത്രിയായി സത്യപ്രതിജ്ഞ ചെയ്തു
നിയമസഭാ കയ്യാങ്കളി: സംസ്ഥാന സര്‍ക്കാരിന് തിരിച്ചടി; അപ്പീല്‍ സുപ്രീം കോടതി തള്ളി
രാജ്യത്ത് 43,654 പേര്‍ക്ക് കോവിഡ്; പ്രതിദിന കേസുകളില്‍ 47 ശതമാനം വര്‍ധനവ്; 640 മരണം
Tokyo Olympics Day 5: ബാഡ്മിന്റണ്‍: പ്രതീക്ഷയായി സിന്ധു; രണ്ടാം ജയം
വാക്സിന്‍ ക്ഷാമത്തിന് പരിഹാരം; ഇന്ന് അഞ്ച് ലക്ഷം ഡോസെത്തും

UEFA EURO 2020: ഇംഗ്ലണ്ടിനെതിരെ സമനിലപിടിച്ച് സ്കോട്‌ലൻഡ്

ഡി ഗ്രൂപ്പിൽ നാല് പോയിന്റുകളുമായി ചെക്ക് റിപ്പബ്ലിക്കിന് പിന്നിൽ രണ്ടാം സ്ഥാനത്താണ് ഇംഗ്ലണ്ട് ഇപ്പോൾ

ലണ്ടന്‍: യൂറോ കപ്പ് ഗ്രൂപ്പ് ഡിയിലെ മത്സരത്തിൽ ഇംഗ്ലണ്ടിനെ സമനിലയില്‍ കുരുക്കി സ്കോട്‌ലൻഡ്. വെംബ്ലി സ്റ്റേഡിയത്തിൽ നടന്ന മത്സരം ഗോൾരഹിത സമനിലയിൽ കലാശിക്കുകയായിരുന്നു. രണ്ടു ടീമുകളും ഓരോ പോയിന്റുകൾ വീതം പങ്കിട്ടു.

മത്സരത്തിന്റെ തുടക്കം മുതൽ സ്കോട്‌ലൻഡ് പോരാട്ട വീര്യം പുറത്തെടുത്തിരുന്നു. 4-ാമത്തെ മിനിറ്റില്‍ വലത് വിങ്ങിലൂടെ പന്തുമായി മുന്നേറി ബോക്‌സില്‍ കയറി സ്കോട്ടിഷ് താരം സ്റ്റീഫന്‍ ഒ ഡണ്ണല്‍ ആദ്യ ഗോളിന് ശ്രമം നടത്തി. എന്നാല്‍ പ്രതിരോധ താരം ജോണ്‍സ് സ്‌റ്റോണ്‍ അതു തടഞ്ഞു. 11-ാമത്തെ മിനിറ്റില്‍ സ്‌റ്റോണ്‍സ് തൊടുത്ത ഒരു ഹെഡ്ഡര്‍ സ്‌കോട്ടിഷ് ഗോൾ പോസ്റ്റിൽ തട്ടി പുറത്തുപോയി. അടുത്തതായി 30-ാമത്തെ മിനിറ്റില്‍ ഡണ്ണലിന്റെ ഒരു മികച്ച ഷോട്ട് പിക്‌ഫോര്‍ഡ് രക്ഷപ്പെടുത്തി.

രണ്ടാം പകുതിയുടെ തുടക്കത്തിൽ ഇംഗ്ലണ്ടാണ് ആദ്യ അവസരം ഒരുക്കിയത്. ഇടത് വിങ്ബാക്ക് ലൂക്ക് ഷോയില്‍ നിന്ന് പാസ് സ്വീകരിച്ച് മൗണ്ട് പോസ്റ്റിന്റെ താഴെ വലതു കോർണർ ലക്ഷ്യമാക്കി ഷോട്ട് പായിച്ചു. എന്നാല്‍ സ്കോട്ടിഷിന്റെ ഗോളി ഡേവിഡ് മാര്‍ഷല്‍ അത് തടഞ്ഞു പുറത്തേക്കിട്ടു. 62-ാമത്തെ മിനിറ്റിൽ സ്‌കോട്‌ലന്‍ഡിന്റെ മുന്നേറ്റ താരം ലിന്‍ഡണ്‍ ഡൈക്‌സിന്റെ ഷോട്ട് ഇംഗ്ലണ്ടിന്റെ വല കുലുക്കുമെന്ന് കരുതിയെങ്കിലും ഗോള്‍ വര കടക്കും മുൻപ് തിറോണ്‍ മിംഗ്‌സ് പന്ത് ഹെഡ് ചെയ്തു രക്ഷിച്ചു. 78-ാമത്തെ മിനിറ്റിൽ ചെ അഡംസിന്റെ ഷോട്ട് ഇംഗ്ലണ്ട് പോസ്റ്റിന്റെ മുകളിലൂടെ പോയി.

Read Also: UEFA Euro 2020 Schedule, Teams, Fixtures, Live Streaming: യൂറോകപ്പ് 2020 ഫിക്സ്ചർ

ഡി ഗ്രൂപ്പില്‍ നാല് പോയിന്റുകളുമായി ചെക്ക് റിപ്പബ്ലിക്കിന് പിന്നിൽ രണ്ടാം സ്ഥാനത്താണ് ഇംഗ്ലണ്ട് ഇപ്പോൾ. ഒരു പോയിന്റ് മാത്രമായി സ്കോട്‌ലൻഡ് നാലാം സ്ഥാനത്താണ്. ഗ്രൂപ്പിലെ അവസാന മത്സരത്തില്‍ ചെക്ക് റിപ്പബ്ലിക്കിനെയാണ് ഇംഗ്ലണ്ട് നേരിടുക. മത്സരം സമനിലയിലായാൽ ഇരുടീമുകളും പ്രീ ക്വാര്‍ട്ടറിൽ കയറും. രണ്ടു ടീമിനും ഇപ്പോൾ നാല് പോയിന്റ് വീതമാണുള്ളത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Uefa euro 2020 england vs scotland match result

Next Story
ന്യൂസിലൻഡിനെതിരെ കാര്യങ്ങൾ ലളിതമായി കാണണം: രോഹിത് ശർമ്മ
The moderation of comments is automated and not cleared manually by malayalam.indianexpress.com
Best of Express