scorecardresearch
Latest News

ടി20 ലോകകപ്പില്‍ ഗ്രൂപ്പ് ഒന്നില്‍ മരണ പോരാട്ടം; ആരൊക്കെ സെമി ഫൈനലില്‍ എത്തും?

അവസാന ഘട്ടത്തില്‍ മാത്രമെ ഈ ഗ്രൂപ്പില്‍ നിന്നുള്ള ചിത്രം വ്യക്തമായി തെളിയൂ.

ടി20 ലോകകപ്പില്‍ ഗ്രൂപ്പ് ഒന്നില്‍ മരണ പോരാട്ടം; ആരൊക്കെ സെമി ഫൈനലില്‍ എത്തും?

ടി20 ലോകകപ്പില്‍ ഗ്രൂപ്പ് ഒന്നില്‍ ഏതൊക്കെ ടീമുകള്‍ സെമിയില്‍ പ്രവേശിക്കുമെന്ന് ഉറ്റുനോക്കുകയാണ് ആരാധകര്‍. ന്യൂസിലന്‍ഡിനെതിരായ മത്സരത്തില്‍ ഇംഗ്ലണ്ട് വിജയിച്ചതോടെയാണ് ഇംഗ്ലണ്ട്, ന്യൂസിലന്‍ഡ്, ഓസ്ട്രേലി ടീമുകള്‍ അഞ്ച് പോയിന്റ് വീതം പങ്കിട്ടിരിക്കുകയാണ്. ഗ്രൂപ്പില്‍ അവസാന സ്ഥാനക്കാരായ ശ്രീലങ്കയ്ക്ക് നാല് പോയിന്റാണുള്ളത്. ഈ ടീമുകളില്‍ എല്ലാവര്‍ക്കും തന്നെ സെമിഫൈനല്‍ സാധ്യത തള്ളി കളയാനാവില്ല. സൂപ്പര്‍ 12 പേരാട്ടം അവസാന ഘട്ടത്തില്‍ മാത്രമെ ഈ ഗ്രൂപ്പില്‍ നിന്നുള്ള ചിത്രം വ്യക്തമായി തെളിയൂ.

ന്യൂസിലന്‍ഡ്

ന്യൂസിലന്‍ഡ് നിലവില്‍ ഗ്രൂപ്പിലെ ഒന്നാം സ്ഥാനക്കാരാണ്. പക്ഷേ അത് ഇപ്പോഴും അപകടകരമായ സ്ഥാനം തന്നെയാണ്. കിവികള്‍ക്ക് 5 പോയിന്റുണ്ട്, പക്ഷേ അവരുടെ മികച്ച നെറ്റ് റണ്‍ റേറ്റ് കാരണം അവര്‍ക്ക് ഓസ്ട്രേലിയയ്ക്കും ഇംഗ്ലണ്ടിനും മുകളില്‍ മുന്‍തൂക്കമുണ്ട്. ഈ ടൂര്‍ണമെന്റില്‍ ഒരു മത്സരം മാത്രം ജയിച്ച അയര്‍ലന്‍ഡുമായി കളിക്കുന്നതിനാല്‍ അവര്‍ക്ക് സെമിയിലേക്കുള്ള വഴി വളരെ എളുപ്പമായിരിക്കും. എന്നിരുന്നാലും, കിവീസ് ഐറിഷിനോട് തോറ്റാല്‍ കാര്യങ്ങള്‍ വീണ്ടും മാറി മറിയും. ഓസ്ട്രേലിയ അഫ്ഗാനിസ്ഥാനോട് തോല്‍ക്കാന്‍ അവര്‍ കാത്തിരിക്കണം. ഇത് ഇംഗ്ലണ്ട് – ശ്രീലങ്ക മത്സരത്തിലെ വിജയികള്‍ക്ക് സാധ്യത കല്‍പ്പിക്കുന്നു.

ഓസ്‌ട്രേലിയ

ഈ ടൂര്‍ണമെന്റിലെ മോശം റണ്‍ റേറ്റ് കാരണം ആതിഥേയരായ ഓസ്ട്രേലിയ നിരാശയിലാണ്. അവര്‍ക്ക് സെമി യോഗ്യത നേടണമെങ്കില്‍, അവര്‍ക്ക് അവരുടെ അവസാന മത്സരത്തില്‍ അഫ്ഗാനിസ്ഥാനെ പരാജയപ്പെടുത്തിയാല്‍ മാത്രം പോരാ. ഇംഗ്ലണ്ടും ന്യൂസിലന്‍ഡും അവരുടെ അവസാന മത്സരവും ജയിച്ചാല്‍, മൂന്ന് ടീമുകളും 7 പോയിന്റില്‍ എത്തും. ഇവിടെയാണ് നെറ്റ് റണ്‍ റേറ്റ് കണക്കാക്കേണ്ടി വരുക. അങ്ങനെയാണെങ്കില്‍, ഓസ്ട്രേലിയക്ക് സെമിഫൈനല്‍ സാധ്യത നിലനിര്‍ത്തണമെങ്കില്‍ അഫ്ഗാനിസ്ഥാനെതിരെ വലിയ വിജയം നേടേണ്ടതുണ്ട്. ഇംഗ്ലണ്ട് അല്ലെങ്കില്‍ ന്യൂസിലാന്‍ഡ് അവരുടെ അവസാന മത്സരം തോറ്റാല്‍ ഓസീസിന് നെറ്റ് റണ്‍ റേറ്റ് ശ്രദ്ധിക്കേണ്ടതില്ല.

ഇംഗ്ലണ്ട്

ഓസീസിനെ അപേക്ഷിച്ച് ഇംഗ്ലണ്ട് സുരക്ഷിത നിലയിലാണ്.
വെള്ളിയാഴ്ച ശ്രീലങ്കയെ നേരിടുമ്പോള്‍ സാഹചര്യങ്ങള്‍ വളരെ കുറവായിരിക്കും. നേരത്തെയുള്ള മത്സരങ്ങളുടെ ഫലം അവര്‍ അറിയുകയും റണ്‍ റേറ്റില്‍ മുന്നില്‍ നില്‍ക്കാന്‍ എന്തുചെയ്യണമെന്ന് കൃത്യമായി അറിയുകയും ചെയ്യും. റണ്‍ റേറ്റിന്റെ കാര്യത്തില്‍ അവര്‍ക്ക് ഏറ്റവും അടുത്തത് ഓസ്ട്രേലിയയായിരിക്കും, നിലവിലെ ഏഷ്യാ കപ്പ് ചാമ്പ്യന്മാരെ നേരിടുന്നതിന് മുമ്പ് ഇംഗ്ലണ്ട് ആ മത്സരത്തില്‍ അനുകൂലമായ ഫലം പ്രതീക്ഷിക്കുന്നു. രണ്ട് ആഷസ് എതിരാളികള്‍ തമ്മിലുള്ള മാര്‍ജിനിലെ വ്യത്യാസം ഇംഗ്ലണ്ടിന് ലീഡ് നിലനിര്‍ത്താന്‍ ഏകദേശം 50 റണ്‍സ് വേണം. എന്നാല്‍ ശ്രീലങ്കയോട് തോറ്റാല്‍ അവര്‍ മത്സരത്തില്‍ നിന്ന് പുറത്താകും.

ശ്രീലങ്ക

ശ്രീലങ്കയ്ക്ക് സെമിയിലെത്താന്‍ റണ്‍ റേറ്റ് കണക്കാക്കുന്ന സാഹചര്യമില്ല. അവര്‍ക്ക് ഇംഗ്ലണ്ടിനെതിരെ സമ്പൂര്‍ണ്ണ ജയം ആവശ്യമാണ്, ഓസ്ട്രേലിയയുടേയോ ന്യൂസിലാന്റിന്റേയോ തോല്‍വി ലങ്കയ്ക്ക് ഗുണം ചെയ്യും. അതുകൊണ്ട് തന്നെ സെമി ഫൈനല്‍ യോഗ്യത നേടാനുള്ള ലങ്കന്‍ പ്രതീഷകള്‍ ത്രാസിലാണ്. ഏഷ്യന്‍ ചാമ്പ്യന്മാര്‍ വെള്ളിയാഴ്ച ഇറങ്ങുമ്പോള്‍ ഒരു അത്ഭുതമാകാം പ്രതീക്ഷിക്കുന്നത്.

Stay updated with the latest news headlines and all the latest Sports news download Indian Express Malayalam App.

Web Title: T20 world cup group 1 scenarios which teams can make it to the semifinals