scorecardresearch
Latest News

കോഹ്ലിയാണ് വരാനുള്ളതെങ്കിൽ നിങ്ങൾക്ക് 10 പന്ത് പോലും പാഴാക്കാനാവില്ല: സഞ്ജു സാംസൺ

“ടി 20 ക്രിക്കറ്റിൽ നിങ്ങൾ വേഗത്തിൽ സ്കോർ ചെയ്യണം. അതാണ് വർഷങ്ങളായി ഐ‌പി‌എല്ലിൽ ചെയ്യുന്നത്”

കോഹ്ലിയാണ് വരാനുള്ളതെങ്കിൽ നിങ്ങൾക്ക് 10 പന്ത് പോലും പാഴാക്കാനാവില്ല: സഞ്ജു സാംസൺ

ടി-20 ഫോർമാറ്റിൽ ഏറ്റവും വേഗത്തിൽ സ്കോർ നേടുകയാണ് ആവശ്യമെന്ന് മലയാളി ക്രിക്കറ്റ് താരം സഞ്ജു സാംസൺ. വിരാട് കോഹ്ലിയാണ് നിങ്ങൾക്ക് ശേഷം ബാറ്റ് ചെയ്യുന്നതിന് തയ്യാറായി നിൽക്കുന്നതെങ്കിൽ നിങ്ങൾ 10 പന്ത് പോലും പാഴാക്കില്ലെന്നും മലയാളി വിക്കറ്റ് കീപ്പർ പറഞ്ഞു. സ്‌പോർട്‌സ്റ്റാറിനോട് സംസാരിക്കുകയായിരുന്നു അദ്ദേഹം

വരുന്ന ഐപിഎല്ലിൽ തന്റെ സാധ്യത തേടുകയാണ് സഞ്ജു. അവസാനം കളിച്ച രണ്ട് പരമ്പരകളിലും സന്ദർഭത്തിനനുസരിച്ച് ഉയരാൻ സഞ്ജുവിന് കഴിഞ്ഞിരുന്നില്ല.

Read More: എന്ന് വിരമിക്കും? സഞ്ജയ് മഞ്ജരേക്കര്‍ക്ക് മറുപടി നല്‍കി ധോണി

“ടി 20 ക്രിക്കറ്റിൽ നിങ്ങൾ വേഗത്തിൽ സ്കോർ ചെയ്യണം. അതാണ് ഞാൻ വർഷങ്ങളായി ഐ‌പി‌എല്ലിൽ ചെയ്യുന്നത്. അടുത്തതായി ബാറ്റ് ചെയ്യാൻ വിരാട് കോഹ്‌ലി പാഡ് ചെയ്യുമ്പോൾ നിങ്ങൾക്ക് 10 പന്തുകൾ പാഴാക്കാനാവില്ല,” സഞ്ജു പറഞ്ഞു.

“എല്ലാ ക്രിക്കറ്റ് കളിക്കാരെയും പോലെ ഐ‌പി‌എൽ ആരംഭിക്കുന്നതിനായി ഞാൻ ആകാംക്ഷയോടെ കാത്തിരിക്കുകയാണ്. ഇത് കളിക്കാരുടെ മാത്രമല്ല, മുഴുവൻ ഇന്ത്യയുടെയും മറ്റ് ക്രിക്കറ്റ് ലോകത്തിന്റെയും ആവേശം ഉയർത്തുമെന്ന് ഞാൻ കരുതുന്നു. ”

“മൂന്ന് മൈതാനങ്ങളിലായി നമ്മൾ വളരെയധികം മത്സരങ്ങൾ കളിക്കേണ്ടതുണ്ട്. എന്നാൽ വിക്കറ്റുകൾ ബാറ്റിംഗിന് പറ്റിയതാവും. ടി 20 ക്രിക്കറ്റിൽ നിങ്ങൾക്ക് ഏത് ഉപരിതലത്തിലും റൺസ് നേടാനാകും,” സഞ്ജു പറഞ്ഞു.

Read More: മനസ് മടുത്തപ്പോൾ അത് ചെയ്തു; ധോണിക്കെതിരെ മനഃപുർവ്വം ബീമർ എറിഞ്ഞെന്ന വെളിപ്പെടുത്തലുമായി അക്തർ

ഇന്ത്യൻ പ്രീമിയർ ലീഗ് 2020 സെപ്റ്റംബറിൽ യുഎഇയിൽ നടക്കാനിരിക്കുന്ന സാഹചര്യത്തിൽ സഞ്ജു കാര്യമായി പരിശീലനത്തിലേർപ്പെടുന്നുണ്ട്. “എന്റെ ക്രിക്കറ്റിനെക്കുറിച്ച് ഞാൻ വളരെയധികം ചിന്തിക്കുന്നു. ഞാൻ എന്റെ ടെക്നിക്കുകളെ കുറച്ചുകൂടി നന്നായി പരിശീലിപ്പിക്കുന്നു. എന്നാൽ എല്ലായ്പ്പോഴും ഉണ്ടായിരുന്നതുപോലെ ബാറ്റിംഗ് തുടരാൻ ഞാൻ ആഗ്രഹിക്കുന്നു.” സഞ്ജു പറഞ്ഞു.

“എന്റെ ബാറ്റിംഗിനെ നിങ്ങൾ സൂക്ഷ്മമായി നിരീക്ഷിച്ചാൽ, എൻറെ ടീമുകളുടെ ജയത്തിനായി ഞാൻ കളിച്ചിട്ടുണ്ടെന്ന് നിങ്ങൾ കാണും, എന്നിരുന്നാലും പരാജയങ്ങളും ഉണ്ടായിട്ടുണ്ട്. വ്യക്തിഗത മഹത്വത്തേക്കാൾ, ടീമിന്റെ ലക്ഷ്യത്തെ നിങ്ങൾ എങ്ങനെ സഹായിക്കുന്നു എന്നതാണ് പ്രധാനം,” സഞ്ജു കൂട്ടിച്ചേർത്തു.

Read More: Can’t waste balls when Virat Kohli is padded up to bat next: Sanju Samson

Stay updated with the latest news headlines and all the latest Sports news download Indian Express Malayalam App.

Web Title: Sanju samson on virat kohli cant waste balls when kohli is padded up to bat next