ഹൊബാർട്: തിരിച്ചു വരവിലെ ആദ്യ ടൂർണമെന്റിൽ തന്നെ കിരീടം നേടി ഇന്ത്യൻ ടെന്നിസ് താരം സാനിയ മിർസ. ഹൊബാർട് ഇന്റർനാഷനൽ ടൂർണമെന്റിലെ വനിതാ ഡബിൾസിൽ സാനിയയ്ക്ക് കിരീടം. സാനിയ-നാദിയ കിച്ചിനോക് സഖ്യം ചൈനീസ് സഖ്യത്തെയാണ് ഫൈനലിൽ പരാജയപ്പെടുത്തിയത്. നേരിട്ടുളള സെറ്റുകൾക്കായിരുന്നു സാനിയ സഖ്യത്തിന്റെ ജയം. സ്കോർ- 6-4, 6-4.

അമ്മയായശേഷമുളള സാനിയയുടെ തിരിച്ചുവരവായിരുന്നു ഈ ടൂർണമെന്റ്. രണ്ടു വർഷങ്ങൾക്കുശേഷമാണ് സാനിയ ടെന്നിസ് കോർട്ടിൽ മടങ്ങിയെത്തിയത്. 2017 ഒക്ടോബറിൽ ചൈന ഓപ്പണിലാണ് 33 കാരിയായ സാനിയ അവസാനമായി കളത്തിലിറങ്ങിയത്. ഇതിനുശേഷം അമ്മയായതോടെ കളിക്കളത്തിൽനിന്നും നീണ്ട ഇടവേളയെടുത്തു. 2018 ഏപ്രിലിലാണ് ശുഐബ് മാലിക്-സാനിയ ദമ്പതികൾക്ക് മകൻ ഇഷാൻ പിറന്നത്.

Read Also: ഓസ്ട്രേലിയയെ വീഴ്‌ത്തി ഇന്ത്യ, ചിത്രങ്ങൾ

അമ്മയായതോടെ സാനിയ ഇനി കളിക്കളത്തിലേക്കില്ലെന്ന് പലരും വിധിയെഴുതി. എന്നാൽ സാനിയ കളിക്കളത്തിലേക്ക് മടങ്ങിയെത്തുകയായിരുന്നു. ആറ് ഗ്രാൻ‌സ്‌ലാം കിരീടം നേടിയ താരമാണ് സാനിയ മിർസ.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook