ഇയാൻ ഹ്യൂമിനും ഡേവിഡ് ജയിംസിനും സച്ചിൻ തെൻഡുൽക്കറുടെ പ്രശംസ

ആരാധകരോടും നന്ദി അറിയിച്ച് സച്ചിൻ ടെൻഡുൽക്കർ

ന്യൂഡൽഹി: ഹാട്രിക് നേട്ടത്തില്‍ ഇയാന്‍ ഹ്യൂമിനെ അഭിനന്ദിച്ച് ബ്ലാസ്റ്റേഴ്സ് സഹഉടമ സച്ചിന്‍ തെൻഡുല്‍ക്കര്‍. ഹ്യൂമിന്റെ പ്രകനം ടീമിന് വലിയ കരുത്തായെന്നും സച്ചിൻ ട്വിറ്റ് ചെയ്തു. ഡേവിഡ് ജയിംസിന്റെ നേതൃപാടവത്തെയും സച്ചിൻ പ്രശംസിച്ചു. സീസണിലുടനീളം ടീമിന് മികച്ച പിന്തുണ നല്‍കിയ ബ്ലാസ്റ്റേഴ്സിന്‍റെ ആരാധകര്‍ക്കും സച്ചിന്‍ ട്വിറ്ററിലൂടെ നന്ദി അറിയിച്ചു. കേരള ബ്ലാസ്റ്റേഴ്സും ഡൽഹി ഡൈനാമോസുമായി നടന്ന മൽസരം കാണാനായി സച്ചിന്‍ ഡൽഹിയിലെ ജവഹര്‍ലാല്‍ നെഹ്റു സ്റ്റേഡിയത്തില്‍ എത്തിയിരുന്നു.

ബ്ലാസ്റ്റേഴ്സിന്റെ മഞ്ഞക്കുപ്പായത്തിൽ ഇയാൻ ഹ്യൂം നേടിയ ആദ്യ ഹാട്രിക്കാണ് കേരള ബ്ലാസ്റ്റേഴ്സിന് ജയം ഒരുക്കിയത്. മൽസരത്തിന്റെ 12,77,83 മിനിറ്റുകളിലാണ് ഇയാൻ ഹ്യൂം ഡൽഹിയുടെ വലകുലുക്കിയത്. ജയത്തോടെ കേരള ബ്ലാസ്റ്റേഴ്സ് ആറാം സ്ഥാനത്തേക്ക് കുതിച്ചെത്തി. കേരള ബ്ലാസറ്റേഴ്‌സിന്റെ ആദ്യ എവേ വിജയം ആണിത്‌.

ജയത്തോടെ 9 മൽസരങ്ങളിൽ നിന്ന് 11 പോയിന്റുമായി ബ്ലാസ്റ്റേഴ്സ് ആറാം സ്ഥാനത്തേക്ക് എത്തി. ഡല്‍ഹിയിലെ കൊടും തണുപ്പിനെ വകവയ്ക്കാതെ പന്തിനു മുകളില്‍ മികച്ച നിയന്ത്രണം കാത്തുസൂക്ഷിച്ച ഹ്യൂം ആദ്യ സീസണിലെ പരിശീലകനും സഹതാരവുമായിരുന്ന ഡേവിഡ് ജെയിംസിന്റെ മടങ്ങി വരവ് ആഘോഷിക്കുകയായിരുന്നു.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Sachin tendulkar says thanks to ian hume and david james

Next Story
ബ്ലാസ്റ്റേഴ്സിന്റെ വിജയത്തേര് തെളിച്ച് ഇയാൻ ഹ്യൂം എന്ന പോരാളി
The moderation of comments is automated and not cleared manually by malayalam.indianexpress.com
Best of Express