Latest News
സംസ്ഥാനത്ത് ഇന്ന് മുതല്‍ ലോക്ക്ഡൗണില്‍ കൂടുതല്‍ ഇളവുകള്‍
UEFA EURO 2020: ഫ്രാന്‍സ്, ജര്‍മനി, പോര്‍ച്ചുഗല്‍ പ്രി ക്വാര്‍ട്ടറില്‍
ഛായാഗ്രാഹകനും സംവിധായകനുമായ ശിവന്‍ അന്തരിച്ചു
Copa America 2021: രക്ഷകനായി കാസിമീറൊ; ബ്രസീലിന് മൂന്നാം ജയം
ഇന്ധനനിരക്ക് വര്‍ധിച്ചു; കേരളത്തില്‍ സെഞ്ച്വറി കടന്ന് പെട്രോള്‍ വില
54,069 പുതിയ കേസുകള്‍; 1321 കോവിഡ് മരണം

നിദാഹാസ് ട്രോഫിയിലെ ഏറ്റവും നല്ല നിമിഷം ഇത്, ചിത്രം പുറത്തുവിട്ട് രോഹിത് ശർമ്മ

നിദാഹാസ് ട്രോഫി കിരീട നേട്ടം രോഹിത് ശർമ്മയുടെ ക്യാപ്റ്റൻസിക്കുളള നേട്ടം കൂടിയായി

കൊളംബോ: നിദാഹാസ് ട്രോഫി കിരീട നേട്ടം രോഹിത് ശർമ്മയുടെ നായകത്വത്തിന് കൂടിയുളള മികവായി കൂടി വിലയിരുത്തപ്പെട്ടേക്കാം. അനുഭവ സമ്പത്തുളള ദിനേശ് കാർത്തിക്കിനെ ബാറ്റിംഗ് ഓർഡറിൽ താഴെയിറക്കിയ തീരുമാനം ഫിനിഷിംഗ് മുന്നിൽ കണ്ടാണെന്ന് താരം നേരത്തേ തന്നെ വെളിപ്പെടുത്തിയിരുന്നു.

ഈ തീരുമാനം ശരിവയ്ക്കുന്ന പ്രകടനമാണ് ഇന്നലെ ദിനേശ് കാർത്തിക് കാഴ്ചവച്ചതും. പിന്നാലെ തന്നെ താരത്തിന്റെ പ്രകടനത്തെ ക്രിക്കറ്റ് പ്രേമികളാകെ ഏറ്റെടുത്ത് കഴിഞ്ഞു. ഒരിക്കലും മറക്കാനാകാത്ത മത്സരക്കാഴ്ചയാണ് കൊളംബോയിലെ മൈതാനത്ത് ബംഗ്ലാദേശികളെ നിഷ്പ്രഭരാക്കി ഇന്ത്യ നേടിയത്.

ലോകമാകെയുളള ഇന്ത്യക്കാർ വിജയം ആഘോഷിക്കുന്നതിന്റെ വീഡിയോകളും ചിത്രങ്ങളും വൈറലായി സഞ്ചരിക്കുകയാണ് ഇപ്പോഴും. ഈ സമയത്താണ് ടൂർണ്ണമെന്റിലെ തന്നെ മികച്ച നിമിഷം ഇന്ത്യൻ നായകൻ വെളിപ്പെടുത്തിയിരിക്കുന്നത്.

തനിക്ക് ഏറെ സന്തോഷമുണ്ടാക്കിയ നിമിഷമേതെന്നാണ് രോഹിത് ശർമ്മ ട്വിറ്ററിൽ ഒരു ചിത്രം പങ്കുവച്ച് വെളിപ്പെടുത്തിയിരിക്കുന്നത്. ഇന്ത്യയുടെ സൂപ്പർഫാൻ സുധീറിനെ ലങ്കയുടെ സൂപ്പർഫാൻ മുഹമ്മദ് നിലം എടുത്തുയർത്തുന്ന ചിത്രമാണ് ഇദ്ദേഹം ട്വിറ്ററിൽ പങ്കുവച്ചത്.

ചിത്രത്തിനൊപ്പം രോഹിത് ശർമ്മ കുറിച്ചത് ഇങ്ങിനെ, “ദിനേശ് കാർത്തിക് പറത്തിയ അവസാന പന്തിലെ സിക്സിന് പുറമേ ഇതാണ് ടൂർണ്ണമെന്റിൽ എന്നെ ഏറ്റവും ആഹ്ലാദിപ്പിച്ച നിമിഷം.” കളി നമ്മളെ ഒരുമിപ്പിക്കുന്നു എന്നർത്ഥം വരുന്ന ഹാഷ്‌ടാഗ് #SportsUniteUs ചേർത്താണ് ചിത്രം പങ്കുവച്ചത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Rohit sharma reveals his best moment of nidahas trophy final see pic

Next Story
നിദാഹാസ് ട്രോഫി: ഇന്ത്യയെ ജയിപ്പിച്ചത് ദിനേശ് കാർത്തിക്കിനെ അസ്വസ്ഥമാക്കിയ രോഹിത്തിന്റെ തീരുമാനം
The moderation of comments is automated and not cleared manually by malayalam.indianexpress.com