scorecardresearch

ഹെഡ്ബാന്‍ഡ് നല്‍കി ഹൃദയം ജയിച്ച് ഹെഡറര്‍; വിശ്വസിക്കാനാവാതെ ഇന്ത്യക്കാരി കൊച്ചുമിടുക്കി

മൽസരശേഷം ഗ്യാലറിയ്‌ക്ക് അരികില്‍ ആരാധകര്‍ക്ക് ഓട്ടോഗ്രാഫ് നല്‍കുന്നതിനിടെയാണ് സംഭവം

ഹെഡ്ബാന്‍ഡ് നല്‍കി ഹൃദയം ജയിച്ച് ഹെഡറര്‍; വിശ്വസിക്കാനാവാതെ ഇന്ത്യക്കാരി കൊച്ചുമിടുക്കി

സെര്‍ബിയയുടെ ഡുസാന്‍ ലജോവികിനെ അനായാസം പരാജയപ്പെടുത്തി വിംബിള്‍ടണ്‍ ടൂര്‍ണമെന്റ് ആരംഭിച്ചിരിക്കുകയാണ് ഇതിഹാസ താരം റോജര്‍ ഫെഡറര്‍. 6-1, 6-3, 6-4 നായിരുന്നു ഫെഡററുടെ വിജയം. തന്റെ ഒമ്പതാം വിംബിള്‍ടണ്‍ ലക്ഷ്യമിട്ട് ഇറങ്ങിയിരിക്കുന്ന ഫെഡറര്‍ തുടക്കം തന്നെ ഗംഭീരമാക്കിയിരിക്കുകയാണ്. ഒരു മണിക്കൂറും 19 മിനിറ്റും കൊണ്ടാണ് ലജോവിക്കിനെ തകര്‍ത്തത്.

പ്രകടനത്തിലെ ക്ലാസിന് പിന്നാലെ തന്റെ പെരുമാറ്റം കൊണ്ടും ഫെഡറര്‍ ക്ലാസ് അടയാളപ്പെടുത്തി. മൽസരശേഷം തന്റെ കുഞ്ഞ് ആരാധികയുടെ ആഗ്രഹം സാധിച്ചു കൊടുത്താണ് ഇതിഹാസ താരം കളിയും കാണികളുടെ മനസും നിറച്ചത്.

മൽസരശേഷം ഗ്യാലറിയ്‌ക്ക് അരികില്‍ ആരാധകര്‍ക്ക് ഓട്ടോഗ്രാഫ് നല്‍കുന്നതിനിടെയാണ് സംഭവം. ഗ്യാലറിയില്‍ നിന്നും ഫെഡററിന് അരികിലേക്ക് ഒരു കൊച്ചുമിടുക്കി എത്തുകയായിരുന്നു. അവള്‍ ഉയര്‍ത്തിപ്പിടിച്ചിരുന്ന ബാനറില്‍ ഇങ്ങനെ എഴുതിയിരുന്നു. ”റോജര്‍ നിങ്ങളുടെ ഹെഡ്‌ബാന്‍ഡ് എനിക്ക് തരുമോ?’.

അവളെ ഒന്നു നോക്കിയ ശേഷം ഫെഡറര്‍ ബാഗില്‍ നിന്നും ഹെഡ്ബാന്‍ഡ് എടുത്തു നല്‍കുകയായിരുന്നു. വിംബിള്‍ടണിന്റെ ഓദ്യോഗിക പേജില്‍ പോസ്റ്റ് ചെയ്‌ത വീഡിയോ നിരവധി പേരാണ് ഷെയര്‍ ചെയ്‌തിരിക്കുന്നത്. കോര്‍ട്ടിലെ പ്രകടനത്തിലേതു പോലെ സ്വഭാവത്തിലും ഫെഡറര്‍ ക്ലാസ് കാണിച്ചെന്നാണ് എല്ലാവരും പറയുന്നത്.

ഇന്ത്യന്‍ വംശജനായ അഭിജീത്ത് ജോഷിയുടെ മകളാണ് ഫെഡററുടെ സമ്മാനം ലഭിച്ച പെണ്‍കുട്ടി. തന്റെ മകള്‍ വലിയ ഫെഡറര്‍ ആരാധികയാണെന്നും അവള്‍ ഈ നിമിഷം ഒരിക്കലും മറക്കില്ലെന്നും അഭിജീത്ത് ട്വീറ്റ് ചെയ്‌തു.

Stay updated with the latest news headlines and all the latest Sports news download Indian Express Malayalam App.

Web Title: Roger federrer wins heart after gifting his head band to a little fan

Best of Express