Latest News

നദാലിനെ വീഴ്ത്തി റോജർ ഫെഡറർ , ഷാങ്ഹായ് മാസ്റ്റേഴ്സ് കിരീടം ‘ഫെഡ് എക്സ്പ്രസിന്’

ഗ്ലാമർ പോരിൽ കരുത്ത് കാട്ടി റോജർ ഫെഡറർ

ഷാങ്ഹായ് മാസ്റ്റേഴ്സ് കിരീടം ടെന്നീസ് ഇതിഹാസം റോജർ ഫെഡററിന്. ചിരവൈരിയായ റാഫേൽ നദാലിനെ പരാജയപ്പെടുത്തിയാണ് ഫെഡറർ കിരീടം ഉയർത്തിയത്. നേരിട്ടുള്ള സെറ്റുകൾക്കായിരുന്നു ഫെഡ് എക്സ്പ്രസ് നഡാലിനെ വീഴ്ത്തിയത് . സ്കോർ 6-4,6-3

ഇതിഹാസ താരങ്ങൾ തമ്മിലുള്ള പോരാട്ടം കാണാൻ വൻ ആരാധക വൃന്ദമാണ് എത്തിയത്. ആദ്യ സെറ്റിൽ പതിവ് ശൗര്യത്തിൽ കൊണ്ടും കൊടുത്തും ഇരു താരങ്ങളും മുന്നേറിയതോടെ കാണികൾ ത്രില്ലടിച്ചു. ആദ്യ 2 ഗെയിമുകളും നേടി തുടക്കത്തിലെ ലീഡ് നേടിയ ഫെഡറർ 6-4 എന്ന സ്കോറിന് ആദ്യ സെറ്റ് കൈപ്പിടിയിൽ ഒതുക്കി.

രണ്ടാം സെറ്റിൽ വർധിത വീര്യത്തോടെ കളിച്ച ഫെഡറർ നദാലിനെ നിക്ഷ്പ്രഭമാക്കി. മികച്ച സർവ്വുകളും ഫോർഹാൻഡ് ഷോട്ടുകളുമായി കളം നിറഞ്ഞ ഫെഡറർ രണ്ടാം സെറ്റ് 6-3 എന്ന സ്കോറിന് സ്വന്തമാക്കിയത്.

ഷാങ്ഹായ് മാസ്റ്റേഴ്‌സ് ട്രോഫി രണ്ടാം തവണയാണ് താരം സ്വന്തമാക്കുന്നത്. ലോക ടെന്നീസിലെ ഒന്നും രണ്ടും സ്ഥാനത്തിരിക്കുന്ന താരങ്ങള്‍ തമ്മിലുള്ള 38ാം പോരാട്ടത്തിനാണ് കോര്‍ട്ട് സാക്ഷിയായത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Roger federer cruises to shanghai masters title

The moderation of comments is automated and not cleared manually by malayalam.indianexpress.com
Best of Express