ടെസ്റ്റ് പരമ്പരയിൽ കളിക്കുന്ന ഇന്ത്യൻ ടീമിലെ ഏറ്റവും പ്രായം കുറഞ്ഞ ഇന്ത്യൻ താരമാണ് വിക്കറ്റ് കീപ്പർ കൂടിയായ ഋഷഭ് പന്ത്. മൈതാനത്ത് ചെറുപ്പത്തിന്രെ എല്ല കുറുമ്പും താരം കാണിക്കുന്നുമുണ്ട്. എതിർ ടീം അംഗങ്ങളെ ട്രോളിയും പരിഹസിച്ചും, ഇന്ത്യൻ ടീമിനെ നിരന്തരം പ്രോത്സാഹിപ്പിച്ചുമെല്ലാം താരം മൈതാനത്ത് അങ്ങനെ നിറഞ്ഞ് നിൽക്കും.

പെർത്ത് ടെസ്റ്റിനിടയിലും സമാനമായ സംഭവമുണ്ടായി. എന്നാൽ ഇക്കുറി ലക്ഷ്യം താരങ്ങളല്ല, ഇന്ത്യൻ ടീമിന്റെ ഫിസിയോ പാട്രിക് ഫർഹാട്ടായിരുന്നു പന്തിന്റെ കുട്ടികളിയുടെ ഇര. ഡ്രിങ്ക്സ് ബ്രേക്കിനായി മത്സരം പിരിഞ്ഞപ്പോൾ താരങ്ങളുടെ അടുത്തേക്ക് പാട്രിക്കും എത്തുകയായിരുന്നു.

ഈ സമയം പാട്രിക്കിന്റെ ഇരു ചെവികളിലും പിടിച്ച പന്ത് താരങ്ങൾക്കിടയിൽ ചിരിപടർത്തി. എന്താണ് സംഭവിക്കുന്നതെന്ന് അറിയാതെ ഉമേഷ് യാദവ് ഉൾപ്പെടെയുള്ള താരങ്ങൾ നോക്കിനിൽക്കുന്നതും വീഡിയോയിൽ കാണാം.

സ്ലെഡ്ജിങ്ങില്‍ സാക്ഷാല്‍ ഓസ്ട്രേലിയക്കാരെ തന്നെ വെല്ലുവിളിക്കുന്ന കാഴ്ച അഡ്‌ലെയ്ഡ് നടന്ന ആദ്യ ടെസ്റ്റിലെ ഏറ്റവും ആവേശകരമായ കാഴ്ചകളിലൊന്നായിരുന്നു. ഓസീസ് താരം പാറ്റ് കമ്മിന്‍സിനെതിരെയായിരുന്നു പന്തിന്‍റെ സ്ലെഡ്ജിങ്. കമ്മിന്‍സിനെതിരെ അശ്വിന്‍ എറിഞ്ഞ ഓവറുകളിലൊന്നായിരുന്നു പന്ത് വിക്കറ്റിന് പിന്നില്‍ നിന്നും കമ്മിന്‍സിനെ തുടർച്ചയായി സ്ലെഡ്ജ് ചെയ്തത്.

“എന്താ ഷോട്ടുകള്‍ കളിക്കുന്നില്ലേ പാറ്റി, ഇവിടെ കളിക്കാന്‍ ബുദ്ധിമുട്ടാണ്, കുറച്ച് സിക്സ് അടിക്കൂ പാറ്റി” തുടങ്ങിയ പ്രയോഗങ്ങള്‍ പന്ത് നടത്തുന്നത് വീഡിയോകളില്‍ നിന്നും വ്യക്തമായി കാണാന്‍ സാധിക്കുന്നുണ്ട്.

Get Malayalam News and latest news update from India and around the world. Stay updated with today's latest Sports news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ