Kerala vs Gujarat 4th Quarter Final Live Score: വയനാട്: രഞ്ജി ട്രോഫി ക്രിക്കറ്റിൽ ക്വാർട്ടർ ഫൈനൽ പോരാട്ടത്തിന് ഇറങ്ങിയ കേരളത്തിന് ബാറ്റിങ് തകർച്ച. കേരള സ്കോർബോർഡ് 52 ൽ എത്തിയപ്പോഴെക്കും നാല് മുൻനിര വിക്കറ്റുകൾ നഷ്ടമായി. ഒടുവിൽ വിവരം ലഭിക്കുമ്പോൾ കേരളം നാല് വിക്കറ്റ് നഷ്ടത്തിൽ 69 റൺസ് എന്ന നിലയിലാണ്. 12 റൺസ് നേടിയ വിനൂപും, 9 റൺസുമായി സഞ്ജു സാംസാണുമാണ് ക്രീസിൽ.

ടോസ് നേടിയ ഗുജറാത്ത് കേരളത്തെ ബാറ്റിങ്ങിനയക്കുകയായിരുന്നു. വയനാട് കൃഷ്ണഗിരി സ്റ്റേഡിയത്തിലെ തണുപ്പും മഞ്ഞുവീഴ്ചയും പേസിന് അനുകൂലമാകുമെന്നത് ഗുജറാത്ത് മുതലാക്കുകയായിരുന്നു.

സ്കോർബോർഡ് 29 ൽ എത്തിയപ്പോഴേക്കും ഓപ്പണർ മുഹമ്മദ് അസാറുദീനെ കേരളത്തിന് നഷ്ടമായി. പ്രതീക്ഷ നൽകാതെ രാഹുൽ പുറത്തായതിന് തൊട്ടടുത്ത പന്തിൽ സിജോമോനും പുറത്തായത് കേരളത്തിന് തിരിച്ചടിയായി. അധികം വൈകാതെ റൺസൊന്നുമെടുക്കാതെ നായകൻ സച്ചിൻ ബേബിയും മടങ്ങി.

സ്വന്തം നാട്ടിലാണ് മത്സരം എന്നത് കേരളത്തിന് ആനുകൂല്യം നൽകുന്നു. താരങ്ങൾക്ക് പരിചിതമായ പിച്ചും ഗ്രൗണ്ട് സപ്പോർട്ടും കേരളത്തിന് വലിയ പ്രതീക്ഷ ൻൽകുന്നുണ്ട്. ഇത് തുടർച്ചയായ രണ്ടാം തവണയാണ് കേരളം രഞ്ജി ട്രോഫി ക്വാർട്ടർ ഫൈനലിൽ എത്തുന്നത്. കഴിഞ്ഞ വർഷം സെമിയിൽ കേരളം വിദർഭയോട് പരാജയപ്പെടുകയായിരുന്നു. രഞ്ജി ട്രോഫി ചരിത്രത്തിലെ ആദ്യ സെമിയാണ് കേരളം ലക്ഷ്യമിടുന്നത്.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook