രഞ്ജി ട്രോഫി ക്രിക്കറ്റിൽ കേരളത്തിനെതിരെ ഹിമാചൽ ഭേദപ്പെട്ട സ്കോറിലേക്ക്. ആദ്യ ദിനം കളി അവസാനിക്കുമ്പോൾ ഹിമാചൽ ഏഴ് വിക്കറ്റ് നഷ്ടത്തിൽ 257 റൺസെടുത്തിട്ടുണ്ട്. അർദ്ധസെഞ്ചുറി നേടിയ എ ആർ കൾസിയുടെയും ആർ ആർ ധവാന്റെയും പ്രകടനമാണ് ഹിമചൽ പ്രദേശിനെ ഭേദപ്പെട്ട സ്കോറിലേക്ക് നയിച്ചത്. കൾസി 89 റൺസ് നേടിയപ്പോൾ 58 റൺസാണ് ധവാന്റെ സമ്പാദ്യം.

ടോസ് നേടിയ കേരളം ഹിമാചലിനെ ബാറ്റിങ്ങിനയക്കുകയായിരുന്നു. കേരള നായകൻ സച്ചിൻ ബേബിയുടെ തീരുമാനം ശരിവെയ്ക്കുന്നതായിരുന്നു കേരളത്തിന്രെ പ്രകടനം. ഏഴ് റൺസിൽ ഓപ്പർ രാഘവ് ധവാനെ ബേസിൽ തമ്പി മടക്കി. പിന്നീട് വിക്കറ്റ് വേട്ടയുടെ ഉത്തരവാദിത്വം ഏറ്റെടുത്ത നിഥീഷ് എംഡി കൃത്യമായ ഇടവേളകളിൽ നാല് ഹിമാചൽ താരങ്ങളെ കൂടാരം കയറ്റി.

പിന്നീട് സന്ദീപ് വാര്യറുടെ ഊഴമായിരുന്നു. അടുത്ത രണ്ട് താരങ്ങളെ സന്ദീപും മടക്കിയതോടെ ഹിമാചലിന് ഏഴ് വിക്കറ്റുകൾ നഷ്ടമായി. 89 റൺസുമായി കൾസിയും 11 റൺസ് നേടിയ ജസ്വാളുമാണ് ക്രീസിൽ. കഴിഞ്ഞ മത്സരത്തിൽ പഞ്ചാബിനോടേറ്റ പത്ത് വിക്കറ്റ് തോൽവിയുടെ ആഘാതം മാറുന്നതിന് മുമ്പേയാണ് കേരളം ഹിമാചലിനെ നേരിടുന്നത്.

Get Malayalam News and latest news update from India and around the world. Stay updated with today's latest Sports news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ