Latest News
സംസ്ഥാനത്ത് കൂടുതല്‍ ഇളവുകള്‍ നാളെ മുതല്‍
UEFA EURO 2020: സ്കോട്ട്ലന്‍ഡിനെ കീഴടക്കി ക്രൊയേഷ്യ; ഇംഗ്ലണ്ടിനും ജയം
ഡെൽറ്റ പ്ലസ് വകഭേദം: കേരളം അടക്കം മൂന്ന് സംസ്ഥാനങ്ങൾക്ക് ജാഗ്രതാ നിർദേശം
രാജ്യദ്രോഹ കേസ്: ഐഷ സുല്‍ത്താനയെ വീണ്ടും ചോദ്യം ചെയ്യും
രാജ്യത്തെ കോവി‍ഡ് കേസുകള്‍ മൂന്ന് കോടി കവിഞ്ഞു

രഞ്ജി ട്രോഫിയിൽ കൂറ്റൻ സ്കോറിലേക്ക് കുതിച്ച് കേരളം; സച്ചിൻ ബേബിക്ക് സെഞ്ചുറി

സഞ്ജു സാംസണും നായകൻ സച്ചിൻ ബേബിയും ചേർന്ന് നാലാം വിക്കറ്റിൽ 181 റൺസിന്റെ കൂട്ടുകെട്ട് തീർത്തതോടെ കേരള സ്കോർ അതിവേഗം ഉയരുകയായിരുന്നു

തിരുവനന്തപുരം: രഞ്ജി ട്രോഫിയിലെ ആദ്യ മത്സരത്തിൽ ഹൈദരാബാദിനെതിരെ കേരളം കൂറ്റൻ സ്കോറിലേക്ക്. നായകൻ സച്ചിൻ ബേബിയുടെ സെഞ്ചുരറി മികവിലാണ് കേരളത്തിന്റെ കുതിപ്പ്. രണ്ടാം ദിനം മഴമൂലം കളി നിർത്തി വെക്കുമ്പോൾ കേരളം ആറ് വിക്കറ്റ് നഷ്ടത്തിൽ റൺസ് എന്ന നിലയിലാണ്.

75 റൺസുമായി ജഗദീശും 16 റൺസ് നേടിയ അക്ഷയ് ചന്ദ്രനുമാണ് ക്രീസിൽ. നേരത്തെ ടോസ് നേടിയ ഹൈദരാബാദ് കേരളത്തിനെ ബാറ്റിങ്ങിനയക്കുകയായിരുന്നു. അരുൺ കാർത്തികും ജലജ് സക്സേനയും ചേർന്ന് മികച്ച തുടക്കം നൽകിയതോടെ പിന്നാലെ എത്തിയ താരങ്ങളും തകർത്തടിച്ചു.

ടീം സ്കോർ 59ൽ നിൽക്കുമ്പോൾ അരുൺ കാർത്തിക് പുറത്തായെങ്കിലും സക്സേന അർദ്ധസെഞ്ചുറി തികച്ചു. എന്നാൽ അടുത്തടുത്ത ഓവറുകളിൽ സക്സേനയെയും രോഹൻ പ്രേമിനെയും പുറത്താക്കി ഹസൻ ഹൈദരാബാദിന് തിരിച്ചുവരവ് ഒരുക്കി. സച്ചിൻ ബേബി മൂന്ന് സിക്സറുകളുടെയും പത്ത് ഫോറിന്റെയും അകമ്പടിയോടെ 147 റൺസ് നേടി. സഞ്ജു 53 റൺസും സക്സേന 57 റൺസും നേടി.

എന്നാൽ ആഘോഷം തുടരാൻ ഹൈദരാബാദിനായില്ല. സഞ്ജു സാംസണും നായകൻ സച്ചിൻ ബേബിയും ചേർന്ന് നാലാം വിക്കറ്റിൽ 181 റൺസിന്റെ കൂട്ടുകെട്ട് തീർത്തതോടെ കേരള സ്കോർ അതിവേഗം ഉയർന്നു. ഇരുവരും പുറത്തായതോടെ ആക്രമണത്തിന്റെ ഉത്തരവാദിത്വം ജഗദീശ് ഏറ്റെടുക്കുകയായിരുന്നു.

ഹൈദരാബാദിന് വേണ്ടി സാഖിത് സെയ്റാം മൂന്ന് വിക്കറ്റുകൾ വീഴ്ത്തിയപ്പോൾ ഹസൻ രണ്ടും രവി തേജ ഒരു വിക്കറ്റുമ വീഴ്ത്തി. തിരുവനന്തപുരം സെന്റ്. സേവ്യേഴ്സ് കോളെജിലാണ് മത്സരം.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Ranji trophy kerala hyderabad 2019 score

Next Story
ആവേശം ചോർന്നാലെന്താ?; കാര്യവട്ടത്ത് കുന്നോളമുണ്ട് റെക്കോർഡുകൾ
The moderation of comments is automated and not cleared manually by malayalam.indianexpress.com