തിരുവനന്തപുരം: രഞ്ജി ട്രോഫിയിൽ രാജസ്ഥാനെതിരേ കേരളത്തിന് മികച്ച തുടക്കം. ഒന്നാം ദിനം കളിനിർത്തുന്പോൾ കേരളം 232/3 എന്ന നിലയിലാണ്. നായകൻ രോഹൻ പ്രേമിന്റേയും ജലജ് സക്സേനയുടെയും അർധസെഞ്ചുറികളാണ് കേരളത്തിന് തുണയായത്. ടോസ് നേടിയ കേരളം ആദ്യം ബാറ്റിങ് തിരഞ്ഞെടുക്കുകയായിരുന്നു.

രാജസ്ഥാനെതിരെ ടോസ് നേടി ആദ്യ ബാറ്റിങ്ങ് തിരഞ്ഞെടുത്ത കേരളത്തിന് മോശം തുടക്കമാണ് ലഭിച്ചത്. ആദ്യ ഓവറിൽത്തന്നെ 2 റൺസ് എടുത്ത വിഷ്ണു വിനോദിന്റെ വിക്കറ്റ് കേരളത്തിന് നഷ്ടമായി. എന്നാൽ രണ്ടാം വിക്കറ്റിൽ ഒത്ത് ചേർന്ന രോഹൻ പ്രേമും ജലജ് സക്സേനയും കേരളത്തെ തകർച്ചയിൽ നിന്ന് കാത്തു. രണ്ടാം വിക്കറ്റിൽ 164 റൺസാണ് ഇരുവരും കൂട്ടിച്ചേർത്തത്. രോഹൻ പ്രേം 86 റൺസും , ജലജ് സക്സേന 79 റൺസുമാണ് നേടിയത്.

കളിനിർത്തുന്പോൾ ക്യാപ്റ്റൻ സച്ചിൻ ബേബിയും (38), സഞ്ജു സാംസണുമാണ് (25) ക്രീസിൽ.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook