scorecardresearch

ഇന്ത്യ-ശ്രീലങ്ക പരമ്പര; രാഹുൽ ദ്രാവിഡ് പരിശീലകനായേക്കും

ജൂലൈ പകുതിയോടെ മൂന്ന് ഏകദിനങ്ങളും മൂന്ന് ടി20 മത്സരങ്ങളുമാണ് ഇന്ത്യ ശ്രീലങ്കയിൽ കളിക്കുക

ഇന്ത്യ-ശ്രീലങ്ക പരമ്പര; രാഹുൽ ദ്രാവിഡ് പരിശീലകനായേക്കും

ഇന്ത്യയുടെ മുൻ നായകനും ദേശിയ ക്രിക്കറ്റ് അക്കാദമി തലവനുമായ രാഹുൽ ദ്രാവിഡ് ഇന്ത്യൻ ടീമിന്റെ പരിശീലകനാകുന്നു എന്ന് വാർത്തകൾ. ജൂലൈയിൽ ശ്രീലങ്കയിൽ വെച്ച് നടക്കുന്ന ഇന്ത്യ-ശ്രീലങ്ക പാരമ്പരയിലാണ് ദ്രാവിഡ് ഇന്ത്യൻ ടീം പരിശീലകന്റെ കുപ്പായമണിയുക.

ജൂലൈ പകുതിയോടെ മൂന്ന് ഏകദിനങ്ങളും മൂന്ന് ടി20 മത്സരങ്ങളുമാണ് ഇന്ത്യ ശ്രീലങ്കയിൽ കളിക്കുക. ഇംഗ്ലണ്ട് പരമ്പരക്കായി വിരാട് കോഹ്ലി, രോഹിത് ശർമ്മ എന്നീ സീനിയർ താരങ്ങളെല്ലാം ഇംഗ്ലണ്ടിലായിരുക്കുന്ന സാഹചര്യത്തിൽ എ-ടീമുമായാണ് ഇന്ത്യ ശ്രീലങ്കയിലേക്ക് പോകുക.

” പരിശീലകരെല്ലാവരും ഇംഗ്ലണ്ടിലായിരുക്കും ഈ സാഹചര്യത്തിൽ യുവ നിര രാഹുൽ ദ്രാവിഡിന്റെ നേതൃത്വത്തിലായിരിക്കുന്നതാണ് നല്ലത്, ദ്രാവിഡ് ഇന്ത്യ എ ടീമിലെ ഒട്ടുമിക്ക എല്ലാ താരങ്ങളോടൊപ്പവും പ്രവർത്തിച്ചിട്ടുണ്ട്. ദ്രാവിഡിനൊപ്പം യുവ താരങ്ങൾ പങ്കുവെക്കുന്ന ബന്ധവും ഗുണകരമാകും” ബിസിസിഐ പ്രതിനിധി എഎൻഐയോട് പറഞ്ഞു.

Read Also: ‘പോയി പന്തെറിയു ബ്രോ’; മങ്കാഡ് ചെയ്ത ശ്രീശാന്തിനെ തിരുത്തിയ ധോണി

ഇന്ത്യൻ ടീമിന്റെ 2014ലെ ഇംഗ്ലണ്ട് പരമ്പരയിൽ ബാറ്റിംഗ് കോൺസൾട്ടന്റ ആയതിന് ശേഷം ദ്രാവിഡിന് ലഭിക്കുന്ന രണ്ടാമത്തെ അവസരമാണ് ഈ ശ്രീലങ്കൻ പരമ്പര. 2019ൽ എൻസിഎ തലവനാകുന്നതിന് മുൻപ് രാഹുൽ അണ്ടർ 19 ടീമിനോടൊപ്പവും ഇന്ത്യ എ ടീമിനോടൊപ്പവും പ്രവർത്തിച്ചിട്ടുണ്ട്.

ജൂൺ അവസാനത്തോടെ ശ്രീലങ്കൻ പരമ്പരയ്ക്കുള്ള ഇന്ത്യൻ ടീമിനെ തിരഞ്ഞെടുത്തേക്കും ജൂലൈ 13,16,19 എന്നീ ദിവസങ്ങളിൽ മൂന്ന് ഏകദിനങ്ങളും ജൂലൈ 22 മുതൽ 27 വരെയാണ് ടി20 മത്സരങ്ങളും ഇന്ത്യ കളിക്കും.

Stay updated with the latest news headlines and all the latest Sports news download Indian Express Malayalam App.

Web Title: Rahul dravid india tour of sri lanka head coach report

Best of Express