ബാഡ്മിന്റൺ ഏഷ്യ ടീം ചാംപ്യൻഷിപ്പിൽ ഇന്ത്യൻ വനിതകൾക്ക് തോൽവി. ഇന്തോനേഷ്യയുടെ മത്സരത്തിലാണ് 1-3 ന് ഇന്ത്യ തോറ്റത്. ഇന്ത്യൻ നിരയിൽ പിവി സിന്ധു ഒഴികെ മറ്റാർക്കും ജയിക്കാൻ സാധിച്ചില്ല.
നേരത്തേ ജപ്പാനെതിരെയും സിന്ധു മാത്രമാണ് വിജയിച്ചത്. മറ്റ് മൂന്ന് മത്സരങ്ങളിലും ഇന്ത്യ തോറ്റിരുന്നു. നേരിട്ട ആദ്യ രണ്ട് സെറ്റുകളിൽ 21-13, 24-22 ന് ഫിത്രിയാനി ഫിത്രിയാനിയെ പരാജയപ്പെടുത്തിയാണ് സിന്ധു സിംഗിൾസിൽ വിജയിച്ചത്.
അശ്വിനി പൊന്നപ്പ, സിക്കി റെഡ്ഡി സഖ്യത്തെ ഗ്രെയ്സിയ പോളി, അപ്രിയാനി രഹായു എന്നിവരുടെ സഖ്യം പൊരുതാൻ പോലും അൻുവദിക്കാതെയാണ് തോൽപ്പിച്ചത്. ആദ്യ സെറ്റിൽ 21-5 നായിരുന്നു ഇന്ത്യൻ സംഘത്തിന്റെ തോൽവി. രണ്ടാം സെറ്റിൽ 21-16 നും ഇന്ത്യൻ സഖ്യം തോറ്റു.
രണ്ടാമത്തെ സിംഗിൾസിൽ പ്രിയ കുദരവളളിയെ ഹന്ന റമദിനി 21-8, 21-15 എന്ന സ്കോറിന് പരാജയപ്പെടുത്തി. രണ്ടാമത്തെ ഡബിൾസ് മത്സരത്തിൽ സിന്ധുവും സന്യോഗിത ഗൊർപാദെ സഖ്യമാണ് 21-9, 21-18 എന്ന സ്കോറിന് അംഗിത ഷിറ്റ അവാന്ത-മഹാദേവി ഇസ്‌തരാണി സഖ്യത്തോട് തോറ്റത്.
Get all the Latest Malayalam News and Kerala News at Indian Express Malayalam. You can also catch all the Latest News in Malayalam by following us on Twitter and Facebook
