ഇന്ത്യ-ന്യൂസീലൻഡ്: രോഹിത്-ദ്രാവിഡ് യുഗത്തിൽ ടി20യിൽ പുതിയ മാറ്റങ്ങൾക്ക് ശ്രമിച്ച് ഇന്ത്യ

അഞ്ച് ഷോർട്ട് ഫോർമാറ്റ് ഓപ്പണർമാർ ടീമിലുണ്ട്, അവരെ വിവിധ മധ്യനിര സ്ഥാനങ്ങളിൽ നിർത്തുന്നത് ഒരു വെല്ലുവിളിയാണ്

Rohit Sharma, Rahul Dravid, Venkatesh Iyer, Team india, sports news, indian express, ind vs nz, ഇന്ത്യ, ന്യൂസീലൻഡ്, ക്രിക്കറ്റ്, IE Malayalam

പുതിയ ക്യാപ്റ്റൻ രോഹിത് ശർമ്മയുടെയും പരിശീലകൻ രാഹുൽ ദ്രാവിഡിന്റെയും കീഴിൽ ന്യൂസീലൻഡിനെതിരായ പരമ്പരക്കൊരുങ്ങി ടീം ഇന്ത്യ. ന്യൂസിലൻഡിനെതിരായ മൂന്ന് മത്സരങ്ങളുടെ പരമ്പര ബുധനാഴ്ചയാണ് ആരംഭിക്കുന്നത്.

ഏറെക്കാലമായി തന്റെ ഓൾറൗണ്ട് കഴിവുകൾ പ്രകടിപ്പിക്കാൻ കഴിയാതിരുന്ന ഹർദിക് പാണ്ഡ്യക്ക് പകരക്കാരനെ നോക്കാൻ ടി20 ലോകകപ്പിലെ മോശം പ്രകടനം ഇന്ത്യയെ നിർബന്ധിതരാക്കി. ഹർദിക്കിന്റെ പകരക്കാരനായി ഐ‌പി‌എല്ലിൽ മികച്ച പ്രകടനം നടത്തുന്ന വെങ്കിടേഷ് അയ്യരെ കൊണ്ടുവന്നിട്ടുണ്ട്.

ബാറ്റിംഗ് ഡിപ്പാർട്ട്‌മെന്റിൽ കൂടുതൽ പവർ കൊണ്ടുവരാൻ കൂടുതൽ ബാറ്റർമാരെ ടീമിലുൾപ്പെടുത്തിയിട്ടുണ്ട്. ഈ ഐപിഎല്ലിൽ കെ‌കെ‌ആറിന് വേണ്ടി കളിച്ച വെങ്കിടേശിന് പുറമെ ലീഗിൽ മികച്ച പ്രകടനം കാഴ്ചവച്ച റുതുരാജ് ഗെയ്‌ക്‌വാദ്, ഹർഷൽ പട്ടേൽ, ആവേശ് ഖാൻ എന്നിവരും കിവീസിനെതിരായ ടീമിൽ ഇടം വേടി. യുസ്‌വേന്ദ്ര ചാഹലിനെയും ടീമിലുൾപ്പെടുത്തിയിട്ടുണ്ട്.

Also Read: 2025 ലെ ചാമ്പ്യൻസ് ട്രോഫി പാകിസ്ഥാനിൽ; 2031വരെ ഇന്ത്യയിൽ മൂന്ന് വലിയ ടൂർണമെന്റുകൾ

ജസ്പ്രീത് ബൂമയ്ക്ക് ഈ പരമ്പരയിൽ വിശ്രമം അനുവദിച്ചതിനാൽ, സ്ഥിരമായി 140 കിലോമീറ്ററും അതിന് മുകളിലും വേഗത കൈവരിക്കാൻ കഴിയുന്ന മറ്റൊരു പേസറെ കണ്ടെത്താനുള്ള ശ്രമത്തിലാണ് ഇന്ത്യ. യുഎഇയിൽ കണ്ടതുപോലെ, എക്‌സ്‌ട്രാ പേസ് എപ്പോഴും ഉപയോഗപ്രദമാണ്. ആവേശിനെയും മുഹമ്മദ് സിറാജിനെയും ഇതിനായി ടീമിലുൾപ്പെടുത്തി. യുഎയിൽ മികച്ച പ്രകടനം പുറത്തെടുക്കാതിരുന്ന ഭുവനേശ്വര് കുമാറിന് തന്റെ ഗെയിം കണ്ടെത്താൻ വീണ്ടും അവസരം ലഭിച്ചിരിക്കുകയാണ്.

ക്യാപ്റ്റൻ രോഹിത് ശർമ്മയും മുഖ്യ പരിശീലകൻ രാഹുൽ ദ്രാവിഡും അടങ്ങുന്ന തിങ്ക് ടാങ്ക് 12 മാസത്തിനുള്ളിൽവ അടുത്ത ലോകകപ്പിന് ആതിഥേയത്വം വഹിക്കുന്ന ഓസ്‌ട്രേലിയൻ സാഹചര്യങ്ങൾ വിലയിരുത്തും. അഞ്ച് ഷോർട്ട് ഫോർമാറ്റ് ഓപ്പണർമാർ ടീമിലുണ്ട്, അവരെ വിവിധ മധ്യനിര സ്ഥാനങ്ങളിൽ നിർത്തുന്നത് ഒരു വെല്ലുവിളിയാണ്.

രോഹിതും വൈസ് ക്യാപ്റ്റൻ കെ എൽ രാഹുലും ബുധനാഴ്ച ഓപ്പൺ ചെയ്യുമെന്ന് പ്രതീക്ഷിക്കുന്നു, എന്നാൽ ഇഷാൻ കിഷനും ഗെയ്‌ക്‌വാദും പോലുള്ള കൂടുതൽ ഓപ്ഷനുകളുടെ സാന്നിധ്യത്തിൽ പരീക്ഷണം നടത്താൻ ഇന്ത്യ പ്രലോഭിതരായേക്കാം. വെങ്കിടേഷ് പോലും കെകെആറിന് വേണ്ടി ഓപ്പണിംഗ് ചെയ്തു, പക്ഷേ അദ്ദേഹം മധ്യനിരയിൽ ബാറ്റ് ചെയ്യാൻ സജ്ജമാണ്.

Also Read: രോഹിത് ഡ്രസിങ് റൂമിൽ ശാന്തത കൊണ്ടുവരും, നല്ലൊരു ടീം സംസ്കാരം സ്ഥാപിക്കാൻ ദ്രാവിഡിനാകും: രാഹുൽ

ലോകകപ്പിനിടെ സൂര്യകുമാർ യാദവിന് പ്രകടനം പുറത്തെടുക്കനായില്ല കണ്ടെത്താനായില്ല. പക്ഷേ ഇന്ത്യ നാലാം നമ്പറിൽ വരാൻ ആഗ്രഹിക്കുന്ന ഒരു കളിക്കാരനാണ് സൂര്യകുമാർ. വിശ്രമം അനുവദിച്ച രവീന്ദ്ര ജഡേജയുടെ അഭാവത്തിൽ, അക്സർ പട്ടേലിന് സ്പിൻ ബൗളിംഗ് ഓൾറൗണ്ടറിന്റെ ഒഴിവ് നികത്താൻ കഴിയും, യുഎഇയിൽ വൈറ്റ് ബോളിലേക്ക് തിരിച്ചുവന്ന ആർ അശ്വിൻ പ്ലെയിംഗ് ഇലവനിൽ തന്റെ സ്ഥാനം നിലനിർത്തുമെന്ന് പ്രതീക്ഷിക്കുന്നു.

ലോകകപ്പിന്റെ ഭൂരിഭാഗം സമയത്തും ഇന്ത്യയ്ക്ക് അഞ്ച് ബൗളർമാരെ മാത്രമേ തിരഞ്ഞെടുക്കാനുണ്ടായിരുന്നുള്ളൂ, മറ്റ് മുൻനിര ടീമുകൾക്ക് ഏഴ് ഓപ്ഷനുകൾ വരെയുണ്ടായിരുന്നു. അതിനാൽ, ഒരു സ്പെഷ്യലിസ്റ്റ് ബാറ്ററുകളിൽ ഒരാൾ ബൗൾ ചെയ്യുമെന്ന് പ്രതീക്ഷിക്കാം.

ടി20 ലോകകപ്പ് ഫൈനൽ പോരാട്ടത്തിൽ ഓസ്‌ട്രേലിയയോട് തോറ്റ് കുറച്ച് സമയത്തിനുള്ളിലാണ് കിവീസ് ഇന്ത്യക്കെതിരായ പരമ്പരക്കായി ജയ്പൂരിലെത്തിയത്.

ക്യാപ്റ്റൻ കെയ്ൻ വില്യംസണിന് ടി20യിൽ വിശ്രമം അനുവദിച്ചിട്ടുണ്ട്. പകരം പരിചയസമ്പന്നനായ പേസർ ടിം സൂത്തി കാപ്റ്റനാവു

ടോപ്പ് ഓർഡറിൽ ട്രെന്റ് ബോൾട്ടും ഡാരിൽ മിച്ചലും ഉള്ളതിനാൽ ന്യൂസിലൻഡിന് ഈ പരമ്പരയിൽ അധികം മേൽക്കൈ വരും. സന്നാഹ മത്സരങ്ങൾ മാത്രം കളിച്ച കെയ്ൽ ജാമിസൺ ഉൾപ്പെടെ യുഎഇയിൽ കാര്യമായൊന്നും ചെയ്യാതിരുന്ന കളിക്കാർക്ക് ന്യൂസിലൻഡിന് അവസരം നൽകാം.

സ്ക്വാഡുകൾ:

ഇന്ത്യ: രോഹിത് ശർമ (ക്യാപ്റ്റൻ), കെഎൽ രാഹുൽ, റുതുരാജ് ഗെയ്‌ക്‌വാദ്, ശ്രേയസ് അയ്യർ, സൂര്യകുമാർ യാദവ്, റിഷഭ് പന്ത്, ഇഷാൻ കിഷൻ, വെങ്കിടേഷ് അയ്യർ, യുസ്വേന്ദ്ര ചാഹൽ, ആർ അശ്വിൻ, അക്ഷർ പട്ടേൽ, അവേശ് ഖാൻ, ഭുവനേശ്വർ കുമാർ, ദീപക് ചാഹർ, ഹർഷൽ പട്ടേൽ. മുഹമ്മദ് സിറാജ്.

ന്യൂസിലൻഡ്: ടോഡ് ആസിൽ, ട്രെന്റ് ബോൾട്ട്, മാർക്ക് ചാപ്മാൻ, ലോക്കി ഫെർഗൂസൺ, മാർട്ടിൻ ഗപ്റ്റിൽ, കൈൽ ജാമിസൺ, ആദം മിൽനെ, ഡാരിൽ മിച്ചൽ, ജിമ്മി നീഷാം, ഗ്ലെൻ ഫിലിപ്‌സ്, മിച്ചൽ സാന്റ്‌നർ, ടിം സെയ്‌ഫർട്ട്, ഇഷ് സോധി, ടിം സൂത്തി (ക്യാപ്റ്റൻ).

ബുധനാഴ്ച രാത്രി ഇന്ത്യൻ സമയം ഏഴുമണിക്കാണ് മത്സരം.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Preview india vs new zealand 1st t20i rohit dravid

Next Story
2025 ലെ ചാമ്പ്യൻസ് ട്രോഫി പാകിസ്ഥാനിൽ; 2031വരെ ഇന്ത്യയിൽ മൂന്ന് വലിയ ടൂർണമെന്റുകൾindia vs pakistan, t20 world cup, matthew hayden, ind vs pak, cricket news, sports news, ടി20 ലോകകപ്പ്, ടി20, ലോകകപ്പ്, ക്രിക്കറ്റ്, മാത്യു ഹെയ്ഡൻ, ഇന്ത്യ-പാകിസ്ഥാൻ, ഇന്ത്യ-പാകിസ്താൻ, ടീം ഇന്ത്യ, IE Malayalam
The moderation of comments is automated and not cleared manually by malayalam.indianexpress.com