Latest News
സ്വകാര്യ ബസ് സര്‍വീസ് ഇന്ന് മുതല്‍
ഇന്ധനനിരക്ക് ഇന്നും കൂട്ടി; തിരുവനന്തപുരത്ത് പെട്രോള്‍ വില നൂറിലേക്ക്
കോപ്പയില്‍ ബ്രസീലിയന്‍ കോടുങ്കാറ്റ്; പെറുവിനെ തകര്‍ത്തു
കോവിഡിന്റെ ഡെല്‍റ്റ വകഭേദത്തിനുള്ള സ്പുട്നിക് വാക്സിന്‍ ഉടന്‍
രാജ്യത്ത് 62,480 പുതിയ കേസുകള്‍; 1,587 മരണം
കിവികളെ കീഴടക്കാന്‍ ഇന്ത്യ; ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് ഇന്ന് തുടക്കം

250-ാമത് ഏകദിനം; ഷൊയ്‌ബ് മാലിക്കിന് പിന്തുണയുമായി ഭാര്യ സാനിയ മിർസ

ശ്രീലങ്കയ്ക്കെതിരായ ഇന്നത്തെ മൽസരം കാണുമെന്ന് സാനിയ മിർസ

Sania Mirza, Shoaib Malik

ഐസിസി ചാംപ്യൻസ് ട്രോഫിയിലെ ശ്രീലങ്കയ്ക്കെതിരായ മൽസരം പാക്കിസ്ഥാന് നിർണായകമാണ്. പാക്ക് ബാറ്റ്സ്മാൻ ഷൊയ്‌ബ് മാലിക്കിനെ സംബന്ധിച്ചിടത്തോളം മറ്റൊരു പ്രത്യേകത കൂടി ഈ മൽസരത്തിനുണ്ട്. മാലിക്കിന്റെ 250-ാമത് ഏകദിന മൽസരമാണിത്. ഈ അവസരത്തിൽ മാലിക്കിന് പിന്തുണയുമായി രംഗത്തെത്തിയിരിക്കുകയാണ് ഭാര്യയും ടെന്നിസ് താരവുമായ സാനിയ മിർസ.

”പാക്കിസ്ഥാനോടും ക്രിക്കറ്റിനോടുമുളള അദ്ദേഹത്തിന്റെ പ്രതിജ്ഞാബദ്ധതയാണിത് കാണിക്കുന്നത്. എനിക്ക് അദ്ദേഹത്തെ നന്നായിട്ട് അറിയാം. പാഷനോടെ ക്രിക്കറ്റിനെ കാണുകയും അതിനെ സ്നേഹിക്കുകയും രാജ്യത്തിനുവേണ്ടി കളിക്കുകയും ചെയ്യുന്ന വ്യക്തിയാണ്. അദ്ദേഹത്തിന്റെ അമ്മയും സഹോദരനും സഹോദരിയും ഞാനും ഉൾപ്പെടെയുളള എല്ലാ കുടുംബാഗങ്ങൾക്കും അഭിമാനകരമായ നിമിഷമാണിത്. അദ്ദേഹത്തിന്റെ നേട്ടങ്ങളിൽ ഞങ്ങളോരോരുത്തരും അഭിമാനിക്കുന്നു”വെന്നും സാനിയ പറയുന്നു.

”ചാംപ്യൻസ് ട്രോഫിയിലെ എല്ലാ മൽസരങ്ങളും എനിക്ക് കാണാൻ സാധിക്കാറില്ല. ചില മൽസരങ്ങൾ കണ്ടിട്ടുണ്ട്. പാക്കിസ്ഥാൻ ദക്ഷിണാഫ്രിക്കയെ തോൽപ്പിച്ച മൽസരം ലൈവായി കണ്ടു. ശ്രീലങ്കയ്ക്കെതിരായ ഇന്നത്തെ മൽസരവും ഞാൻ കാണും. ചാംപ്യൻസ് ട്രോഫിയിലെ ഇന്ത്യയുടെ ചില മൽസരങ്ങളും താൻ കണ്ടുവെന്നും” സാനിയ പറഞ്ഞു.

”ഞങ്ങൾ രണ്ടുപേരും ഒരുമിച്ചുളള സമയം വളരെ കുറവാണ്. രണ്ടുപേരും പ്രൊഫഷനൽ കളിക്കാരാണ്. ഈ സമയത്തെല്ലാം ഫോൺ വളരെ ഉപകാരപ്രദമായിട്ടുണ്ട്. ഇപ്പോൾ ഞാൻ ലണ്ടനിലുണ്ട്. ഇന്ത്യയിലേക്കോ ദുബായിലേക്കോ പോകുന്നില്ല. അതിനാൽത്തന്നെ ചാംപ്യൻസ് ട്രോഫിയിലെ ചില മൽസരങ്ങൾ കാണാൻ സാധിക്കുമെന്നും” സാനിയ വ്യക്തമാക്കി.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Pakistan vs sri lanka it shows his commitment for pakistan says sania mirza on shoaib maliks

Next Story
അപൂർവ്വ നേട്ടവുമായി ശിഖർ ധവാൻ; മറികടന്നത് സാക്ഷാൽ സച്ചിനെShikhar Dhawan
The moderation of comments is automated and not cleared manually by malayalam.indianexpress.com