ലോകമെമ്പാടും കായിക മത്സരങ്ങള്‍ പുനരാരംഭിക്കാനുള്ള ശ്രമങ്ങളെ പിന്തുടര്‍ന്ന് ഇന്ത്യയിലും സമാനമായ നീക്കം നടത്തിയാല്‍ ഒരു കായിക ഇനം മാത്രമായിരിക്കും ആരംഭിക്കാനാകുകയെന്ന് ഇന്ത്യയുടെ മുന്‍ ഫുട്‌ബോള്‍ ക്യാപ്റ്റന്‍ ബൈചുങ് ഭൂട്ടിയ പറഞ്ഞു. ക്രിക്കറ്റിന് മാത്രമാണ് അദ്ദേഹം സാധ്യത കല്‍പ്പിക്കുന്നത്.

ഫുട്‌ബോളില്‍ ബുണ്ടസ്ലിഗയും കെ-ലീഗും ഡാനിഷ് സൂപ്പര്‍ലിഗയും ക്രിക്കറ്റില്‍ വിന്‍സി പ്രീമിയര്‍ ലീഗും ടെന്നീസില്‍ ആള്‍ ചെക്ക് ടൂര്‍ണമെന്റും മെയ് മധ്യത്തോടെ പുനരാരംഭിച്ചിരുന്നു.

Read Also: ഹെഡ് ഓർ ടെയ്‌ൽ; വീണ്ടും ടോസ് ആവശ്യപ്പെട്ട് ധോണി, സംഗക്കാരയുടെ വെളിപ്പെടുത്തൽ

ഇന്ത്യയിലെ കായിക മത്സരങ്ങളുടെ ഭാവി സര്‍ക്കാര്‍ തീരുമാനിക്കുന്ന നിയമങ്ങളെ ആശ്രയിച്ചിരിക്കുന്നുവെന്ന് ഭൂട്ടിയ ഹിന്ദുസ്ഥാന്‍ ടൈംസിനോട് പറഞ്ഞു. എന്നിരുന്നാലും, ബുണ്ടസ്ലിഗ, കെ-ലീഗ് പ്രോട്ടോക്കോള്‍ പിന്തുടരുകയാണെങ്കില്‍ ക്രിക്കറ്റ് മാത്രമേ പുനരാരംഭിക്കാന്‍ സാധിക്കുകയുള്ളൂവെന്ന് അദ്ദേഹം പറഞ്ഞു.

ജര്‍മ്മനിയുടെ ബുണ്ടസ്ലിഗ മെയ് 16-നാണ് അനവധി ആരോഗ്യ ചട്ടങ്ങള്‍ പാലിച്ചാണ് ആരംഭിച്ചത്. കളിക്കാര്‍ക്കും ജീവനക്കാരുകള്‍ക്കുമായി 25,000 കൊറോണവൈറസ് പരിശോധനകള്‍ നടത്തുകയും ചെയ്തു. 300 ഓളം പേരെ മാത്രം അനുവദിച്ചു കൊണ്ട് കാണികളില്ലാത്ത മത്സരങ്ങളാണ് നടത്തുന്നത്.

1997-ല്‍ ഫെഡറേഷന്‍ കപ്പ് സെമിഫൈനലില്‍ മോഹന്‍ബഗാനെതിരെ 1.31 ലക്ഷം പേരുടെ സാന്നിദ്ധ്യത്തില്‍ ഭൂട്ടിയ ഹാട്രിക്ക് നേടിയിരുന്നു. ആളില്ലാത്തൊരു സ്റ്റേഡിയത്തില്‍ തനിക്കത് ചിന്തിക്കാനേ കഴിയുന്നില്ലെന്ന് അദ്ദേഹം പറഞ്ഞു. “എങ്കിലും ഇപ്പോഴത്തെ സാഹചര്യത്തില്‍ ആളൊഴിഞ്ഞ സ്റ്റേഡിയങ്ങള്‍ ഞാന്‍ അംഗീകരിക്കും,” അദ്ദേഹം പറഞ്ഞു.

Read in English: ‘Only cricket can restart in India if Bundesliga rules are followed’: Bhaichung Bhutia

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook