scorecardresearch
Latest News

ഇത് അനീതിയോ ? രണ്ട് വർഷമായി ടെസ്റ്റ് ടീമിൽ ഇടം ലഭിക്കാതെ കുൽദീപ്, വിമർശനം

കുൽദീപിനെ പ്ലേയിങ് ഇലവനിൽ ഉൾപ്പെടുത്താത്തതിൽ നിരാശയുണ്ടെന്ന് മുൻ താരം ഗൗതം ഗംഭീർ പറഞ്ഞു

ഇത് അനീതിയോ ? രണ്ട് വർഷമായി ടെസ്റ്റ് ടീമിൽ ഇടം ലഭിക്കാതെ കുൽദീപ്, വിമർശനം

ഇംഗ്ലണ്ടിനെതിരായ ടെസ്റ്റ് പരമ്പരയിലെ ആദ്യ മത്സരത്തിൽ ഇന്ത്യൻ ടീമിനായി കുൽദീപ് യാദവ് കളിക്കുമെന്നായിരുന്നു പ്രതീക്ഷ. എന്നാൽ, ഇത്തവണയും കുൽദീപിന് അവസരം നഷ്‌ടമായി. മുൻ ഇന്ത്യൻ താരങ്ങൾക്ക് അടക്കം കുൽദീപിന് തുടർച്ചയായി അവസരം നഷ്‌ടപ്പെടുന്നതിൽ അഭിപ്രായവ്യത്യാസമുണ്ട്.

2018-19 ലെ ഓസ്ട്രേലിയൻ പര്യടനത്തിൽ ഏറ്റവും മികച്ച പ്രകടനം നടത്തിയ ഇന്ത്യൻ ബൗളറാണ് കുൽദീപ്. എന്നാൽ, കഴിഞ്ഞ രണ്ട് വർഷമായി കുൽദീപിന് ടെസ്റ്റ് ടീമിൽ അവസരം ലഭിച്ചിട്ടില്ല. ഇംഗ്ലണ്ട് പര്യടനത്തിലെ ആദ്യ മത്സരത്തിൽ കുൽദീപ് സ്ഥാനം പിടിക്കുമെന്ന് ഏറെക്കുറെ ഉറപ്പായിരുന്നു. എന്നാൽ, അപ്രതീക്ഷിതമെന്നോണം ടീമിൽ ഇടം പിടിച്ചത് 31 കാരനായ ഷഹബാദ് നദീം ആണ്. സ്റ്റാൻഡ്ബൈ പ്ലെയേഴ്‌സിന്റെ ലിസ്റ്റിൽ നിന്നാണ് നദീം പ്ലേയിങ് ഇലവനിൽ സ്ഥാനം പിടിച്ചത്. ഒറിജിനൽ സ്‌ക്വാഡിൽ ഉണ്ടായിരുന്ന കുൽദീപിന് ഇതോടെ അവസരം നഷ്ടമായി.

ക്രിക്കറ്റ് ആരാധകർ അടക്കം കുൽദീപിനെ പിന്തുണച്ച് രംഗത്തെത്തിയിട്ടുണ്ട്. കുൽദീപിനോട് അനീതിയാണ് കാണിക്കുന്നതെന്നാണ് ആരോപണം. ഇന്ത്യയുടെ മുൻതാരം മുഹമ്മദ് കൈഫ്‌ കുൽദീപിന് അവസരം നൽകാത്തത് ട്വിറ്ററിൽ ചൂണ്ടിക്കാട്ടി. രണ്ട് വർഷം മുൻപ് ഇന്ത്യയുടെ ഫസ്റ്റ് ചോയ്‌സ് സ്‌പിന്നറായിരുന്നു കുൽദീപ്. ഇപ്പോൾ ടീമിൽ ഇടം കണ്ടെത്താൻ അദ്ദേഹം കഷ്ടപ്പെടുകയാണെന്ന് കൈഫ്‌ പറഞ്ഞു.

Read Also: താരനിബിഢമായൊരു വിവാഹം; വീഡിയോ പങ്കുവച്ച് മോഹൻലാൽ

കുൽദീപിനെ പ്ലേയിങ് ഇലവനിൽ ഉൾപ്പെടുത്താത്തതിൽ നിരാശയുണ്ടെന്ന് മുൻ താരം ഗൗതം ഗംഭീർ പറഞ്ഞു. വിഖ്യാത കമന്റേറ്റർ ഹർഷ ഭോഗ്‌ലെ, മുൻതാരം ആകാശ് ചോപ്ര എന്നിവരും കുൽദീപിനെ തഴഞ്ഞത് ശരിയായില്ലെന്ന അഭിപ്രായം രേഖപ്പെടുത്തി. കുൽദീപിന് അവസരം നൽകാത്തത് ഇന്ത്യയുടെ വിവേകശൂന്യമായ തീരുമാനമാണെന്ന് മുൻ ഇംഗ്ലണ്ട് നായകണ മെെക്കിൾ വോൺ കുറ്റപ്പെടുത്തി.

2019 ൽ സിഡ്‌നിയിലാണ് കുൽദീപ് അവസാനമായി ഇന്ത്യയ്‌ക്കുവേണ്ടി ടെസ്റ്റ് മത്സരം കളിച്ചത്. അന്ന് അഞ്ച് വിക്കറ്റ് നേട്ടം സ്വന്തമാക്കിയിരുന്നു. അതിനുശേഷം ഇന്ത്യയുടെ 13 ടെസ്റ്റ് മത്സരങ്ങൾ പൂർത്തിയായി. ഇതിലെല്ലാം സ്‌ക്വാഡിൽ ഇടം പിടിച്ച കുൽദീപിന് ഒരു മത്സരത്തിൽ പോലും പ്ലേയിങ് ഇലവനിൽ കയറാൻ സാധിക്കാതെ പോയി.

ആറ് ടെസ്റ്റുകളിൽ നിന്ന് 24 വിക്കറ്റ് നേടിയ കുൽദീപ് രണ്ട് തവണ അഞ്ച് വിക്കറ്റ് നേട്ടം സ്വന്തമാക്കിയിട്ടുണ്ട്.

Stay updated with the latest news headlines and all the latest Sports news download Indian Express Malayalam App.

Web Title: No justice kuldeep yadavs omission from chennai test vs england raises questions