Latest News

സൈനിക വേഷത്തില്‍ ലാലേട്ടനെത്തി; ആവേശത്തിരയായി ഗ്യാലറി

രക്ഷാപ്രവര്‍ത്തനത്തിന് നേതൃത്വം നല്‍കിയ കര-വ്യോമ-നാവിക സേനാ അംഗങ്ങളെയാകും ഇന്ന് കേരള ബ്ലാസ്റ്റേഴ്‌സ് ആദരിക്കുക

കൊച്ചി: സ്വന്തം ഗ്രൗണ്ടിലെ രണ്ടാം അങ്കത്തിനായി ബ്ലാസ്റ്റേഴ്‌സ് ഇറങ്ങുമ്പോള്‍ ഗ്യാലറിയില്‍ അംബാസിഡര്‍ മോഹന്‍ലാലും. ഇത്തവണ മോഹന്‍ലാല്‍ എത്തിയിരിക്കുന്നത് സൈനിക വേഷത്തിലായിരുന്നു. അതിനൊരു കാരണമുണ്ട്. ഇന്നത്തെ മത്സരത്തിന്റെ പ്രത്യേകതകളിലൊന്ന് ഇന്ന് ടീം പ്രളയത്തില്‍ കേരളത്തെ കൈ പിടിച്ചുയര്‍ത്തിയ സൈനികരെ ആദരിക്കുന്നുണ്ട്.

അതുകൊണ്ടാണ് മോഹന്‍ലാലിന്ന് സൈനിക വേഷത്തില്‍ തന്നെ കളി കാണാനെത്തിയത്. സൈനിക വേഷത്തില്‍ ഗ്രൗണ്ടിലൂടെ നടന്ന് ആരാധകരെ അഭിവാദ്യം ചെയ്യാനും ലാലേട്ടന്‍ മറന്നിരുന്നില്ല. ഇതോടെ മത്സരത്തിനായുള്ള ആവേശവും വാനോളം ഉയര്‍ന്നിരിക്കുകയാണ്.

രക്ഷാപ്രവര്‍ത്തനത്തിന് നേതൃത്വം നല്‍കിയ കര-വ്യോമ-നാവിക സേനാ അംഗങ്ങളെയാകും ഇന്ന് കേരള ബ്ലാസ്റ്റേഴ്‌സ് ആദരിക്കുക.എല്ലാ ഹോം മത്സരങ്ങള്‍ക്കും മുമ്പ് പ്രളയത്തില്‍ രക്ഷാപ്രവര്‍ത്തനത്തിന് ഏര്‍പ്പെട്ടവരെ ആദരിക്കുമെന്ന് ബ്ലാസ്റ്റേഴ്‌സ് മാനേജ്‌മെന്റ് നേരത്തെ അറിയിച്ചിരുന്നു. ഒക്ടോബര്‍ 5ന് നടന്ന ആദ്യ ഹോം മത്സരത്തില്‍ മത്സ്യ തൊഴിലാളികളെയായിരുന്നു കേരള ബ്ലാസ്റ്റേഴ്‌സ് ആദരിച്ചത്.

കേരളം ഇത് വരെ കാണാത്ത പ്രളയദുരന്തത്തില്‍ രക്ഷാപ്രവര്‍ത്തനങ്ങള്‍ക്ക് നേതൃത്വം വഹിച്ച, സ്വന്തം ജീവന്‍ പണയം വച്ച് ജീവനുകള്‍ തിരിച്ചു പിടിച്ച, ധീര യോദ്ധാക്കളെ ആദരിക്കുന്നു, ഒക്ടോബര്‍ 20ന് നടക്കുന്ന മാച്ചിന് മുന്നോടിയായി. നന്ദിയോടെ, സ്‌നേഹപൂര്‍വ്വം നമുക്കവരെ സ്വാഗതം ചെയ്യാം. എന്നായിരുന്നു ബ്ലാസ്‌റ്റേഴ്‌സിന്റെ ട്വീറ്റ്.

അന്ന് രക്ഷപ്രവര്‍ത്തനത്തിന്റെയും അതിജീവനത്തിന്റെയും ഗാഥ വിളിച്ചോതുന്ന സ്‌പെഷ്യല്‍ ജെഴ്‌സിയിലുമായിരുന്നു കേരള ബ്ലാസ്റ്റേഴ്‌സ് മത്സരത്തിനിറങ്ങിയത്. കൊച്ചിയില്‍ നടക്കുന്ന മത്സരങ്ങളുടെ ടിക്കറ്റ് വില്‍പ്പന ഉദ്ഘാടനം ചെയ്തതും മത്സ്യത്തൊഴിലാളികളായിരുന്നു. ട്വിറ്ററിലൂടെയായിരുന്നു ധീരയോദ്ധാക്കളെ ആദരിക്കുന്ന കാര്യം ബ്ലാസ്റ്റേഴ്‌സ് ആരാധകരെ അറിയിച്ചത്.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Mohanalal in military uniform to watch blasters

Next Story
താരമായി താരെ; വിജയ് ഹസാരെ ട്രോഫിയില്‍ മുത്തമിട്ട് മുംബൈ
The moderation of comments is automated and not cleared manually by malayalam.indianexpress.com