scorecardresearch
Latest News

ഷമിയ്ക്ക് ഐപിഎല്‍ കളിക്കാം: താരത്തിന് ബിസിസിഐയുടെ ക്ലീന്‍ ചിറ്റ്

താരത്തിന് ഗ്രേഡ് ബി പ്രകാരമുള്ള കരാര്‍ ഏര്‍പ്പെടുത്താനും ബിസിസിഐ തീരുമാനിച്ചിരിക്കുകയാണ്

ഷമിയ്ക്ക് ഐപിഎല്‍ കളിക്കാം: താരത്തിന് ബിസിസിഐയുടെ ക്ലീന്‍ ചിറ്റ്
Cricket – Sri Lanka v India – Third Test Match – Pallekele, Sri Lanka – August 14, 2017 – India's Mohammed Shami appeals for an unsuccesful wicket for Sri Lanka's Malinda Pushpakumara. REUTERS/Dinuka Liyanawatte

മുംബൈ: ഭാര്യ ഹസിന്‍ ജഹാന്‍ ഉയര്‍ത്തിയ വിവാദാഗ്നി ആളി കത്തുന്നതിനിടെ ഇന്ത്യന്‍ പേസര്‍ മുഹമ്മദ് ഷമിയ്ക്ക് ആശ്വാസ വാര്‍ത്ത. താരത്തിനെതിരായ ഒത്തുകളി ആരോപണങ്ങള്‍ക്ക് ബിസിസിഐയുടെ അഴിമതി വിരുദ്ധ സമിതിയുടെ ക്ലീന്‍ ചിറ്റ്. ഇത് സംബന്ധിച്ച് എസിയു ചീഫ് നീരജ് കുമാര്‍ തയ്യാറാക്കിയ റിപ്പോര്‍ട്ട് സുപ്രീം കോടതി നിയമിച്ച സിഒഎയ്ക്ക് മുന്നില്‍ സമര്‍പ്പിച്ചു.

റിപ്പോര്‍ട്ട് പ്രകാരം താരത്തിനെതിരെ യാതൊരു വിധത്തിലുള്ള അന്വേഷണമോ നടപടിയോ വേണ്ടെന്നാണ് കമ്മറ്റിയുടെ തീരുമാനം. താരത്തിന് ഗ്രേഡ് ബി പ്രകാരമുള്ള കരാര്‍ ഏര്‍പ്പെടുത്താനും ബിസിസിഐ തീരുമാനിച്ചിരിക്കുകയാണ്. നേരത്തെ വിവാദങ്ങളുടെ പശ്ചാത്തലത്തില്‍ താരവുമായുള്ള കരാര്‍ പുതുക്കുന്നത് ബിസിസിഐ തല്‍ക്കാലത്തേക്ക് മാറ്റി വെച്ചിരുന്നു. ഇതോടെ ഷമിയുടെ വാര്‍ഷിക പ്രതിഫലം മൂന്ന് കോടിയാകും.

ഇതോടെ വരുന്ന ഐപിഎല്‍ സീസണില്‍ താരത്തിന് കളിക്കാന്‍ സാധിക്കും. വിവാദത്തില്‍ പെട്ട് വലയുന്ന ഷമിയ്ക്ക് വലിയ ആശ്വാസമായിരിക്കും കമ്മറ്റിയുടെ റിപ്പോര്‍ട്ട്. താരം പാക് യുവതിയില്‍ നിന്നും ഒത്തുകളിയ്ക്കാന്‍ പണം വാങ്ങിയെന്നായിരുന്നു ഭാര്യയുടെ ആരോപണം. താരത്തിനെതിരെ ഗാര്‍ഹിക പീഡനമടക്കമുള്ള കുറ്റങ്ങള്‍ ആരോപിച്ച് ഹസിന്‍ പൊലീസില്‍ പരാതി നല്‍കിയിരുന്നു.

ഹസിന്റെ വെളിപ്പെടുത്തലുകള്‍ക്കും പരാതിയ്ക്കും പിന്നാലെയായിരുന്നു ഷമിയ്‌ക്കെതിരെ അന്വേഷണത്തിന് ഉത്തരവിട്ടത്. അതേസമയം, ഭാര്യയുടെ ആരോപണങ്ങളെയെല്ലാം ഷമി തള്ളി കളഞ്ഞിരുന്നു. ഇന്ത്യന്‍ ക്രിക്കറ്റ് ഈയ്യടുത്ത കണ്ട ഏറ്റവും വലിയ വിവാദങ്ങളിലൊന്നായിരുന്നു ഷമി-ഹസിന്‍ ജഹാന്‍ വിവാദം.

Stay updated with the latest news headlines and all the latest Sports news download Indian Express Malayalam App.

Web Title: Mohammed shami cleared of match fixing charges by bcci can play ipl