'മെസിക്ക് വിദ്യാഭ്യാസമില്ല'; എതിർ നിരയുടെ വായടപ്പിച്ച് സെലിബ്രേഷൻ

വിദ്യാഭ്യാസവും പ്രൊഫഷണലിസവും ഇല്ലാത്ത താരമാണ് മെസി എന്ന വിമർശനവുമായി മെക്സിക്കൻ മുൻ പ്രതിരോധനിര താരം അഡോൽഫോ ബോറ്റിസ്റ്റ. ഇന്റർ മയാമിയുടെ പ്രീ സീസൺ മത്സരത്തിൽ മെക്സിക്കൻ ക്ലബിനെതിരെ ഗോൾ നേടിയതിന് ശേഷം മെസി നടത്തിയ ഗോൾ സെലിബ്രേഷനാണ് മെക്സിക്കൻ ആരാധകരേയും താരങ്ങളേയും പ്രകോപിപ്പിച്ചത്. 

മെക്സിക്കൻ ക്ലബ് ലിഗ എംഎക്സിനെതിരെ ഗോൾ നേടിയതിന് ശേഷം മെസി ഗ്യാലറിക്ക് നേരെ തിരിഞ്ഞ് 3 വിരലുകൾ ഉയർത്തുകയായിരുന്നു. അർജന്റീന മൂന്ന് ലോകകപ്പുകൾ നേടിയുട്ടുണ്ട്. മെക്സിക്കോ എത്ര ലോകകപ്പ് നേടിയിട്ടുണ്ട് എന്നാണ് ഈ ഗോൾ സെലിബ്രേഷനിലൂടെ കാണികളോട് മെസി ആരാഞ്ഞത്. 

മെസിയുടെ ഈ ഗോൾ സെലിബ്രേഷൻ താരത്തിന്റെ വിദ്യാഭ്യാസമില്ലായ്മയും പ്രൊഫഷണലിസം ഇല്ലായുമാണ് ചൂണ്ടിക്കാണിക്കുന്നതെന്നാണ് മെക്സിക്കൻ മുൻ താരം ബോറ്റിസ്റ്റ പറയുന്നത്. 2010 ലോകകപ്പിൽ മെസിയുടെ അർജന്റീനക്കെതിരെ താൻ കളിച്ചതിന്റെ ഫോട്ടോയും ബോറ്റിസ്റ്റ പങ്കുവെച്ചു. 

മെക്സിക്കോയെ അന്ന് അർജന്റീന 3-1ന് തോൽപ്പിച്ച് ക്വാർട്ടർ ഫൈനലിൽ എത്തിയിരുന്നു. 38 മത്സരങ്ങളാണ് ബോറ്റിസ്റ്റ മെക്സിക്കോയ്ക്ക് വേണ്ടി കളിച്ചത്. നേടിയത് 11 ഗോളും. ക്ലബ് ലെവലിൽ 474 മത്സരങ്ങൾ താരം കളിച്ചു. നേടിയത് 125 ഗോളും 37 അസിസ്റ്റും. 

New Messi celly just dropped 🔥 pic.twitter.com/nHlpF3sD7Q

— Major League Soccer (@MLS) January 19, 2025

ലീഗ് കപ്പിന് ഒരുങ്ങുന്ന സാഹചര്യത്തിൽ കൂടുതൽ പ്രീസീസൺ മത്സരങ്ങൾ മെസിയുടെ ഇന്റർ മയാമി കളിക്കുമെന്നാണ് റിപ്പോർട്ടുകങ്ങ. ഈ സീസണിൽ ഇന്റർ മയാമിക്കൊപ്പം എംഎൽഎസ് കപ്പും മെസി ലക്ഷ്യമിടുന്നു. കഴിഞ്ഞ സീസണിൽ ഇന്റർ മയാമി മികച്ച പ്രകടനം പുറത്തെടുത്തു. എന്നാൽ മികച്ച പ്രകടനം പുറത്തെടുത്തെങ്കിലും പ്ലേഓഫ് ഘട്ടത്തിലേക്ക് എത്താൻ ഇന്റർ മയാമിക്ക് സാധിച്ചില്ല. അതിനിടയിൽ മെസി ബാഴ്സയിലേക്ക് മടങ്ങും എന്ന റിപ്പോർട്ടുകളും ശക്തമാണ്. എന്നാൽ ഇത് സംബന്ധിച്ച ഔദ്യോഗിക സ്ഥിരീകരണങ്ങൾ ഒന്നും വന്നിട്ടില്ല. 

Read More

• സഞ്ജു സുരക്ഷിതനല്ല, കെസിഎ ഗൂഡാലോചന നടത്തുന്നു:സാംസൺ വിശ്വനാഥൻ
• india vs England: ഇംഗ്ലണ്ടിനെതിരെ ഇന്ത്യക്ക് വിജയത്തുടക്കം; ഈഡൻ ഗാർഡൻസിൽ താരമായി അഭിഷേക്
• ബുമ്ര തന്നെ മികച്ച ബോളര്‍; ടെസ്റ്റ് റാങ്കിങില്‍ ഒന്നാം സ്ഥാനം നിലനിര്‍ത്തി
• ഗില്ലും ബുമ്രയും ആന്റീ ഡോപ്പിങ് ടെസ്റ്റ് ലിസ്റ്റില്‍