റഷ്യ: ലോക ബോക്‌സിങ് ചാംപ്യന്‍ഷിപ്പില്‍ 48 കിലോഗ്രാമില്‍ മഞ്ജു റാണിയ്ക്ക് വെള്ളി. ഫൈനലില്‍ റഷ്യയുടെ എകട്രീന പല്‍റ്റ്‌സീവയോടാണ് മഞ്ജു പരാജയപ്പെട്ടത്. 1-4 നായിരുന്നു മഞ്ജുവിന്റെ തോല്‍വി.

സെമിയില്‍ തായ്‌ലാന്‍ഡിന്റെ ചുതാമറ്റ് രക്‌സാത്തിനെ മഞ്ജു 4-1 ന് പരാജയപ്പെടുത്തുകയായിരുന്നു. നേരത്തെ ഇതേ എതിരാളിയോട് തന്നെ തായ്‌ലന്‍ഡ് ഓപ്പണില്‍ മഞ്ജു പരാജയപ്പെട്ടിരുന്നു. അരങ്ങേറ്റ ലോക ച്യാംപന്‍ഷിപ്പില്‍ തന്നെ ഫൈനിലെത്തുന്ന രണ്ടാമത്തെ ഇന്ത്യന്‍ താരമാണ് മഞ്ജു. നേരത്തെ ഈ നേട്ടം സ്വന്തമാക്കിയത് ഇതിഹാസ താരം മേരി കോമായിരുന്നു.

കഴിഞ്ഞ ദിവസം 51 കിലോ ഗ്രാം വിഭാഗത്തില്‍ മേരി കോം വെള്ളി നേടിയിരുന്നു. 51 കിലോ ഗ്രാം വിഭാഗത്തില്‍ സെമിയില്‍ തുര്‍ക്കിയുടെ ബുസേനസ് കകിരോഗ്ലുവിനോട് 1-4 പരാജയപ്പെട്ടതോടെയാണ് മേരി കോമിന് വെങ്കലം കൊണ്ട് തൃപ്തിപ്പെടേണ്ടി വന്നത്.

പിതാവിന്റെ മരണത്തെത്തുടര്‍ന്ന് 2010 ല്‍ 12-ാം വയസിലാണ് മഞ്ജു ബോക്‌സിങ് റിങ്ങിലേക്ക് ഇറങ്ങുന്നത്. അച്ഛന്റെ വിയോഗത്തെത്തുടര്‍ന്നുണ്ടായ ദേഷ്യം അടക്കാനായിരുന്നു മഞ്ജു ബോക്‌സിങ് തിരഞ്ഞെടുത്തത്.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook