കോ​ൽ​ക്ക​ത്ത: ഐപിഎല്ലിൽ ഗു​ജ​റാ​ത്ത് ല​യ​ണ്‍​സി​ന്‍റെ മ​ല​യാ​ളി താ​രം ബേ​സി​ൽ ത​ന്പിയെ എ​മേ​ർ​ജിം​ഗ് പു​ര​സ്കാ​ര ജേ​താ​വാ​ക്കി​ക്കൊണ്ട് മ​ല​യാ​ളി​ക​ൾ ശക്തി തെളിയിച്ചതാണ്. പുരസ്കാരം പട്ടികയിൽ ബേസിലിന്‍റെ പേരും വന്നതോടെ സോ​ഷ്യ​ൽ മീ​ഡി​യ​യി​ലൂ​ടെ താരത്തിന് വോ​ട്ട് അ​ഭ്യ​ർ​ഥി​ച്ച് മലയാളികൾ രംഗത്തിറങ്ങുകയായിരുന്നു. ഇ​തോ​ടെ ഐ​പി​എ​ൽ ഔ​ദ്യോ​ഗി​ക വെ​ബ് സൈ​റ്റി​ൽ ന​ട​ന്ന വോ​ട്ടെ​ടു​പ്പി​ൽ മും​ബൈ താ​രം നി​ധീ​ഷ് റാ​ണ​യെ പി​ന്നി​ലാ​ക്കി ബേ​സി​ൽ മു​ന്നേ​റു​ക​യാ​യി​രു​ന്നു.

ഇപ്പോഴിതാ മ​ല​യാ​ളി​ക​ളു​ടെ പ്രി​യ​പ്പെ​ട്ട ഫു​ട്ബോ​ൾ താ​രം സികെ വി​നീ​തി​ന് വേ​ണ്ടി​ രംഗത്തെത്തിയിരിക്കുകയാണ് മലയാളി ആ​രാ​ധ​ക​ർ. ഇ​ന്ത്യ​ൻ ഫു​ട്ബോ​ൾ അ​സോ​സി​യേ​ഷ​ൻ ന​ൽ​കു​ന്ന ഫാ​ൻ​സ് പ്ലെ​യ​ർ ഓ​ഫ് ദ ​ഇ​യ​ർ പു​ര​സ്കാ​രം പ​ട്ടി​ക​യി​ലാ​ണ് വി​നീ​തും ഇ​ടം പി​ടി​ച്ച​ത്. ക​ഴി​ഞ്ഞ സീ​സ​ണി​ലെ പ്ര​ക​ട​നം വി​ല​യി​രു​ത്തി ത​യ​റാ​ക്കി​യ പ​ട്ടി​ക​യി​ൽ വി​നീ​ത് അ​ട​ക്കം പ​ത്തു താ​ര​ങ്ങ​ളാ​ണു​ള്ള​ത്. വി​നീ​തി​ന് വോ​ട്ട് ചെ​യ്യ​ണം എ​ന്ന് അ​ഭ്യ​ർ​ഥി​ച്ച് നി​ര​വ​ധി പോ​സ്റ്റു​ക​ളാ​ണ് സോ​ഷ്യ​ൽ മീ​ഡി​യ​യി​ൽ പ്രചരിക്കുന്നത്.

ഐ​എ​സ്എ​ല്ലി​ൽ കേ​ര​ള ബ്ലാ​സ്റ്റേ​ഴ്സി​നു വേ​ണ്ടി​യും ഐ ​ലീ​ഗി​ൽ ബം​ഗ​ളൂ​രു എ​ഫ്സി​ക്ക് വേ​ണ്ടി​യും മി​ക​ച്ച പ്ര​ക​ട​നം പു​റ​ത്തെ​ടു​ത്ത വി​നീ​ത് ഈ ​ര​ണ്ടു ടൂ​ർ​ണ​മെ​ന്‍റി​ലും ഇന്ത്യൻ ടോ​പ് സ്കോ​റും ആ​യി​രു​ന്നു. ബം​ഗ​ളൂ​രു എ​ഫ്സി​യെ ഫെ​ഡ​റേ​ഷ​ൻ ക​പ്പ് ജേ​താ​ക്ക​ളാ​കു​ന്ന​തി​ലും വി​നീ​ത് നി​ർ​ണാ​യ​ക പ​ങ്ക് വ​ഹി​ച്ചു. ഫെ​ഡ​റേ​ഷ​ൻ ക​പ്പ് ഫൈ​ന​ലി​ൽ വി​നീ​ത് നേ​ടി​യ ഇ​ര​ട്ട ഗോ​ളാ​ണ് ബം​ഗ​ളൂ​രു​വി​നെ ജേ​താ​ക്ക​ൾ ആ​ക്കി​യ​ത്.

വിനീതിനെ കൂടാതെ ഐസോൾ താരം ആൽബിനോ ഗോമസ്, ജയേഷ് റാണെ, റാൾട്ടെ, ഈസ്റ്റ് ബംഗാൾ താരം റോബിൻ സിംഗ്, മോഹൻ ബഗാൻ താരങ്ങളായ പ്രിതം കോട്ടൽ, മജുംദാർ, ബല്വന്ത് സിംഗ്, ഷില്ലോങ്ങ് ലജോംഗ് താരം ഐസക്ക്, ചർച്ചിൽ ബ്രദേഴ്സ് താരം ആദിൽ ഖാൻ തുടങ്ങിയവരാണ് അവാർഡിനായി മത്സരിക്കുന്നത്.

സി കെ വിനീതിന് വോട്ട് ചെയ്യാൻ ആഗ്രഹിക്കുന്നവർ ഈ ലിങ്ക് സന്ദർശിക്കൂ: //thefpai.net/vote/

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook