ചാമ്പ്യൻസ് ലീഗിൽ തകർപ്പൻ ജയം സ്വന്തമാക്കി ഇംഗ്ലീഷ് ക്ലബായ ലിവർപൂൾ. സ്ലൊവേനിയൻ ക്ലബായ മാരിബോറിനെ എതിരില്ലാത്ത 7 ഗോളുകൾക്കാണ് ലിവർപൂൾ തകർത്തതത്. ലിവർപൂളിനായി മുഹമ്മദ് സലാഹ്, റൊബർട്ടോ ഫിർമീനോ എന്നിവർ ഇരട്ടഗോളുകൾ നേടി.

മാരിബോറിനെതിരെ ആദ്യപകുതിയിൽ തന്നെ ലിവർപൂൾ 4-0 എന്ന സ്കോറിന് മുന്നിൽ എത്തിയിരുന്നു. പന്തുരുണ്ട് നാലാം മിനിറ്റിൽത്തന്നെ റോബർട്ടോ ഫിർമിനോയിലൂടെ ലിവർപൂൾ ആദ്യ ഗോൾ നേടി. 13-ാം മിനിറ്റിൽ ഫിലിപ്പ് കുട്ടീഞ്ഞോ ലിവർപൂളിന്റെ ലീഡ് ഉയർത്തി. മുഹമ്മദ് സലാഹിന്റേതായിരുന്നു അടുത്ത ഊഴം. മത്സരത്തിന്റെ 19, 39 മിനിറ്റുകളിൽ എതിരാളിയുടെ വല ചലിപ്പിച്ച് സലാഹ് ലിവർപൂളിന്റെ വിജയം ഉറപ്പിച്ചു.

രണ്ടാം പകുതിയുടെ തുടത്തിൽത്തന്നെ റൊബർട്ടോ ഫിർമിനോ തന്റെ ഡബിൾ തികച്ചു. 54-ാം മിനിറ്റിൽ​ അനായാസമായൊരു ഫിനിഷിലൂടെയാണ് ഫിർമിനോ ലിവർപൂളിന്റെ അഞ്ചാം ഗോൾ നേടിയത്. അവസാന മിനിറ്റുകളിൽ അലക്സാണ്ടർ അർണോൾഡും, അലക്സ് ഓക്സ്‌ലൈൻ ചേംമ്പർ ലൈനും ലക്ഷ്യം കണ്ടതോടെ ലിവർപൂൾ കൂറ്റൻ വിജയം ആഘോഷിച്ചു.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook