കൊൽക്കത്ത: ശ്രീലങ്കയ്ക്കെതിരായ ആദ്യ ക്രിക്കറ്റ് ടെസ്റ്റ് സമനിലയില്‍ അവസാനിച്ചു. ഇ​ന്ത്യ​യു​ടെ ര​ണ്ടാം ഇ​ന്നിങ്സ് എ​ട്ടു വി​ക്ക​റ്റി​ന് 352 എ​ന്ന നി​ല​യി​ൽ ഡി​ക്ല​യ​ർ ചെ​യ്തതോടെ ശ്രീ​ല​ങ്ക​യ്ക്ക് മു​ന്നി​ൽ 231 റ​ൺ​സ് എന്ന വി​ജ​യ​ല​ക്ഷ്യമാണ് ഉ‍​യ​ർന്നത്.

പിന്നാലെ ബാറ്റിങ്ങിന് ഇറങ്ങിയ ശ്രീലങ്ക റണ്‍സ് നേടാന്‍ ബുദ്ധിമുട്ടി. അവസാന ദിനമായ ഇന്ന് വെളിച്ചം മങ്ങാന്‍ വേണ്ടിയെന്നോണം ശ്രീലങ്കന്‍ താരങ്ങള്‍ സമയം വൈകിപ്പിച്ചത് ഇന്ത്യന്‍ താരങ്ങളുടെ നെറ്റി ചുളിപ്പിച്ചു. പിന്നാലെ മികച്ച പ്രകടനത്തിലൂടെ ഇന്ത്യന്‍ ബോളര്‍മാര്‍ കൃത്യമായ ഇടവേളകളില്‍ ലങ്കന്‍ ബോളര്‍മാരെ എറിഞ്ഞിട്ടു. എന്നാല്‍ 7 വിക്കറ്റിന് 75 എന്ന നിലയില്‍ എത്തി നില്‍ക്കെ ശ്രീലങ്കന്‍ നായകന്‍ വെളിച്ചക്കുറവ് ഉണ്ടെന്ന് പരാതിപ്പെടുകയായിരുന്നു. തുടര്‍ന്ന് മത്സരം നിര്‍ത്തിവയ്ക്കുകയായിരുന്നു.

കോ​ഹ്‌​ലി​യും (104) ഷ​മി​യും(12) പു​റ​ത്താ​കാ​തെ നി​ന്നു. 119 പന്തുകളിൽനിന്നാണ് കോഹ്‌ലി സെഞ്ചുറി (104) നേടിയത്. ടെസ്റ്റ് ക്രിക്കറ്റിലെ കോഹ്‌ലിയുടെ 18-ാം സെഞ്ചുറിയാണിത്. കരിയറിൽ കോഹ്‌ലിയുടെ 50-ാം സെഞ്ചുറിയും. ഏകദിനത്തിൽ 32 സെഞ്ചുറിയും ടെസ്റ്റിൽ 18 സെഞ്ചുറികളുമാണ് കോഹ്‌ലി അടിച്ചു കൂട്ടിയത്.

അവസാന ദിനത്തിൽ ശ്രീലങ്കയെ വിരാട് കോഹ്‌ലി ഒറ്റയ്ക്കാണ് പ്രതിരോധിച്ചത്. സുരങ്ക ലക്മലിനെയും ശനകയെയും വിദഗ്‌ധമായി നേരിട്ട കോഹ്‌ലി ഇന്ത്യയെ തകരാതെ കാത്തു. പൂജാരയും, രഹാനയും ജഡേജയും പെട്ടെന്ന് മടങ്ങിയപ്പോൾ കോഹ്‌ലി ലങ്കൻ ബോളർമാരെ കടന്നാക്രമിച്ചു. ഫാസ്റ്റ് ബോളർ സുരങ്ക ലക്മലിന്റെ പന്ത് ലോങ്ങോണിന് മുകളിലൂടെ പറത്തിയാണ് വിരാട് കോഹ്‌ലി മൂന്നക്കം പിന്നിട്ടത്. 12 ഫോറുകളും 2 തകർപ്പൻ സിക്സറുകളും അടങ്ങുന്നതായിരുന്നു കോഹ്‌ലിയുടെ ഇന്നിങ്സ്.

ഓപ്പണർമാരായ കെ.എൽ.രാഹുൽ (79), ശിഖർ ധവാൻ (94), ചേതേശ്വർ പൂജാര (22) എന്നിവർ മികച്ച പ്രകടനമാണ് രണ്ടാം ഇന്നിങ്സിൽ പുറത്തെടുത്തത്. നാലാം ദിനം പേസർമാരുടെ കരുത്തിൽ ശ്രീലങ്കയെ 294 റൺസിനു ഇന്ത്യ പുറത്താക്കിയിരുന്നു. നാലു വിക്കറ്റിന് 165 എന്ന സ്കോറുമായി നാലാം ദിനം കളി ആരംഭിച്ച ലങ്ക 200 സ്കോർ എത്തുന്നതുവരെ തികഞ്ഞ ആത്മവിശ്വാസത്തിലായിരുന്നു. പിന്നീടായിരുന്നു ഇന്ത്യൻ പേസർമാരുടെ കരുത്തിൽ ലങ്കൻ താരങ്ങൾ ഓരോന്നായി വീണത്.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook