Latest News
രാജി പ്രഖ്യാപിച്ച് കര്‍ണാടക മുഖ്യമന്ത്രി ബി.എസ്. യെദ്യൂരപ്പ
കൊടകര കുഴല്‍പ്പണക്കേസ്: പ്രതിക്ക് സുരേന്ദ്രനുമായി അടുത്ത ബന്ധമെന്ന് മുഖ്യമന്ത്രി നിയമസഭയില്‍
അമ്പെയ്ത്തില്‍ ഇന്ത്യന്‍ സംഘം പുറത്ത്; ബാഡ്മിന്റണിലും തോല്‍വി
മഴ: ആറ് ജില്ലകളില്‍ യെല്ലൊ അലര്‍ട്ട്; തീരദേശത്ത് ജാഗ്രതാ നിര്‍ദേശം
രാജ്യത്ത് 39,361 പേര്‍ക്ക് കോവിഡ്; 416 മരണം; ആശങ്കയായി കേരളം

വലതു കാലില്‍ മായാജാലം ഒളിപ്പിച്ച് മെസി; പാദുകം നഷ്ടമായിട്ടും പാതിയില്‍ വീഴാതെ ഫുട്ബോള്‍ മിശിഹ

ഒരു ഘട്ടത്തില്‍ ഒരു കാലിലെ ബൂട്ട് അഴിഞ്ഞ് പോയിട്ടും മെസിയുടെ പോരാട്ടം നിലച്ചില്ല

മാഡ്രിഡ്‌: റയലിന്‍റെ തട്ടകത്തില്‍ ബാഴ്‌സലോണ വിജയക്കൊടി പാറിച്ചതില്‍ ലയണല്‍ മെസിയുടെ പങ്ക് ഏറെ വലുതാണ്. ഒരു ഘട്ടത്തില്‍ ഒരു കാലിലെ ബൂട്ട് അഴിഞ്ഞ് പോയിട്ടും മെസിയുടെ പോരാട്ടം നിലച്ചില്ല.
മൂന്ന് ഗോളുകള്‍ക്കാണ് ആതിഥേയരെ കാറ്റലോണിയന്‍ സഖ്യം പരാജയപ്പെടുത്തിയത്. ആദ്യപകുതിയില്‍ റയലിന്‍റെ നല്ല മുന്നേറ്റങ്ങള്‍ കാണാന്‍ സാധിച്ചുവെങ്കിലും രണ്ടാം പകുതി പൂര്‍ണമായും ബാഴ്‌സലോണയ്ക്ക് അനുകൂലമായിരുന്നു. രണ്ടാം പകുതി ഒമ്പത് മിനുട്ടില്‍ എത്തുംബോഴാണ് സര്‍ജിയോ റോബെട്ടോയുടെ അസിസ്റ്റില്‍ സുവാരസ് റയല്‍ കോട്ടയില്‍ വിള്ളല്‍ വീഴ്ത്തിയത്. റയലിന്‍റെ ബോക്സിലേക്ക് ഇരച്ചുകയറിയ റാക്കിറ്റിച്ച് വിങ്ങില്‍ സര്‍ജിയോ റോബര്‍ട്ടിന് പന്ത് കൈമാറുകയായിരുന്നു.

സര്‍ജിയോയുടെ പാസ് അനായാസമായാണ് സുവാരസ് ഫിനിഷ് ചെയ്തത്.63ാം മിനുട്ടില്‍ ഗോളടിക്കാനുള്ള ബാഴ്‌സലോണ ശ്രമം ബോക്സില്‍ വച്ച് കൈകൊണ്ട് തടഞ്ഞ കാര്‍വഹാലിന് ചുവപ്പ് കാര്‍ഡ് ലഭിക്കുന്നു. ഫൗളില്‍ ലഭിച്ച പെനാല്‍റ്റി ഗോളാക്കികൊണ്ട് മെസ്സി റയലിന്‍റെ പെട്ടിയില്‍ രണ്ടാമത്തെ ആണിയും അടിക്കുകയായി. 90ാം മിനുട്ടില്‍ പകരക്കാരനായി വന്ന അലെക്സ് വിഡാലിലൂടെയാണ് ബാഴ്‌സലോണ അവസാന ഗോള്‍ കാണുന്നത്. വലതുകാലിലെ ബൂട്ട് അഴിഞ്ഞ് പോയിട്ടും മെസി തന്റെ ദൗത്യം കൃത്യമായി നിര്‍വഹിച്ചു. വലതുവിങ്ങില്‍ നിന്നും മെസ്സി കൊടുത്ത ക്രോസ് വിഡാല്‍ ഷൂട്ട്‌ ചെയ്യുകയായിരുന്നു. റയല്‍ മാഡ്രിഡ്‌ ഗോള്‍കീപ്പര്‍ നവാസിന്‍റെ കൈയ്യില്‍ ഒതുങ്ങാതെ പന്ത് റയല്‍ വലയിലേക്ക് കടന്നു.

പത്തുപേരായി ചുരുങ്ങിയ റയല്‍ ബെന്‍സീമയ്ക്ക് പകരം ബേലും കാസ്മേരോയ്ക്ക് പകരം അസെന്‍സിയോയും കൊവാചിച്ചിന് പകരം നാശോയും ഇറങ്ങി. ആദ്യ പകുതിയില്‍ പരിക്കേറ്റ ഇനിയസ്റ്റയ്ക്ക് പകരം നെല്‍സന്‍ സെമേഡോയെയും അവസാനനിമിഷം ഇറങ്ങിയ വിഡാലും മാത്രമാണ് ബാഴ്‌സലോണ നിരയില്‍ വന്ന മാറ്റം.

ആവേശം ഒട്ടും കുറയാത്ത എല്‍ ക്ലാസിക്കോയുടെ ആദ്യപകുതി ഗോള്‍ രഹിതം. തുടക്കം മുതല്‍ അക്രമ ഫുട്ബാള്‍ കാഴ്ചവെക്കാന്‍ റയല്‍ മാഡ്രിഡിനു സാധിച്ചെങ്കിലും അവസാന പതിനഞ്ച് മിനുട്ടില്‍ ബാഴ്‌സലോണ മെച്ചപ്പെട്ട പ്രകടനമായിരുന്നു  പുറത്തെടുത്തത്.

കളിയുടെ ഒന്നാം മിനുട്ടില്‍ തന്നെ റയലിനു ലഭിച്ച കോര്‍ണര്‍ കാസ്മെരോ റൊണാള്‍ഡോയ്ക്ക് പാസ് ചെയ്യുന്നു പോസ്റ്റിലേക്ക് ഹെഡ് ചെയ്തുവെങ്കിലും ഓഫ്സൈഡ് ആവുകയായിരുന്നു. പത്താം മിനുട്ടില്‍ ബോക്സിനകത്ത് വെച്ച് റൊണാള്‍ഡോയ്ക്ക് നല്ലൊരു ഷോട്ട് മിസ്സാവുകയും ചെയ്തു. പത്താം മിനുട്ടില്‍ ബാഴ്‌സലോണ ബോക്സില്‍ റൊണാള്‍ഡോയ്ക്ക് മറ്റൊരു മികച്ച അവസരം ലഭിച്ചുവെങ്കിലും ഷോട്ട് മിസ്സാവുകയായിരുന്നു.

ആദ്യ മുപ്പത് മിനുട്ട് റയല്‍ വ്യക്തമായ മുന്‍‌തൂക്കം നിലനിര്‍ത്തിയപ്പോള്‍ അവസാന പതിനഞ്ച് മിനുട്ടിലാണ് ബാഴ്‌സലോണ താളം കണ്ടെത്തുന്നത്. മുപ്പത്തിയൊമ്പതാം മിനുട്ടില്‍ ബാഴ്‌സലോണയുടെ ഒരു ഷോട്ട് ലക്ഷ്യത്തിലേക്ക് കുതിച്ചുവെങ്കിലും നവാസ് തടുക്കുകയായിരുന്നു. മൂന്ന് മിനിട്ടിനകം ബെന്‍സീമ മറ്റൊരു മികച്ച മുന്നേറ്റം പുറത്തെടുത്തുവെങ്കിലും ഫിനിഷിങ്ങില്‍ പിഴച്ചു.

നാല് മധ്യനിര താരങ്ങളെയും രണ്ട് പേരടങ്ങുന്ന മുന്നേറ്റനിരയേയും നിരത്തിയാണ് ഇരുടീമുകളും കളിയാരംഭിച്ചത്. എട്ട് ഷോട്ടുകള്‍ പിറന്ന ആദ്യ പകുതിയില്‍ ആറോളം ഷോട്ടുകള്‍ വന്നത് ആതിഥേയരുടെ ബൂട്ടില്‍ നിന്നാണ്. ബാഴ്‌സലോണയുടെ രണ്ട് ഷോട്ടുകളും ലക്ഷ്യത്തിലെത്തുകയും ചെയ്തു.

ഈ വിജയത്തോടെ തുടര്‍ച്ചയായി മൂന്ന് ലാ ലിഗ സീസണുകളില്‍ എല്‍ ക്ലാസിക്കൊ ജയിച്ചു എന്ന മറ്റൊരു റിക്കോഡ്‌ കൂടി ബാഴ്‌സലോണയ്ക്ക് സ്വന്തം.

Get the latest Malayalam news and Sports news here. You can also read all the Sports news by following us on Twitter, Facebook and Telegram.

Web Title: Lionel messi set up aleix vidals goal against real madrid in the clasico wearing only one of his boots read more httpmetro co uk20171223lionel messi set aleix vidals goal real madri

Next Story
രോഹിത് ശര്‍മ്മയെ കുറിച്ച് മുഹമ്മദ് കൈഫ് നടത്തിയ പ്രവചനം സത്യമായി; തെളിവുമായി ‘ഇന്ത്യയുടെ പറക്കും താരം’
The moderation of comments is automated and not cleared manually by malayalam.indianexpress.com
Best of Express