ന്യൂഡൽഹി: ക്രി​ക്ക​റ്റി​ലെ വാ​തു​വ​യ്പും ചൂ​താ​ട്ട​വും നി​യ​മ​വി​ധേ​യ​മാ​ക്ക​ണ​മെ​ന്ന് കേ​ന്ദ്ര നി​യ​മ ക​മ്മീ​ഷ​ന്‍റെ ശുപാ​ർ​ശ. കേ​ന്ദ്ര നി​യ​മ മ​ന്ത്രാ​ല​യ​ത്തി​ന് സ​മ​ർ​പ്പി​ച്ച പു​തി​യ റി​പ്പോ​ർ​ട്ടി​ലാ​ണ് ക​മ്മീ​ഷ​ൻ ഈ ​ശുപാ​ർ​ശ ന​ൽ​കി​യി​രി​ക്കു​ന്ന​ത്. ക​റ​ൻ​സി ര​ഹി​ത ഇ​ട​പാ​ടു​ക​ളി​ലൂ​ടെ​യും പാ​ൻ ന​മ്പ​റും ആ​ധാ​റു​മാ​യി ബ​ന്ധി​പ്പി​ച്ചും ഇ​തു നി​യ​മ വി​ധേ​യ​മാ​ക്കാ​നാ​കു​മെ​ന്നും ക​ള്ള​പ്പ​ണം ഒ​ഴു​ക്കാ​നു​ള്ള സാ​ധ്യ​ത​ക​ൾ ഇ​തു​മൂ​ലം ഒ​ഴി​വാ​കു​മെ​ന്നും നി​യ​മ ക​മ്മീ​ഷ​ൻ ചൂ​ണ്ടി​ക്കാ​ട്ടു​ന്നു.

എന്നാൽ ഒത്തുകളി അടക്കമുള്ള തട്ടിപ്പ് തടയാൻ ഇക്കാര്യത്തിൽ ശക്തമായ നിയമ സംവിധാനം വേണമെന്നും കമ്മിഷൻ ആവശ്യപ്പെട്ടു. വാതുവയ്പ് നടപടികൾക്ക് നികുതി ഏർപ്പെടുത്തണമെന്നും വിദേശ നിക്ഷേപം കൊണ്ടുവരാനുള്ള എളുപ്പവഴിയാണ് ഇതെന്നും കമ്മിഷന്റെ നിർദ്ദേശത്തിൽ പറയുന്നു.

ഐ​പി​എ​ൽ മ​ത്സ​ര​ങ്ങ​ളോ​ട് അ​നു​ബ​ന്ധി​ച്ച് ബി​സി​സി​ഐ​യ്ക്കെ​തി​രേ ഉ​യ​ർ​ന്ന വാ​തു​വ​യ്പ് ആ​രോ​പ​ണ​ങ്ങ​ളെ കു​റി​ച്ച് അ​ന്വേ​ഷ​ണം ന​ട​ത്തി​യ ജ​സ്റ്റിസ് ആ​ർ.​എം.ലോ​ധ ക​മ്മി​റ്റി, ക്രി​ക്ക​റ്റി​ലെ വാ​തു​വ​യ്പ് നി​യ​മ​വി​ധേ​യ​മാ​ക്കു​ന്ന​ത് പ​രി​ശോ​ധി​ക്ക​ണ​മെ​ന്ന് നി​ർദ്ദേ​ശി​ച്ചി​രു​ന്നു. ഇ​താ​ണ് നി​യ​മ ക​മ്മി​ഷ​ൻ പ​രി​ശോ​ധി​ച്ച​ത്. ക്രി​ക്ക​റ്റി​നെ പോ​ലെ മ​ത്സ​രാ​ടി​സ്ഥാ​ന​ത്തി​ൽ ന​ട​ക്കു​ന്ന കാ​യി​ക ഇ​ന​ങ്ങ​ളി​ൽ വാ​തു​വ​യ്പും ചൂ​താ​ട്ട​വും പൂ​ർ​ണ​മാ​യി നി​രോ​ധി​ക്കു​ന്ന​തു കൊ​ണ്ട് ക​ള്ള​പ്പ​ണം വ്യാ​പ​ക​മാ​ക്കാ​നേ സ​ഹാ​യി​ക്കൂ. ഇ​തു നി​യ​മ​വി​ധേ​യ​മാ​ക്കു​ക​യും ശ​ക്ത​മാ​യ നി​രീ​ക്ഷ​ണ സം​വി​ധാ​നം കൊ​ണ്ടു​വ​രി​ക​യും ചെ​യ്താ​ൽ ഇ​തി​ലൂ​ടെ​യു​ള്ള നി​കു​തി വ​രു​മാ​നം സ​ർ​ക്കാ​രു​ക​ൾ​ക്കു ലാ​ഭ​ക​ര​മാ​ക്കാ​മെ​ന്നും ക​മ്മീ​ഷ​ൻ ചൂ​ണ്ടി​ക്കാ​ട്ടു​ന്നു.

എന്നാൽ 18 വയസിന് താഴെയുള്ളവരെ വാതുവയ്പ് നടത്താൻ അനുവദിക്കരുത്, വാതുവയ്പിന് ഉയർന്ന പരിധി നിശ്ചയിക്കണം, കറൻസി രൂപത്തിൽ പണം കൈമാറരുത്, വാതുവയ്പിലെ എല്ലാ സാമ്പത്തിക ഇടപാടുകളും ഡിജിറ്റൽ രൂപത്തിലായിരിക്കണം തുടങ്ങിയ നിർദ്ദേശങ്ങളും കമ്മിഷൻ സമർപ്പിച്ചിട്ടുണ്ട്. അനധികൃത വാതുവയ്പ് സംഭവങ്ങൾ പൂർണമായി തടയാൻ കഴിയാത്തതിനാൽ ശക്തമായ നിയമത്തിലൂടെ ഇവയെ നിയന്ത്രിക്കുകയാണ് വേണ്ടതെന്നും കമ്മിഷൻ സമർപ്പിച്ച നിർദ്ദേശത്തിൽ പറയുന്നു.

Get all the Latest Malayalam News and Kerala News at Indian Express Malayalam. You can also catch all the Sports News in Malayalam by following us on Twitter and Facebook