scorecardresearch

ലക്ഷ്യസെൻ ഇന്ത്യയുടെ സ്വർണ്ണ തൂവൽ: എഷ്യ ജൂനിയർ ബാഡ്മിന്റൺ ചാമ്പ്യൻഷിപ്പിൽ സ്വർണ്ണം നേടി പതിനാറുകാരൻ

പി വി സിന്ധു, ഗൗതം താക്കർ എന്നിവർക്ക് ശേഷം ജൂനിയർ ഏഷ്യൻ ചാമ്പ്യൻഷിപ്പിൽ സ്വർണ്ണം നേടുന്ന താരമാണ് ലക്ഷ്യസെൻ

ലക്ഷ്യസെൻ ഇന്ത്യയുടെ സ്വർണ്ണ തൂവൽ: എഷ്യ ജൂനിയർ ബാഡ്മിന്റൺ ചാമ്പ്യൻഷിപ്പിൽ സ്വർണ്ണം നേടി പതിനാറുകാരൻ

ഷട്ടിൽ ബാഡ്മിന്റൺ രംഗത്ത് ഇന്ത്യയുടെ പുതിയ താരോദമായ ലക്ഷ്യസെൻ ചരിത്രമെഴുതി സ്വർണനേട്ടം കൈവരിച്ചു. ജക്കാർത്തയിൽ നടന്ന 2018ലെ ഏഷ്യൻ ജൂനിയർ ബാഡ്മിന്റൺൺ​ ചാമ്പ്യൻഷിപ്പിലാണ്  ഈ കൗമാരക്കാരൻ സ്വർണ്ണം നേടിയത്.

ഈ പതിനാറുകാരൻ ഒന്നാം സീഡും ലോക ഒന്നാം നമ്പർ താരവുമായ കുനാലവുട് വിതദസരണിനെ തോൽപ്പിച്ചാണ് സ്വർണ്ണം സ്വന്തമാക്കിയത്. 21-19, 21-18 എന്നിങ്ങനെ നേരിട്ടുളള ഗെയിമുകൾക്കാണ് ഒന്നാം സീഡിനെ തോൽപ്പിച്ചത്.

ലക്ഷ്യ സെന്നിന്റെ കരിയറിലെ വലിയ നേട്ടമാണിത്. ലോക ഒമ്പതാം നമ്പർ താരമാണ് ലക്ഷ്യസെൻ. കഴിഞ്ഞ ആറ് വർഷത്തിനുളളിൽ ​ഈ ചാമ്പ്യൻഷിപ്പിൽ സ്വർണമെഡൽ നേടുകയാണ് ഇന്ത്യ. മാത്രമല്ല, ഇന്ത്യയിൽ നിന്നും ഈ ചാമ്പ്യൻഷിപ്പിന്റെ പുരുഷ സിംഗിൾസിൽ 53 വർഷത്തിന് ശേഷം മെഡൽ നേടുന്ന ഇന്ത്യൻ താരവുമാണ്.

ഈ​ മത്സരത്തിൽ ലക്ഷ്യ സെൻ ആറാം സീഡായി ഉയർന്നു. ഗൗതം താക്കൂറിനും പി വി സിന്ധുവിനും ശേഷം ഈ​ ചാമ്പ്യൻഷിപ്പിൽ​സ്വർണമെഡൽ നേടുന്ന താരവുമായാി. ഗൗതം താക്കൂർ 1965 ലും പി വി സിന്ധു 2012 ലുമാണ് എഷ്യൻ ജൂനിയർ ചാമ്പ്യൻഷിപ്പൽ ഈ നേട്ടം കൈവരിച്ചത്.

സ്വർണ്ണത്തിൽ മുത്തമിടാൻ കരുത്തരായ താരങ്ങളോട് ഏറ്റുമുട്ടേണ്ടി വന്നിരുന്നു, ഇന്ത്യയുടെ പുതിയ സുവർണതാരത്തിന്. ഫൈനലിൽ ഒന്നാം സീഡിനെ ആണ് തോൽപ്പിച്ചതെങ്കിൽ ക്വാർട്ടർ ഫൈനലിൽ രണ്ടാം സീഡായ ചൈനയുടെ ലി ഷിഫെങ്ങിനെയാണ് തോൽപ്പിച്ചത്. 21-14, 21-12 എന്നിങ്ങനെ നേരിട്ടുളള ഗെയിമുകൾ നേടിയാണ് ക്വാർട്ടർ ഫൈനലിൽ വിജയം കൈവരിച്ചത്. നാലാം സീഡായ ലിയനാഡോ ഇമ്മാനുവൽ റംമ്പേയെ 21-7, 21-14 എന്നിങ്ങനെ നേരിട്ടുളള ഗെയിമുകൾക്ക് തോൽപ്പിച്ചാണ് ലക്ഷ്യസെൻ ഫൈനലിൽ എത്തിയത്.

നേരത്തെ ലോക ഒന്നാം നമ്പർ താരമായ ഈ കൗമാരതാരം നേരത്തെ ഇതേ ചാമ്പ്യൻഷിപ്പിൽ ബ്രോൺസ് നേടിയിരുന്നു.

Stay updated with the latest news headlines and all the latest Sports news download Indian Express Malayalam App.

Web Title: Lakshya sen badminton gold asian junior championship

Best of Express