ഒടുവിൽ രാഹുൽ പുറത്ത്; ക്യാപ്റ്റനെ കൈവിടാനൊരുങ്ങി ലഖ്‌നൗ സൂപ്പര്‍ ജയന്റ്‌സ്

മെഗാ താരലേലത്തിനു മുന്നോടിയായി നിക്കോളാസ് പൂരൻ ഉൾപ്പെടെയുള്ള താരങ്ങളെ നിലനിർത്താൻ ഒരുങ്ങി ലക്‌നൗ സൂപ്പർ ജയൻ്റ്‌സ് (എൽഎസ്‌ജി). നിലനിർത്തുന്ന താരങ്ങളിൽ നാല് ഇന്ത്യൻ യുവതാരങ്ങൾ ഉണ്ടാകുമെന്നാണ് റിപ്പോർട്ട്. അതേസമയം, തുടക്കം മുതൽ ടീമിനൊപ്പമുണ്ടായിരുന്ന നായകൻ കെ.എൽ രാഹുലിനെ, നിലനിർത്തുന്ന താരങ്ങളുടെ ലിസ്റ്റിൽ എൽഎസ്ജി ഉൾപ്പെടുത്തിയിട്ടില്ലെന്നാണ് വിവരം.

അവസാന ഐപിഎൽ സീസണിൽ രാഹിലിന്റെ നേതൃത്വത്തിൽ എൽഎസ്ജിക്ക് പ്ലേ ഓഫിൽ എത്താൻ സാധിച്ചിരുന്നില്ല. 10 ടീമുകളുടെ പട്ടികയിൽ ഏഴാം സ്ഥാനത്താണ് എൽഎസ്ജി ഫിനിഷ് ചെയ്തത്. നിരവധി മത്സരങ്ങളിൽ ക്യാപ്റ്റൻസിയുടെ പേരിൽ കെ.എൽ രാഹുൽ വിമർശനം നേരിട്ടിരുന്നു.

സൺറൈസേഴ്സ് ഹൈദരബാദിനോട് പരാജയപ്പെട്ട ശേഷം ടീം ഉടമ സഞ്ജീവ് ഗോയങ്കയുമായി രാഹുൽ വാക്കുതർക്കത്തിൽ ഏർപ്പെടുന്നതും ശ്രദ്ധനേടിയിരുന്നു. ഇതിനു പിന്നാലെ നായകൻ ടീം മാറുമെന്ന് അഭ്യൂഹങ്ങൾ പ്രചരിച്ചിരുന്നു.

അടുത്ത ഐപിഎൽ സീസണിലേക്ക് നിക്കോളാസ് പൂരൻ, മായങ്ക് യാദവ്, രവി ബിഷ്‌നോയ്, അൺക്യാപ്പ്ഡ് താരങ്ങളായ മൊഹ്‌സിൻ ഖാൻ, ആയുഷ് ബഡോണി എന്നിവരെ ലക്‌നൗ സൂപ്പർ ജയൻ്റ്സ് നിലനിർത്തു മെന്നാണ് ഇഎസ്‌പിഎൻ ക്രിക്ക് ഇൻഫോ റിപ്പോർട്ട് ചെയ്യുന്നത്. അവസാന നിമിഷം തീരുമാനത്തിൽ മാറ്റമുണ്ടായില്ലെങ്കിൽ കെ.എൽ രാഹുൽ ടീമിൽ ഉണ്ടാകില്ല.

ഐപിഎൽ 2024 സീസണിൽ, സൂപ്പർ ജയൻ്റ്‌സിനു വേണ്ടി ഏറ്റവും കൂടുതൽ റൺസു നേടിയ താരമാണ് രാഹുൽ. 14 ഇന്നിംഗ്‌സുകളിൽ നിന്നായി 37.14 ശരാശരിയിലും 136.12 സ്‌ട്രൈക്ക് റേറ്റിലും 520 റൺസ് താരം നേടിയിരുന്നു.

Read More

• ബാഴ്സലോണ മാജിക്; നാല് ഗോളിന് റയലിനെ തകർത്തു
• കളി മറന്ന് ഇന്ത്യ; ചരിത്രമെഴുതി ന്യൂസിലൻഡ്
• ഒന്നാം വിക്കറ്റ് കീപ്പറായി സഞ്ജു; ദക്ഷിണാഫ്രിക്കയ്ക്കൻ പര്യടനത്തിനുള്ള ഇന്ത്യൻ ടീമിനെ പ്രഖ്യാപിച്ചു
• ഹോക്കി,ഗുസ്തി,ഷൂട്ടിങ് തുടങ്ങിയവ കോമൺവെൽത്ത് ഗെയിംസിൽ നിന്ന് ഒഴിവാക്കി
• പന്തിന് ഇത് ശീലം; പടിക്കൽ കലമുടക്കുന്നതിൽ രണ്ടാമൻ; 99ൽ പുറത്തായ ഇന്ത്യൻ താരങ്ങൾ ഇവർ
• രഞ്ജി ട്രോഫിയിൽ മികച്ച തുടക്കവുമായി കേരളം; നെടുംതൂണായി സഞ്ജു ടീമിൽ; രോഹന്‍ കുന്നുമ്മലിന് അര്‍ദ്ധ സെഞ്ചുറി